ସାମ୍ନାକୁ ଆସିଲା ସବୁଠୁ ଶକ୍ତିଶାଳୀ ପାସପୋର୍ଟର Ranking, ଭାରତକୁ ଝଟକା, ପାକିସ୍ତାନର ଜାଣନ୍ତୁ ସ୍ଥିତି

ନୂଆଦିଲ୍ଲୀ: 2025 ବର୍ଷର ପ୍ରଥମ ଛଅ ମାସ ପାଇଁ ବିଶ୍ୱର ସବୁଠାରୁ ଶକ୍ତିଶାଳୀ ପାସପୋର୍ଟର ରାଙ୍କିଂ ପ୍ରକାଶ ପାଇଛି। ଏହି ରାଙ୍କିଂ ପ୍ରତିଷ୍ଠିତ ସଂଗଠନ ହେନଲି ଆଣ୍ଡ ପାର୍ଟନର୍ସ ଦ୍ୱାରା ପ୍ରକାଶିତ ହୋଇଛି। ଏହି ଇଣ୍ଡେକ୍ସ ଏଥିପାଇଁ ପାସପୋର୍ଟର ରାଙ୍କିଂ ପ୍ରସ୍ତୁତ କରିଥାଏ ଯେ, ସେହି ପାସପୋର୍ଟକୁ ରଖିଥିବା ଲୋକେ ବିନା କୌଣସି ଭିସାରେ କେତେ ଦେଶ ଯାଇପାରିବ।

ହେନଲି ପାସପୋର୍ଟ ଇଣ୍ଡେକ୍ସ ଅନୁଯାୟୀ, ସିଙ୍ଗାପୁରର ପାସପୋର୍ଟ ଦୁନିଆର ସବୁଠାରୁ ଶକ୍ତିଶାଳୀ ପାସପୋର୍ଟ ଅଟେ। ଏହି ଭିସା ରଖିଥିବା ଲୋକମାନେ ବିଶ୍ୱର 195 ଟି ଦେଶକୁ ବିନା ଭିସାରେ ଯାତ୍ରା କରିପାରିବେ।

ସିଙ୍ଗାପୁର ପରେ ଜାପାନର ଦ୍ୱିତୀୟ ଶକ୍ତିଶାଳୀ ପାସପୋର୍ଟ: ସିଙ୍ଗାପୁର ପରେ ଜାପାନ ଦୁନିଆର ସବୁଠାରୁ ଶକ୍ତିଶାଳୀ ପାସପୋର୍ଟ ରାଙ୍କିଂରେ ଦ୍ୱିତୀୟ ସ୍ଥାନରେ ରହିଛି। ଜାପାନିଜ ପାସପୋର୍ଟ ମାଧ୍ୟମରେ ଲୋକଙ୍କୁ 193ଟି ଦେଶକୁ ଭିସା ଫ୍ରି ଯାତ୍ରା ଅନୁମତି ଦିଆଯାଇଛି।

ଏଥି ସହିତ ଜାପାନ, ଦକ୍ଷିଣ କୋରିଆ, ଫ୍ରାନ୍ସ, ଜର୍ମାନୀ, ଇଟାଲୀ, ସ୍ପେନ୍ ଏବଂ ଫିନଲ୍ୟାଣ୍ଡ ମିଳିତ ଭାବେ ତୃତୀୟ ସ୍ଥାନ ଅଧିକାର କରିଛନ୍ତି। ଏହି ଦେଶର ପାସପୋର୍ଟରେ 192ଟି ଦେଶରେ ଭିସା ଫ୍ରି ପ୍ରବେଶ ଅନୁମତି ଦିଆଯାଇଛି।

ଅଷ୍ଟ୍ରିଆ, ଆୟର୍ଲାଣ୍ଡ, ଡେନମାର୍କ, ଲକ୍ସେମବର୍ଗ, ନରୱେ, ସ୍ୱିଡେନ ଏବଂ ନେଦରଲ୍ୟାଣ୍ଡରେ ବିଶ୍ୱର ଚତୁର୍ଥ ଶକ୍ତିଶାଳୀ ପାସପୋର୍ଟ ରହିଛି। ଏମାନେ 191 ଟି ଦେଶରେ ଭିସା ଫ୍ରି ପ୍ରବେଶ କରିପାରିବେ। ଏଥି ସହିତ, ନ୍ୟୁଜିଲ୍ୟାଣ୍ଡ, ପର୍ତ୍ତୁଗାଲ, ସ୍ୱିଜରଲ୍ୟାଣ୍ଡ, ବ୍ରିଟେନ ଏବଂ ବେଲଜିୟମରେ 190 ଟି ଦେଶରେ ମାଗଣା ପ୍ରବେଶ ସହିତ ପଞ୍ଚମ ଶକ୍ତିଶାଳୀ ପାସପୋର୍ଟ ରହିଛି।

ଦୁର୍ବଳ ପାସପୋର୍ଟ ଥିବା ଦେଶମାନଙ୍କ ମଧ୍ୟରେ ପାକିସ୍ତାନ: 33 ଟି ଦେଶରେ ଫ୍ରି ଭିସା ଏଣ୍ଟ୍ରି ସହ ପାକିସ୍ତାନ 103 ନମ୍ବରରେ ରହିଛି। ଆଫ୍ରିକୀୟ ଦେଶ ସୋମାଲିଆ, ପାଲେଷ୍ଟାଇନ, ନେପାଳ ଏବଂ ବାଂଲାଦେଶର ମାନ୍ୟତା ପାକିସ୍ତାନଠାରୁ ଶୀର୍ଷରେ ରହିଛି। ସୋମାଲିଆର ପାସପୋର୍ଟ 102 ନମ୍ବରରେ ଅଛି।

ଭାରତର ପାସପୋର୍ଟ ପାକିସ୍ତାନଠାରୁ ବହୁତ ଆଗରେ ଅଛି: ପାକିସ୍ତାନର ପାସପୋର୍ଟ ରାଙ୍କିଂ ଅପେକ୍ଷା ଭାରତର ପାସପୋର୍ଟ ରାଙ୍କିଂ ବହୁତ ଭଲ ସ୍ଥିତିରେ ଅଛି। ବିଶ୍ୱର ଦେଶ ମଧ୍ୟରେ ସବୁଠାରୁ ଶକ୍ତିଶାଳୀ ପାସପୋର୍ଟ ମାନ୍ୟତାରେ ଭାରତ 85 ତମ ସ୍ଥାନରେ ରହିଛି।

ଭାରତୀୟ ପାସପୋର୍ଟ ମାଧ୍ୟମରେ ବିଶ୍ୱର 57 ଟି ଦେଶକୁ ବିନା ଭିସାରେ ଯାତ୍ରା କରାଯାଇପାରିବ। ତେବେ ଗତ ବର୍ଷ ତୁଳନାରେ ଭାରତ 5 ରାଙ୍କିଂ ହ୍ରାସ ପାଇଛି।