ଦେଖନ୍ତୁ (Video) ପାଳୁଥିଲେ ବିବାହ ବାର୍ଷିକୀ ହୋଇଗଲେ ବିଧବା, ସ୍ତ୍ରୀ ସାଙ୍ଗରେ ନାଚିଲାବେଳେ ହେଲା ହାର୍ଟ ଆଟାକ୍

ଖୁସି ଆଣିଲା ମୃତ୍ୟୁ । ନାଚି ନାଚି ଷ୍ଟେଜରେ ଟଳି ପଡ଼ିଲେ ବ୍ୟକ୍ତି ।

ବରେଲି: ଉତ୍ତର ପ୍ରଦେଶ ବରେଲିରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି ଯାହା ଖୁସିକୁ ଶୋକରେ ବଳାଇଦେଇଛି ।

ବରେଲିର ଜଣେ ଜଣାଶୁଣା ବ୍ୟବସାୟୀ ବସିମ ୨୫ତମ ବିବାହ ବାର୍ଷିକୀ ପାଇଁ ଏକ ଭବ୍ୟ ସମାରୋହର ଆୟୋଜନ କରିଥିଲେ । ପିଲିଭିତ୍ ବାଇପାସ୍ ସ୍ଥିତ ଏକ ମ୍ୟାରେଜ ଲନରେ ସମାରୋହ ଅନୁଷ୍ଠିତ ହୋଇଥିଲା ।

ଏ ଉତ୍ସବରେ ସାଙ୍ଗସାଥୀ , ପରିବାର ପରିଜନ ସାମିଲ ଥିବାବେଳେ ବସିମ ତାଙ୍କ ସ୍ତ୍ରୀ ଫରାହଙ୍କ ସହ ନାଚୁଥିଲେ । ଦୁହେଁ ସଙ୍ଗୀତର ତାଳରେ ନାଚି ମସଗୁଲ ଥିଲେ, ହେଲେ ନାଚୁ ନାଚୁ ହଠାତ୍ ଟଳିପଡ଼ିଲେ ବସିମ ।

ଏହା ଦେଖି ଖୁସିରେ ନାଚୁଥିବା ସ୍ତ୍ରୀ ଫରହା ତୁରନ୍ତ ସ୍ୱାମୀଙ୍କ ପାଖକୁ ଦୌଡ଼ିଯାଇଥିଲେ । ଘଟଣାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।

ଆନିବର୍ସରିରେ ମୃତ୍ୟୁକୁ ନେଇ ଲୋକେ ଶୋକ ବ୍ୟକ୍ତ କରିଛନ୍ତି । ଫରହାଙ୍କୁ ସାହସ ଦେବା ସହ ବସିମଙ୍କ ଆତ୍ମର ସଦଗତି କାମନା କରିଛନ୍ତି । ତେବେ ଏଭଳି ଘଟଣା ପ୍ରଥମ ନୁହେଁ ଯେଉଁଠାରେ ବ୍ୟକ୍ତିଙ୍କ ହଠାତ୍ ମୃତ୍ୟୁ ଘଟୁଛି ।