“ମାଗଣା ରାସନ ଓ ଟଙ୍କା ଲୋକଙ୍କୁ କରୁଛି କୋଢ଼ିଆ”, ସୁପ୍ରିମକୋର୍ଟଙ୍କ କଡ଼ା ଟିପ୍ପଣୀ

ନୂଆଦିଲ୍ଲୀ: ମାଗଣା ରାସନ ଓ ଟଙ୍କା ପାଇ ସାଧାରଣ ଲୋକ କୋଢ଼ିଆ ହୋଇଗଲେଣି। ଆଉ କେହି ପରିଶ୍ରମ କରି ଅର୍ଥ ଉପାର୍ଜନ କରିବାକୁ ଚାହୁଁନାହାନ୍ତି। କାରଣ ଘରେ ବସି ବସି ଖାଇବା ପାଇଁ ଚାଉଳ ମିଳି ଯାଉଛି। ଆଉ ଚଳିବା ପାଇଁ ଟଙ୍କା ବି ମିଳୁଛି।

ତେଣୁ ଲୋକ ନିକମା ହୋଇ ଗଲେଣି। ହଁ ଆଜ୍ଞା ଏକଥା ଆମେ କହୁନାହୁଁ ଏପରି ଏକ କଡ଼ା ଟିପ୍ପଣୀ ଦେଇଛନ୍ତି ସୁପ୍ରିମକୋର୍ଟ। ସହରାଞ୍ଚଳରେ ବାସହୀନ ଲୋକଙ୍କ ପାଇଁ ଆଶ୍ରୟ ଅଧିକାର ସହିତ ଜଡିତ ଏକ ଆବେଦନର ଶୁଣାଣି କରି ସୁପ୍ରିମକୋର୍ଟ ଏପରି ଟିପ୍ପଣୀ ଦେଇଥିବା କଥା ସାମ୍ନାକୁ ଆସିଛି।

ମାଗଣା ରାସନ ପାଇଁ ଲୋକ କୋଢ଼ିଆ: ଯଦି ଦେଖିବା କେନ୍ଦ୍ର ସରକାର ହୁଅନ୍ତୁ କିମ୍ୱା  କୌଣସି ରାଜ୍ୟ ସରକାର ଅବା କୌଣସି ଅନ୍ୟ ଦଳ। ନିର୍ବାଚନ ପୂର୍ବରୁ ସାଧାରଣ ଲୋକଙ୍କୁ ଅନେକ ଲୋଭ ଦେଖାଇଥାନ୍ତି।

ଫ୍ରି ରାସନ ସହ ଟଙ୍କା ମଧ୍ୟ ଦେବା ପାଇଁ ଘୋଷଣା କରନ୍ତି। ଏପରିକି କିଛି ଦଳ କ୍ଷମତାକୁ ଆସିବା ପରେ ନିଜ ପ୍ରତିଶୃତି ପାଳନ କରନ୍ତି। ଏବଂ ଲୋକଙ୍କୁ କିଛି ସ୍କିମ ମାଧ୍ୟମରେ ଟଙ୍କା ଦେବା ସହ ମାଗଣା ଚାଉଳ ମଧ୍ୟ ପ୍ରତି ମାସ ଘର ଘରକା ପ୍ରଦାନ କରନ୍ତି।

ହେଲେ ସରକାରଙ୍କ ଏହି ମାଗଣା ଚାଉଳ ଓ ଟଙ୍କା ପାଇଁ ଅଧିକାଂଶ ଲୋକ କୋଢ଼ିଆ ହୋଇ ଗଲେଣି। ଆଉ କୌଣସି କାମ କାର୍ଯ୍ୟ ନକରି ଘରେ ବସି ରହୁଛନ୍ତି। କାରଣ ଘରେ ବସି ବସି ସେମାନଙ୍କ ପରିବାର ଚଳିଯାଉଛି।

ତେଣୁ ପେଟ ପୋଷିବା ପାଇଁ କୌଣସି ଚିନ୍ତା ରହୁନି। ଯେଉଁ କାରଣ ପାଇଁ ସେମାନେ କାମ କରୁନାହାନ୍ତି। ବରଂ ଦିନକୁ ଦିନ ଅକର୍ମଣ୍ୟ ହୋଇ ପଡୁଛନ୍ତି। ଏକ ଆବେଦନର ଶୁଣାଣୀ କରି ଏପରି ମନ୍ତବ୍ୟ ଦେଇଛନ୍ତି ହାଇକୋର୍ଟ।

ଦାରିଦ୍ର୍ୟ ଦୂରିକରଣ: ସେପଟେ ଯଦି ଦେଖିବା କେନ୍ଦ୍ର ସରକାର ଦେଶରୁ ଦାରିଦ୍ର୍ୟ ହଟାଇବାକୁ ଦାରିଦ୍ର୍ୟ ଦୂରିକରଣ ମିଶନ ଚୂଡାନ୍ତ କରିବାକୁ ପ୍ରକ୍ରିୟା ଜାରି ରଖିଛନ୍ତି। ସେଥିପାଇଁ ଲୋକଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବାକୁ ଚେଷ୍ଟା ଚଲାଇଛନ୍ତି।

ଆଉ ସେପଟେ କିଛି ଲୋକ ମାଗଣା ରାସନ ଓ ଟଙ୍କା ପାଇ ଘରେ କୋଢ଼ିଆ ହୋଇ ବସି ରହିଛନ୍ତି। ହାଇକୋର୍ଟଙ୍କ ଏପରି କଡା ଟିପ୍ପଣୀ ପ୍ରଥମ ଥର ପାଇଁ ନୁହେଁ।

ପୂର୍ବରୁ ମଧ୍ୟ ଗତ ବର୍ଷ, ନିର୍ବାଚନ ପ୍ରଚାର ସମୟରେ ରାଜନୈତିକ ଦଳଗୁଡ଼ିକ ଦ୍ୱାରା ମାଗଣା ସୁବିଧା ପ୍ରଦାନ କରିବାର ଅଭ୍ୟାସକୁ ଚ୍ୟାଲେଞ୍ଜ କରି ଏକ ଆବେଦନର ଜବାବ ଦେବାକୁ କୋର୍ଟ କେନ୍ଦ୍ର ଏବଂ ନିର୍ବାଚନ କମିଶନଙ୍କୁ  ଆବେଦନର ଉତ୍ତର ଦେବାକୁ କହିଥିଲେ।