ଦିଲ୍ଲୀ NCRରେ ବର୍ଷା ତାଣ୍ଡବ; IGI ବିମାନ ବନ୍ଦରର ଖସିଲା ଛାତ, ୬ ଗୁରୁତର ହସ୍ପିଟାଲରେ ଭର୍ତ୍ତି, ଜଣେ ମୃତ
Advertisement
ନୂଆଦିଲ୍ଲୀ: ଶୁକ୍ରବାର ଦିଲ୍ଲୀ ସ୍ଥିତ ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରେ ଏକ ଅଘଟଣ ଦେଖିବାକୁ ମିଳିଛି । ଦିଲ୍ଲୀ ଏନସିଆରରେ ପ୍ରବଳ ବର୍ଷା ଯୋଗୁଁ ବିମାନବନ୍ଦରର ଟର୍ମିନାଲ ୧ର ଛାତର ଏକ ଅଂଶ ଖସି ପଡ଼ିଥିବା ସୂଚନା ମିଳିଛି । ଏନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ପରେ ୬ ଗୁରୁତରଙ୍କୁ ତୁରନ୍ତ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରିଥିଲା । ତେବେ ଏହି ଘଟଣାରେ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।
ଦିଲ୍ଲୀ ଦମକଳ ବାହିନୀ ଅଧିକାରୀଙ୍କ ସୂଚନାନୁଯାୟୀ ସକାଳ ପାଖାପାଖି ସାଢ଼େ ୫ଟାରେ ଦିଲ୍ଲୀ ଏୟାରପୋର୍ଟ ଟର୍ମିନାଲ ୧ରେ ଛାତ ଖସିଯିବାର ସୂଚନା ମିଳିଥିଲା । ଘଟଣାସ୍ଥଳରେ ୩ଟି ଦମକଳ ବାହିନୀ ଗାଡ଼ି ପଠାଯାଇଥିଲା । ତେବେ ଛାତ ଖସିଯିବାର ପ୍ରକୃତ କାରଣ ଏବେବି ଅସ୍ପଷ୍ଟ ରହିଛି । ଏହି ଘଟଣାରେ ଏକାଧିକ କାର ମଧ୍ୟ କ୍ଷତିଗ୍ରସ୍ତ ହୋଇଥିବା ବେଳେ ଏବେବି ଉଦ୍ଧାର କାର୍ଯ୍ୟ ଜାରି ରହିଛି । କହିରଖୁଛୁ ଦିଲ୍ଲୀ ଏନସିଆରରେ ପ୍ରବଳ ବର୍ଷା ଯୋଗୁଁ ଅନେକ ଅଞ୍ଚଳ ଜଳାର୍ଣ୍ଣବ ହୋଇଯାଇଥିଲା । ଦକ୍ଷିଣ ଦିଲ୍ଲୀରେ ଗୋବିନ୍ଦପୁର ଏବଂ ନୋଏଡା ସେକ୍ଟର ୯୫ ଅନେକ ମାତ୍ରାରେ ପ୍ରଭାବିତ ହୋଇଛି । ସେହିପରି ଦିଲ୍ଲୀରେ ଅନେକ ଅଞ୍ଚଳରେ ରାସ୍ତା ଉପରେ ପାଣି ଭର୍ତ୍ତି ହେବା ଯୋଗୁଁ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଛି ।
#WATCH | "A roof collapsed at Terminal-1 of Delhi airport. 3 fire tenders were rushed to the spot", says an official from Delhi Fire Services
(Video source – Delhi Fire Services) pic.twitter.com/qdRiSFrctv
— ANI (@ANI) June 28, 2024