ଲୋଭୀ ପ୍ରେମିକାର ଜଘନ୍ୟ କାଣ୍ଡ, ଲିଭ-ଇନ୍ ପାର୍ଟନରଙ୍କୁ ଅପହରଣ କରି ମାଗୁଥିଲା ୧୦ ଲକ୍ଷ

ଭୁବନେଶ୍ୱର: ପ୍ରେମିକକୁ ଅପହରଣ ଅଭିଯୋଗରେ ପ୍ରେମିକାକୁ ଗିରଫ କରିଛି ପୋଲିସ । ଅପହରଣରେ ଲିପ୍ତ ପ୍ରେମିକା ସହିତ ଆଉ ୩ ସହଯୋଗୀଙ୍କୁ ମଧ୍ୟ ପୋଲିସ ଗିରଫ କରିଛି ।

ପ୍ରେମିକାର ଘର ଝାରଖଣ୍ଡ ବୋଲି ଜଣାପଡ଼ିଛି । ଉଭୟେ ପ୍ରେମିକା ଓ ପ୍ରେମିକ ଲିଭ ଇନରେ ରହୁଥିବା ପୋଲିସ କହିଛି ।

ପ୍ରେମିକଠାରୁ ପ୍ରତିଶୋଧ ନେବାକୁଯାଇ ଝାରପଡ଼ାରୁ ପ୍ରେମିକକୁ ଉଠାଇ ନେଇଥିଲା ପ୍ରେମିକା । ଅପହରଣ ପରେ ୧୦ ଲକ୍ଷ ଟଙ୍କା ମୁଣ୍ଡ ଜାମିନ ବାବଦକୁ ମାଗୁଥିବା ସୂଚନା ମିଳିଛି ।

ଏକ ଭଡ଼ାଘରେ ଅପହୃତ ଯୁବକଙ୍କୁ ରଖି, ପ୍ରେମିକା ତା’ ଭଉଣୀର ପ୍ରେମିକକୁ ଲଗାଇ ଯୁବକଙ୍କ ଉପରେ ଅତ୍ୟାଚାର କରୁଥିବା ଜଣାପଡ଼ିଛି । ଗିରଫ ପରେ ପୋଲିସ ପକ୍ଷରୁ ଘଟଣାର ଛାନଭିନ ଆରମ୍ଭ ହୋଇଛି ।