୨୦୫୦ ସୁଦ୍ଧା ଦେଶର ଅଧା ଜନସଂଖ୍ୟା ସେନା ଓ ପୋଲିସର ଚାକିରି ପାଇଁ ହୋଇଯିବେ କି ଅଯୋଗ୍ୟ ? ସାମ୍ନାକୁ ଆସିଲା ଏମ୍ସର ଆଶ୍ଚର୍ଯ୍ୟକର ରିପୋର୍ଟ
ନୂଆଦିଲ୍ଲୀ: ଦେଶର ସବୁଠୁ ବଡ ଡାକ୍ତରଖାନା ଦିଲ୍ଲୀ ଏମ୍ସର ରିପୋର୍ଟରେ ଏକ ଆଶ୍ଚର୍ଯ୍ୟଜନକ ଖୁଲାସା ହୋଇଛି । କରୋନା ଅବଧି ପରେ, ପିଲାମାନଙ୍କଠାରେ ମାୟୋପିୟା ରୋଗ ଦ୍ୱିଗୁଣିତ ହୋଇଛି ।
ଦିଲ୍ଲୀ ଏମ୍ସ ଏହାର ଏକ ଅଧ୍ୟୟନରେ ପାଇଛି ଯେ, କରୋନା ଅବଧି ପରେ ଅନଲାଇନ୍ କ୍ଲାସ୍, ସ୍ମାର୍ଟ ଫୋନ୍ ଏବଂ କମ୍ପ୍ୟୁଟରରେ ଖେଳ ଖେଳିବାର ନିଶା ଯୋଗୁଁ ପିଲାମାନଙ୍କର ଆଖି ଦୁର୍ବଳ ହୋଇଯାଉଛି । ଏମ୍ସ ଅନୁଯାୟୀ, ଯେତେବେଳେ କରୋନା ମହାମାରୀ ପୂର୍ବରୁ ଏହି ଅଧ୍ୟୟନ କରାଯାଇଥିଲା, ସହରାଞ୍ଚଳର ୫ ରୁ ୭ ପ୍ରତିଶତ ପିଲାଙ୍କଠାରେ ମାୟୋପିୟା ମିଳିଥିଲା, କିନ୍ତୁ କରୋନା ଅବଧି ପରେ କରାଯାଇଥିବା ଅଧ୍ୟୟନରେ ଏହି ସଂଖ୍ୟା ୧୧ ରୁ ୧୫ ପ୍ରତିଶତକୁ ବୃଦ୍ଧି ପାଇଛି ।
ଏମ୍ସ ଦିଲ୍ଲୀର ରାଜେନ୍ଦ୍ର ପ୍ରସାଦ ଚକ୍ଷୁ ଡାକ୍ତରଖାନାର ମୁଖ୍ୟ ପ୍ରଫେସର ଜୀଭାନ ଏସ ଟିଟିଆଲଙ୍କ ଅନୁଯାୟୀ, ଯଦି ପିଲାମାନଙ୍କଠାରେ ଡିଜିଟାଲ ସ୍କ୍ରିନର ନିଶା ଏବଂ ନିର୍ଭରଶୀଳତା ସମାନ ରହେ, ତେବେ ୨୦୫୦ ସୁଦ୍ଧା ଦେଶର ୫୦ ପ୍ରତିଶତ ପିଲା ମାୟୋପିଆରେ ପୀଡିତ ହେବେ । ଏଭଳି ପରିସ୍ଥିତିରେ ଦୃଷ୍ଟିଶକ୍ତି କମ୍ ହେବା କାରଣରୁ ଦେଶର ଅର୍ଦ୍ଧେକ ଜନସଂଖ୍ୟା ଦୃଷ୍ଟିହୀନ ଥିବାରୁ ସେନା ଏବଂ ପୋଲିସରେ ଯୋଗଦେବାକୁ ଅଯୋଗ୍ୟ ହେବେ । ‘
ଡାକ୍ତରମାନେ କ’ଣ କୁହନ୍ତି?
ଡକ୍ଟର ଟିଟିଆଲଙ୍କ ଅନୁଯାୟୀ, “ପିଲାମାନଙ୍କର ଆଖି ସୁରକ୍ଷିତ ରଖିବା ପାଇଁ ବିଦ୍ୟାଳୟରେ ତାଲିମ ଏବଂ ନିର୍ଦ୍ଦେଶାବଳୀକୁ କଡାକଡି ପାଳନ କରିବାର ଆବଶ୍ୟକତା ରହିଛି । ଏଥିପାଇଁ ପିଲାମାନେ ସ୍କୁଲରୁ ଏକ ଘଣ୍ଟା ବିରତି ପାଇବା ଆବଶ୍ୟକ ଏବଂ ଦିନକୁ ଦୁଇ ଘଣ୍ଟାରୁ ଅଧିକ ସମୟ ପାଇଁ ଡିଜିଟାଲ୍ ସ୍କ୍ରିନ୍ ବ୍ୟବହାର କରାଯିବା ଉଚିତ୍ ନୁହେଁ । ଦୃଷ୍ଟିଶକ୍ତି ଖରାପ ହେଲେ ଚଷମା ଚିଶ୍ଚିତ ପିନ୍ଧାନ୍ତୁ । ଯଦି ଏହା କରା ନ ଯାଏ, ଦୃଷ୍ଟି ଶକ୍ତି ଅଧିକ ଦୁର୍ବଳ ହୋଇଯାଏ । ଏହା ସହିତ ପିଲାମାନେ ବର୍ଷକୁ ଥରେ ଆଖି ଯାଞ୍ଚ କରିବା ଆବଶ୍ୟକ ।
