ନଭେମ୍ବରରେ କେତେଦିନ ବନ୍ଦ ରହିବ ବ୍ୟାଙ୍କ ? RBI ଜାରି କଲା ଛୁଟି ଲିଷ୍ଟ୍
ନୂଆଦିଲ୍ଲୀ: ନଭେମ୍ବର ମାସ ଆରମ୍ଭ ହେବାକୁ ଆଉ କିଛି ଦିନ ବାକି ରହିଛି । ଯଦି ଆପଣ ନଭେମ୍ବର ମାସରେ ବ୍ୟାଙ୍କ ସହିତ ଜଡିତ କୌଣସି କାମ କରିବାକୁ ଯୋଜନା କରୁଛନ୍ତି, ତେବେ ଏହି ଖବରଟି ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ନଭେମ୍ବର ୨୦୨୨ ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଛୁଟିଦିନର ତାଲିକା ପ୍ରକାଶ କରିଛି । ଏହି ତାଲିକା ଅନୁଯାୟୀ ନଭେମ୍ବରରେ ବ୍ୟାଙ୍କଗୁଡିକ ମୋଟ ୧୦ ଦିନ ପାଇଁ ବନ୍ଦ ହେବାକୁ ଯାଉଛି ।
ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ବ୍ୟାଙ୍କ ଛୁଟି ତାଲିକାକୁ ତିନୋଟି ଶ୍ରେଣୀରେ ବିଭକ୍ତ କରିଛି । ଏଥିରେ egotiable Instruments Act, Real Time Gross Settlement Holiday ଓ Banks Closing of Accounts ମଧ୍ୟ ସାମିଲ ରହିଛି । ଜାତୀୟ ଛୁଟି ବ୍ୟତୀତ କେତେକ ରାଜ୍ୟର ନିର୍ଦ୍ଦିଷ୍ଟ ଛୁଟିଦିନ ଅଛି, ଯେଉଁଥିରେ ସମସ୍ତ ରବିବାର ଏବଂ ମାସର ଦ୍ୱିତୀୟ ଏବଂ ଚତୁର୍ଥ ଶନିବାର ସାମିଲ ରହିଛି । ନଭେମ୍ବର ମାସରେ କେଉଁ ଦିନ ବ୍ୟାଙ୍କଗୁଡିକ ବନ୍ଦ ହେବାକୁ ଯାଉଛି ଆସନ୍ତୁ ଜାଣିବା …
ନଭେମ୍ବରରେ ମୋଟ ୧୦ ଦିନ ବ୍ୟାଙ୍କ ବନ୍ଦ :-
୧ ନଭେମ୍ବର ୨୦୨୨ – କନ୍ନଡ ରାଜ୍ୟୋତ୍ସବ / କୁଟ – ବାଙ୍ଗାଲୋର ଏବଂ ଇମ୍ଫାଲରେ ବ୍ୟାଙ୍କଗୁଡିକ ବନ୍ଦ ।
୬ ନଭେମ୍ବର ୨୦୨୨ – ରବିବାର (ସାପ୍ତାହିକ ଛୁଟିଦିନ)
୮ ନଭେମ୍ବର ୨୦୨୨ – ଗୁରୁ ନାନକ ଜୟନ୍ତୀ / କାର୍ତ୍ତିକ ପୂର୍ଣ୍ଣିମା / ରହାସ୍ ପୂର୍ଣ୍ଣିମା / ବାଙ୍ଗଲା ମହୋତ୍ସବ – ଅଗରତାଲା, ବାଙ୍ଗାଲୋର, ଗଙ୍ଗଟୋକ, ଗୁଆହାଟୀ, ଇମ୍ଫାଲ, କୋଚି, ପାନଜୀ, ପାଟନା, ଶିଲୋଙ୍ଗ ଏବଂ ଥିରୁବନନ୍ତପୁରମକୁ ଛାଡ଼ି ଅନ୍ୟ ସ୍ଥାନରେ ବ୍ୟାଙ୍କ ବନ୍ଦ ।
୧୧ ନଭେମ୍ବର ୨୦୨୨ – କନକଦାସା ଜୟନ୍ତୀ / ବାଙ୍ଗଲା ଫେଷ୍ଟିଭାଲ୍ – ବାଙ୍ଗାଲୋର ଏବଂ ଶୀଲାଙ୍ଗରେ ବ୍ୟାଙ୍କ ବନ୍ଦ ।
୧୨ ନଭେମ୍ବର ୨୦୨୨ – ଶନିବାର (ମାସର ଦ୍ୱିତୀୟ ଶନିବାର)
୧୩ ନଭେମ୍ବର ୨୦୨୨ – ରବିବାର (ସାପ୍ତାହିକ ଛୁଟିଦିନ)
୨୦ ନଭେମ୍ବର ୨୦୨୨ – ରବିବାର (ସାପ୍ତାହିକ ଛୁଟି)
୨୩ ନଭେମ୍ବର ୨୦୨୨ – ସେଙ୍ଗ୍ କୁଟସାନେମ୍- ଶୀଲାଙ୍ଗରେ ବ୍ୟାଙ୍କ ବନ୍ଦ ।
୨୬ ନଭେମ୍ବର ୨୦୨୨ – ଶନିବାର (ମାସର ଚତୁର୍ଥ ଶନିବାର)
୨୭ ନଭେମ୍ବର ୨୦୨୨ – ରବିବାର (ସାପ୍ତାହିକ ଛୁଟିଦିନ) ।
