Breaking: ଆରେଷ୍ଟ ହେବେ କି ଜୟନାରାୟଣ, ନିଜେ FIR ଦେଲେ IIC

ସମ୍ୱଲପୁର: ପୁଣି ଧମକାଇଲେ ଜୟନାରାୟଣ। ପୂର୍ବରୁ କମ ବିବାଦରେ ଫସିଥିଲେ ଯେ, ପୁଣିଥରେ ପୋଲିସକୁ ଧମକ ଦେଇ ଚର୍ଚ୍ଚାକୁ ଆସିଲେ ବିଜେପି ବିଧାୟକ ଜୟନାରାୟଣ ମିଶ୍ର। ଆଉ ଏହି ବିବାଦ ଏତେ ବାଟ ବଢିଗଲା ଯେ, ସିଧା IIC ନିଜେ ଜୟନାରାୟଣଙ୍କ ନାଁରେ FIR କରିବାକୁ ବାଧ୍ୟ ହେଲେ।

ହଁ ସମ୍ୱଲପୁର ବିଧାୟକ ଜୟନାରାୟଣ ମିଶ୍ର ପୂର୍ବରୁ ଅଇଁଠାପାଲି ମହିଳା ଥାନା ଅଧିକାରୀଙ୍କୁ ଧକ୍କା ମାରିଥିବାର ଦେଖିବାକୁ ମିଳିଥିଲା। ଏହାପରେ ନିକଟରେ ରାଜ୍ୟ ସଙ୍ଗୀତକୁ ଅସମ୍ମାନ କରିଥିବାର ଭିଡିଓ ମଧ୍ୟ ଭାଇରାଲ ହୋଇଥିଲା। ଆଉ ଏବେ ସମ୍ୱଲପୁର ଥାନା ଅଧିକାରୀଙ୍କୁ ଧମକ ଦେଇଥିବା ଘଟଣା ସାମ୍ନାକୁ ଆସିଛି।

ସମ୍ୱଲପୁର ଟାଉନଥାନା ଅଧିକାରୀଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିଥିବା ଅଭିଯୋଗ ହୋଇଛି। ଏପରିକି ଜୟନାରାୟଣ ଥାନା ପୋଡିଦେବା ଏବଂ ସମସ୍ତଙ୍କୁ ମାରିଦେବା ନେଇ ଧମକ ଦେଇଥିବା ଟାଉନଥାନା IIC ସୁବ୍ରତ କୁମାର ମେହେର ଏକ ପ୍ଲେନ ପେପ FIR ଦେଇଛନ୍ତି।

ଘଟଣାଟି ହେଉଛି ନିକଟରେ ଗୋଲ ବଜାର ଛକରେ ଝଣ୍ଡା ଶୋଭାଯାତ୍ରାରେ କିଛି ଯୁବକ ଖଣ୍ଡା ପ୍ରଦର୍ଶନ କରିଥିଲେ। ଏହି ଘଟଣା ସାମ୍ନାକୁ ଆସିବା ପରେ ପୋଲିସ ଖଣ୍ଡା ବୁଲାଉଥିବା ପିଲାଙ୍କ ପାଖରୁ ଖଣ୍ଡା ଜବତ କରିବା ସହ ୮ ଜଣ ପିଲାଙ୍କୁ ଗିରଫ କରିଥିଲା।

ଆଉ ପରେ ଥାନାରେ ଜୟନାରାୟଣ ପହଞ୍ଚି ପିଲାଙ୍କ ସପକ୍ଷରେ ବାହାରି ପୋଲିସକୁ ଧମକ ଦେଇଥିଲେ। ଅସଭ୍ୟ ଭାଷାରେ ଗାଳିଗୁଲଜ କରିଥିଲେ। ଏପରିକି ଥାନା ପୋଡିଦେବା ଏବଂ ସମସ୍ତଙ୍କୁ ମାରିଦେବା ନେଇ ମଧ୍ୟ ଧମକ ଦେଇଥିବା ଅଭିଯୋଗ ହୋଇଛି।