କିଏ ଭାଙ୍ଗିଲା PoKରେ ଥିବା ଚୀନର ଐତିହାସିକ ପୋଲ?: ଭିଡିଓରୁ ଜଣା ପଡିଲା ଘଟଣାର ପ୍ରକୃତ କାରଣ
ନୂଆଦିଲ୍ଲୀ: ପିଓକେର ଗିଲଗିଟ-ବାଲଟିସ୍ତାନ ଅଞ୍ଚଳରେ ଥିବା ଚୀନର ଏକ ପୋଲ ଭୁଷୁଡି ପଡିଛି । ଏହାର ଭିଡିଓ ଏବେ ସୋଶିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ତେବେ ଏହି ପୋଲ କାହିଁକି ଆଉ କିପରି ଭୁଷୁଡିଲା ତାକୁ ନେଇ ଅନେକ ପ୍ରଶ୍ନ ଉଠିଥିଲା । କିନ୍ତୁ ଏଥିରେ ପୂର୍ଣ୍ଣଚ୍ଛେଦ ପକାଇଛି ସୋଶିଆଲ ମିଡିଆର ଏହି ଭିଡିଓ । ହିମ ନଦୀରେ ବନ୍ୟା ପାଣିକୁ ସାମନା କରି ନ ପାରି ପୋଲଟି ଭୁଷୁଡି ପଡିଥିବା ଏହି ଭିଡିଓରେ ଦେଖିବାକୁ ମିଳିଛି ।
କାରାକୋରମ ରାଜମାର୍ଗରେ ନିର୍ମିତ ଏହି ପୋଲ ଏକ ଐତିହାସିକ ପୋଲ ବୋଲି କୁହାଯାଏ । ତେବେ ଭୀଷଣ ଗରମ ଯୋଗୁଁ ଶିସ୍ପର ଗ୍ଲେସିୟର ଦ୍ରୁତ ଗତିରେ ତରଳୁଥିବାରୁ ହମନଦୀ ହ୍ରଦରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ତେବେ ଏହି ବନ୍ୟାର ପାଣିମାଡକୁ ସମ୍ଭାଳି ପାରିନି ଏହି ପୋଲ । ଫଳରେ ଭାଙ୍ଗି ରୁଜି ପାଣିର ସୁଅରେ ମିଶିଯାଇଥିବା ଏହି ଭିଡିଓରେ ଦେଖିବାକୁ ମିଳିଛି । ତେବେ ଏ ନେଇ ପାଣିପାଗ ବିଭାଗ ତରଫରୁ ଚେତାବନୀ ଦିଆଯାଇଥିବା କହିଛନ୍ତି ପାକିସ୍ତାନର ମନ୍ତ୍ରୀ ଶେରୀ ରହମାନ । ଗ୍ଲେସିୟରର ପ୍ରଖର ସ୍ରୋତରେ ପିଲର ଫାଟିବା ପରେ ଭାଙ୍ଗି ଯାଇଥିଲା । ତେବେ ଏହାର ବିକଳ୍ପ ଭାବରେ ଆଗାମୀ ୪୮ ଘଣ୍ଟା ମଧ୍ୟରେ ଆଉ ଏକ ଅସ୍ଥାୟୀ ପୋଲ ନିର୍ମାଣ କରିବା ପାଇଁ ସେ ପ୍ରତିଶ୍ରୁତି ଦେଇଛନ୍ତି ।
A few days ago @ClimateChangePK had warned that Pakistan’s vulnerability is high due to high temps. Hassanabad bridge on the KKH collapsed due to GLOF from the melting Shisper glacier which caused erosion under pillars. Am told FWO will have a temporary bridge up in 48 hours. 1/2 pic.twitter.com/Sjl9QIMI0G
— SenatorSherryRehman (@sherryrehman) May 7, 2022
ଏହି ପୋଲ ଦ୍ୱାରା ଚୀନକୁ ସଂଯୋଗ କରି ପାରୁଥିଲା ପିଓକେ । ଏହାବ୍ୟତୀତ ଘାଟି ଏବଂ ଉଚ୍ଚା ରାସ୍ତା ପାଇଁ ଏହା ଆକର୍ଷଣର ଏକ କେନ୍ଦ୍ରବିନ୍ଦୁ ପାଲଟିଥିଲା । କିନ୍ତୁ ଗ୍ଲେସିୟର ତରଳିବା ପରେ ଏହାର ପ୍ରଭାବରେ ପୋଲ ଭୁଷୁଡି ପଡିଛି । ସେପଟେ ବନ୍ୟା ପାଣିରେ ଅନେକ ଘର ଜଳମଗ୍ନ ହୋଇଯିବା ସହ ଚାଷ ଜମି, କେନାଲ, ଗଛ, ଜଳ ଯୋଗାଣ ଇତ୍ୟାଦି ସହ ବିଦ୍ୟୁତ ପ୍ରକଳ୍ପ ମଧ୍ୟ ନଷ୍ଟ ହୋଇଯାଇଛି ।
