ଭାରତର କେତେ ଲୋକଙ୍କ ପାଖରେ ରହିଛି ପ୍ରାଇଭେଟ୍ ଜେଟ୍, ଜାଣନ୍ତୁ କାହାର ସବୁଠୁ ଦାମୀ…

ନୂଆଦିଲ୍ଲୀ,୩୦ା୧: ମଣିଷକୁ ଦୂର ଯାତ୍ରା କରିବା ପାଇଁ ଅଧିକ ସମୟ ଲାଗିଥାଏ । ଏଥିରୁ ରକ୍ଷା ପାଇବା ପାଇଁ ଲୋକେ ପ୍ରାଇଭେଟ୍ ଜେଟର ବ୍ୟବହାର କରିଥାନ୍ତି । ଏଥିରେ ବସି ଲୋକେ ଖୁବ୍ କମ୍ ସମୟ ମଧ୍ୟରେ ଗୋଟିଏ ସ୍ଥାନକୁ ଆଉ ଗୋଟିଏ ସ୍ଥାନକୁ ଅତି ସହଜରେ ଯାତାୟାତ କରିପାରିଥାନ୍ତି ।

ଏକ ରିପୋର୍ଟ ଅନୁଯାୟୀ, ଭାରତରେ ପ୍ରତିଦିନ ୪.୫୦ ଲକ୍ଷ ଲୋକ ବିମାନ ଯାତ୍ରା କରିଥାନ୍ତି । ଏଥିରେ ଭାରତ ଶକ୍ତିଶାଳୀ ଦେଶ ଆମେରିକା, ଚାଇନା, ଅଷ୍ଟ୍ରେଲିଆ ଏବଂ ବ୍ରାଜିଲ ପରି ଦେଶକୁ ପଛରେ ପକାଇ ଦେଇଛି । କିଛି ଲୋକଙ୍କୁ ବାରମ୍ବାର ବିମାନ ଯାତ୍ରା କରିବାକୁ ପଡ଼ିଥାଏ । ତେଣୁ ଧନୀ ଲୋକମାନେ ଅଧିକ ଆଉ ଦାମୀ ଜେଟ୍ ବ୍ୟବହାର କରିଥାନ୍ତି । ତେବେ ଭାରତର କେଉଁ ଲୋକଙ୍କ ପାଖରେ ଅଧିକ ପ୍ରାଇଭେଟ୍ ଜେଟ୍ ରହିିଛି ଜାଣନ୍ତୁ ସେ ସମ୍ପର୍କରେ…

ଭାରତର କିଛି ଲୋକଙ୍କ ପାଖରେ ୨୦ କୋଟି ଟଙ୍କାର ଜେଟ୍ ଥିବାବେଳେ ଆଉ କିଛି ଲୋକଙ୍କ ପାଖରେ ୧୦୦୦ କୋଟି ଟଙ୍କାର ଜେଟ୍ ମଧ୍ୟ ରହିଛି । ଭାରତର ସବୁଠାରୁ ଦାମୀ ଜେଟ୍ ରହିଛି ରିଲାଏନ୍ସ ଇଣ୍ଟଷ୍ଟି୍ଜର ଚେୟାରମ୍ୟାନ ମୁକେଶ ଅମ୍ବାନୀଙ୍କ ପାଖରେ । ଯିଏ କି ଦୁନିଆର ସବୁଠୁ ଧନୀ ବ୍ୟକ୍ତିଙ୍କ ମଧ୍ୟରେ ଗଣା ।

ଏକ ରିପୋର୍ଟ ଅନୁଯାୟୀ, ଭାରତରେ ୫୦୦ରୁ ଅଧିକ ଏୟାରକ୍ରାଫ୍ଟ ରହିଛି । ଯେଉଁଥିରେ ପ୍ରାଇଭେଟ୍ ଜେଟ୍ ଏବଂ ହେଲିକପ୍ଟର ରହିଛି । ଭାରତରେ ମୁକେଶ ଅମ୍ବାନୀ, ଗୌତମ ଆଦାନୀ, ନବୀନ ଜିନ୍ଦଲଙ୍କ ପରି ୮ ଶିଳ୍ପପତିଙ୍କ ନିକଟରେ ଦାମୀ ଜେଟ୍ ରହିଛି । ଏଥିସହିତ ବଲିଉଡ୍ ଷ୍ଟାରଙ୍କ ପାଖରେ ମଧ୍ୟ ପ୍ରାଇଭେଟ୍ ଜେଟ୍ ରହିଛି । ଯେମିତିକି ଅମିତାଭ ବଚ୍ଚନ, ଶାହାରୁଖ ଖାନ୍ ଏବଂ ସଲମାନଙ୍କ ପାଖରେ ମଧ୍ୟ ପ୍ରାଇଭେଟ୍ ଜେଟ୍ ରହିଛି ।