ଏହି ୪ଟି ଅଭ୍ୟାସ ଥିଲେ ହୋଇଯାଆନ୍ତୁ ସତର୍କ ; ନଚେତ୍ ଭୋଗିପାରନ୍ତି ଆର୍ଥିକ ସମସ୍ୟା
ଦୁନିଆରେ ଏପରି କୌଣସି ଲୋକ ନାହିଁ ଯିଏ ସଫଳ ହେବାକୁ ଚାହେଁ ନାହିଁ । କିନ୍ତୁ ସମସ୍ତେ ସେମାନଙ୍କ ଜୀବନରେ ସଫଳତା ହାସଲ କରିପାରନ୍ତି ନାହିଁ । କାରଣ ଜୀବନରେ ସଫଳତା ହାସଲ କରିବାକୁ ହେଲେ କଠିନ ପରିଶ୍ରମ ନିତ୍ୟାନ୍ତ ଦକରାକ । କିନ୍ତୁ ଏପରି କିଛି ବ୍ୟକ୍ତି ଅଛନ୍ତି ଯେଉଁମାନେ କଠିନ ପରିଶ୍ରମମ ସତ୍ତ୍ୱେ ମଧ୍ୟ ଜୀବନରେ ସଫଳତା ପାଇ ପାରନ୍ତି ନାହିଁ । କାରଣ ସେମାନଙ୍କ ନିକଟରେ ଏପରି କିଛି ଅଭ୍ୟାସ ଥାଏ ଯାହା ସେମାମନଙ୍କୁ ସର୍ବଦା ଅସୁବିଧାରେ ପକାଇବା ସହ ଦାରିଦ୍ର କରିଦିଏ । ବର୍ତ୍ତମାନ ଆସନ୍ତୁ ଜାଣିବା ସେହିସବୁ ଅଭ୍ୟାସ ବିଷୟରେ…
ମଇଳା ପୋଷାକ ପରିଧାନ କରୁଥିବା ବ୍ୟକ୍ତି: କୁହାଯାଏ ଯେ ଯେଉଁ ବ୍ୟକ୍ତି ମଇଳା ପୋଷାକ ପରିଧାନ କରି ରହିଥାନ୍ତି ସେମାନେ ତାଙ୍କ ଜୀବନରେ କେବେ ବି ଉନ୍ନତି କରିପାରନ୍ତି ନାହିଁ । କାରଣ ମଇଳା ପୋଷାକ ପରିଧାନ କରିବା ଦ୍ୱାରା ବିଭିନ୍ନ ପ୍ରକାର ରୋଗ ହେବାର ସମ୍ଭାବନା ଅଧିକ ରହିଥାଏ । ଫଳରେ ସେମାନଙ୍କୁ ବାରମ୍ବାର ହସ୍ପିଟାଲ ଯିବାକୁ ପଡିଥାଏ ଏବଂ ଅନକ ଟଙ୍ଗା ମଧ୍ୟ ଖର୍ଚ୍ଚ ହୋଇଥାଏ । ଫଳରେ ସେହି ବ୍ୟକ୍ତିଙ୍କୁ ଅନେକ ସମସ୍ୟାର ସମ୍ମୁଖୀନ ହେବା ସହ ସଂକଟ ମଧ୍ୟ ଦେଖାଦିଏ ।
ଅନ୍ୟର କାର୍ଯ୍ୟକୁ ନିନ୍ଦା କରିବା : ଯେଉଁ ବ୍ୟକ୍ତିମାନେ ନିଜେ ପରିଶ୍ରମ କରିବା ବଦଳରେ ଅନ୍ୟର କାମ ଉପରେ ନଜର ରଖିଥାନ୍ତି ଏବଂ ସେମାନଙ୍କ କାମକୁ ନିନ୍ଦା କରିଥାନ୍ତି , ସେହିପରି ବ୍ୟକ୍ତିମାନେ ସର୍ବଦା ଗରିବ ହିଁ ରହିଥାନ୍ତି । କାରଣ ଏପରି କରିବା ଦ୍ୱାରା ମା ଲକ୍ଷ୍ମୀ କ୍ରୋଧିତ ହୋଇଯାଆନ୍ତି ଏବଂ ତାଙ୍କ କୋପ ଦୃଷ୍ଟି ସେହି ବ୍ୟକ୍ତି ଉପରେ ପକାଇଥାନ୍ତି । ଫଳରେ ସେମାନଙ୍କର ମାନ ସମ୍ନାନ ହାନୀ ହେବା ସହ ସେମାନେ କେବେ ବି ଶାନ୍ତିରେ ରହିପରନ୍ତି ନାହିଁ ।ଯଦି ଆପଣଙ୍କର ଏପରି ଅଭ୍ୟାସ ଅଛି ତେବେ ଏହାକୁ ତୁରନ୍ତ ପରିବର୍ତ୍ତନ କରନ୍ତୁ ।
ସୂର୍ଯ୍ୟଦୋୟ ପରେ ଶୋଇ ରହୁଥିବା ବ୍ୟକ୍ତି: ଯେଉଁ ବ୍ୟକ୍ତିମାନେ ସୂର୍ଯ୍ୟ ଉଦୟ ପରେ ମଧ୍ୟ ଅଧିକ ସମୟ ଶୋଇ ରୁହନ୍ତି ସେମାନେ ନିଜ ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ସମୟକୁ ହରାଇଥାନ୍ତି । ଫଳରେ ସେମାନେ ତାଙ୍କ ଜୀବନରେ କରିବାକୁ ଚାହୁଁଥିବା କାମକୁ କରିପାନ୍ତି ନାହିଁ । ଏଥିସହିତ ମା ଲଷ୍ମୀଙ୍କର ମଧ୍ୟ ଅପମାନ କରିଥାନ୍ତି । ଫଳରେ ସେହି ବ୍ୟକ୍ତିମାନେ ଜୀବନ ସାରା ଗରିବ ଏବଂ ଆର୍ଥିକ ସଂକଟର ସମ୍ମୁଖୀନ ହୋଇଥାନ୍ତି । ତେଣୁ ଆପଣଙ୍କର ଯଦି ଏପରି ଅଭ୍ୟାସ ଅଛି ଏହାକୁ ତୁରନ୍ତ ପରିବର୍ତ୍ତନ କରନ୍ତୁ ।
ଧନସମ୍ପତ୍ତିକୁ ନେଇ ଗର୍ବ କରୁଥିବା ବ୍ୟକ୍ତି: ଧନ ସମ୍ପତ୍ତିକୁ ନେଇ ଯେଉଁ ବ୍ୟକ୍ତିମାନେ ଗର୍ବ କରିଥାନ୍ତି ସେମାନେ ଜୀବନରେ କେବେ ବି ସଫଳତା ପାଇପାରନ୍ତି ନାହିଁ । କାରଣ ଏହି ଅହଂକାର କାରଣରୁ ସମସ୍ତେ ସେମାନଙ୍କଠାରୁ ଦୂରେଇ ଯାଆନ୍ତି ଏଥିସହିତ ଅନ୍ୟମାନଙ୍କ ଲୁୁହ ମଧ୍ୟ ସେମାନଙ୍କ ଉପରେ ପଡିଥାଏ ।ଯାହାଫଳରେ ସୋମାନେ ତାଙ୍କ ଜୀବନରେ ଅନେକ ସମସ୍ୟାର ସମ୍ମୁଖୀନ ହୁଅନ୍ତି ।
