Saving Account ରେ ଏତିକି ନଗଦ ରାଶି ଜମା କଲେ, ଦେବାକୁ ପଡିବ ୬୦%ର ଟ୍ୟାକ୍ସ
ସେଭିଙ୍ଗ ଆକାଉଣ୍ଟରେ Cash ଜମା କରିବା ପୂର୍ବରୁ ଏହି ଖବର ପଢନ୍ତୁ..
ନୂଆଦିଲ୍ଲୀ: ଯଦି ଆପଣଙ୍କର ବ୍ୟାଙ୍କରେ ସେଭିଙ୍ଗ ଆକାଉଣ୍ଟ ଅଛି, ତେବେ ଏହି ଖବର ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ। ଆୟକର ବିଭାଗ ଏହି ନୂଆ ନିୟମ ଲାଗୁ କରିଛି।
ନୂଆ ନିୟମର ଗାଇଡଲାଇନ ଅନୁଯାୟୀ, ଯଦି ଆପଣ ନିଜ ବ୍ୟାଙ୍କ ଖାତାରେ ୧୦ ଲକ୍ଷ ଟଙ୍କାରୁ ଅଧିକ ନଗଦ ରାଶି ଏକ ଆର୍ଥିକ ବର୍ଷରେ ଜମା କରିବେ ତେବେ, ଆପଣଙ୍କୁ ଏଥିପାଇଁ କାରଣ ଦର୍ଶାଇବାକୁ ପଡିବ।
ଆଉ ଯଦି ଆପଣ କୌଣସି କାରଣ ଦର୍ଶାଉନାହାନ୍ତି ତେବେ, ବିଭାଗ ଆପଣଙ୍କ ଜମା ରାଶି ଉପରେ ୬୦% ଟ୍ୟାକ୍ସ ହାସଲ କରିବ।
ଆୟକର ବିଭାଗର ନୂଆ ଗାଇଡଲାଇନ୍: ଆୟକର ବିଭାଗ ଏହା ସ୍ପଷ୍ଟ କରିଛି ଯେ, ଯଦି କୌଣସି ବ୍ୟକ୍ତି ଗୋଟିଏ ଆର୍ଥିକ ବର୍ଷରେ ୧୦ ଲକ୍ଷ ଟଙ୍କାରୁ ଅଧିକ ନଗଦ ରାଶି ଜମା କରେ ତେବେ ଏହାର କାରଣ ଦର୍ଶାଇବା ନିହାତି ଆବଶ୍ୟକ।
ଆୟର ଉତ୍ସ ପ୍ରମାଣିତ ନ କରିବା ସ୍ଥିତିରେ ବିଭାଗ ୬୦ ପ୍ରତିଶତ ଟ୍ୟାକ୍ସ ଆଦାୟ କରିବ। ଏହି ନିୟମ କଳା ଧନ ଏବଂ ବେଆଇନ ପେମେଣ୍ଟକୁ ରୋକିବାର ଉଦ୍ଦେଶ୍ୟରେ ଲାଗୁ କରାଯାଇଛି।
ନଗଦ ରାଶି ଜମା କରିବାର ସୀମା: ଆରବିଆଇ ଅନୁଯାୟୀ, ସେଭିଙ୍ଗ ଆକାଉଣ୍ଟରେ ନଗଦ ରାଶି ଜମା କରିବାର ସୀମା ବର୍ତ୍ତମାନ ଅଧିକ କଡ଼ାକଡି କରାଯାଇଛି। ଯଦି ଆପଣ ଗୋଟିଏ ଆର୍ଥିକ ବର୍ଷରେ ୧୦ ଲକ୍ଷ ଟଙ୍କାରୁ ଅଧିକ ନଗଦ ରାଶି ଜମା କରୁଛନ୍ତି, ତେବେ ଆପଣଙ୍କୁ ପ୍ୟାନ ନମ୍ବରର ସୂଚନା ଦେବାକୁ ପଡିବ।
ନୂଆ ନିୟମ ଅନୁଯାୟୀ, ୫୦,୦୦୦ ଟଙ୍କା ସ୍ଥାନରେ ବର୍ତ୍ତମାନ ୨.୫ ଲକ୍ଷ ଟଙ୍କାରୁ ଅଧିକ ରାଶି ଜମା କରିବାରେ ପ୍ୟାନ କାର୍ଡର ସୂଚନା ଦେବା ଆବଶ୍ୟକ ହୋଇଯାଇଛି।