‘ମୋଦୀ ୩ୟ ଥର ପାଇଁ ପ୍ରଧାନମନ୍ତ୍ରୀ ହେଲେ ମୁଁ ଲଣ୍ଡା ହେବି’, ଏକଜିଟ୍ ପୋଲକୁ ନେଇ ଆପ୍ ପ୍ରାର୍ଥୀ ସୋମନାଥ ଭାରତୀଙ୍କ ବଡ଼ ବୟାନ
ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ ଭୋଟିଂ ଶେଷ ହୋଇଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତୃତୀୟ ଥର ପାଇଁ କ୍ଷମତାକୁ ଆସିବା ନେଇ ଶନିବାର ଆସିଥିବା ଅନେକ ଏଗଜିଟ୍ ପୋଲରୁ ଅନୁମାନ କରାଯାଉଛି । ଏହା ସହ ବିଜେପିର ନ୍ୟାସନାଲ ଡେମୋକ୍ରାଟିକ୍ ଆଲାଏନ୍ସକୁ ବହୁମତ ମିଳିବା ନେଇ ଅନୁମାନ କରାଯାଉଛି । ଏଥିମଧ୍ୟରେ ନୂଆଦିଲ୍ଲୀ ଲୋକସଭା ଅସନର ଆପ୍ ପ୍ରାର୍ଥୀ ସୋମନାଥ ଭାରତୀଙ୍କ ବଡ଼ ବୟାନ ସାମ୍ନାକୁ ଆସିଛି । ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ ଶେୟାର କରି ସେ କହିଛନ୍ତି ଯଦି ମୋଦୀ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୁଅନ୍ତି ତେବେ ସେ ଲଣ୍ଡା ହୋଇଯିବେ ।
ବର୍ତ୍ତମାନ ଏକଜିଟ୍ ପୋଲକୁ ନେଇ ସମସ୍ତଙ୍କ ମନରେ ଉତ୍ସୁକତା ଦେଖାଦେଇଛି । ଏଥିମଧ୍ୟରେ ନୂଆଦିଲ୍ଲୀ ଲୋକସଭା ଅସନର ଆପ୍ ପ୍ରାର୍ଥୀ ସୋମନାଥ ଭାରତୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି । ସୋମନାଥ ଭାରତୀ ‘ଏକ୍ସ’ରେ ଏକ ପୋଷ୍ଟ ଶେୟାର କରି ଲେଖିଛନ୍ତି, ‘ଜୁନ୍ ୪ରେ ଲୋକସଭା ନିର୍ବାଚନର ଫଳାଫଳ ଘୋଷଣା ହେବା ପରେ ସମସ୍ତ ଏକଜିଟ୍ ପୋଲ୍ ଭୁଲ ପ୍ରମାଣିତ ହେବ । ଯଦି ମୋଦୀ ୩ୟ ଥର ପାଇଁ ପ୍ରଧାନମନ୍ତ୍ରୀ ହୁଅନ୍ତି ତେବେ ମୁଁ ଲଣ୍ଡା ହୋଇଯିବି । ଦିଲ୍ଲୀରେ ଇଣ୍ଡିଆ ମେଣ୍ଟ ସମସ୍ତ ୭ଟି ଆସନରେ ବିଜୟ ଲାଭ କରିବ ।’ କହିରଖୁଛୁ ସୋମନାଥ ଭାରତୀ ନୂଆଦିଲ୍ଲୀ ଆସନରୁ ବିଜେପି ପ୍ରାର୍ଥୀ ବାଂସୁରୀ ସ୍ୱରାଜଙ୍କ ବିପକ୍ଷରେ ପ୍ରତିଦ୍ୱନ୍ଦିତା କରୁଛନ୍ତି । ବାଂସୁରୀ ସ୍ୱରାଜ ହେଉଛନ୍ତି ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ୱାରାଜଙ୍କ ସୁପୁତ୍ରୀ । ବିଜେପି ତାଙ୍କୁ ପ୍ରଥମ ଥର ପାଇଁ ରାଜନୀତି ମଇଦାନରେ ଓହ୍ଲାଇଛି ।
I will shave off my head if Mr Modi becomes PM for the third time.
Mark my word!
All exit polls will be proven wrong on 4th June and Modi ji will not become prime minister for the third time.
In Delhi, all seven seats will go to India ALLIANCE.
Fear of Mr Modi does not allow…
— Adv. Somnath Bharti: इंसानियत से बड़ा कुछ नहीं! (@attorneybharti) June 1, 2024
