ମୋଦୀ ସରକାରଙ୍କ ଶପଥ ଗ୍ରହଣ ପାଇଁ ମୋତେ ନିମନ୍ତ୍ରଣ ମିଳିନାହିଁ: ମମତା ବାନାର୍ଜୀ
କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବା ପାଇଁ ତାଙ୍କୁ କୌଣସି ନିମନ୍ତ୍ରଣ ମିଳିନାହିଁ ଏବଂ ଏଥିରେ ଯୋଗ ଦେବେ ନାହିଁ। ସଂସଦୀୟ ଦଳ ବୈଠକ ପରେ ତୃଣମୂଳ କଂଗ୍ରେସ ମୁଖ୍ୟ ସାମ୍ବାଦିକମାନଙ୍କୁ ଏହା କହିଛନ୍ତି। ଏହି ସମାରୋହରେ ଟିଏମସିର କୌଣସି ନେତା ଯୋଗ ଦେବେ ନାହିଁ ।
ମମତା ବାନାର୍ଜୀ ମଧ୍ୟ ବିଜେପିକୁ ଟାର୍ଗେଟ କରିଛନ୍ତି। ଅସାମ୍ବିଧାନିକ ଓ ବେଆଇନ ଦଳକୁ ସରକାର ଗଠନ ପାଇଁ ଶୁଭେଚ୍ଛା ଦିଆଯାଇପାରିବ ନାହିଁ। ଏହି ସରକାର ବେଆଇନ ଓ ଅଗଣତାନ୍ତ୍ରିକ ଢଙ୍ଗରେ ଗଠିତ ହେଉଛି। ଆମେ ବିଜେପିକୁ ଭାଙ୍ଗିବୁ ନାହିଁ। କିନ୍ତୁ ଏହା ଭିତରୁ ଭାଙ୍ଗିଯିବ। ସେହି ଦଳର ଲୋକମାନେ ଖୁସି ନୁହଁନ୍ତି।
ମମତା କହିଛନ୍ତି, ଯେଉଁମାନେ ‘୪ଶହ ପାର୍’ର ସ୍ଲୋଗାନ ଦେଉଥିଲେ, ସେମାନେ ନିଜେ ସଂଖ୍ୟାଗରିଷ୍ଠତା ହାସଲ କରିବାରେ ବିଫଳ ହୋଇଛନ୍ତି। ଏନଡିଏ ସରକାର ଗଠନ କରିବାକୁ ଦାବି କରିଛି । କିନ୍ତୁ ଏହାର ଅର୍ଥ ନୁହେଁ ଯେ ଆଗକୁ କିଛି ହେବ ନାହିଁ । ଆମେ ଅପେକ୍ଷା କରୁଛୁ ଏବଂ ପରିସ୍ଥିତି ଉପରେ ନଜର ରଖିଛୁ । ପରିସ୍ଥିତି ବଦଳିଯାଏ।
ସେ ଆହୁରି ମଧ୍ୟ ରାଜନୈତିକ ଦୃଶ୍ୟପଟରେ ଏକ ବଡ଼ ପରିବର୍ତ୍ତନର ସଙ୍କେତ ଦେଇ କହିଛନ୍ତି ଯେ “ବେଳେବେଳେ ସରକାରମାନେ କେବଳ ଗୋଟିଏ ଦିନ ବଞ୍ଚିଥାନ୍ତି । କିଛି ବି ହୋଇପାରେ। କିଏ ଜାଣେ ଏହି ସରକାର ୧୫ ଦିନ ବି ଚାଲିବ କି ନାହିଁ।”