ଜେଫେରୀର ଭବିଷ୍ୟବାଣୀ :, ୨୦୨୭ ମସିହାରେ ଭାରତ ୫ ଟ୍ରିଲିୟନ ଡଲାର ସହିତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତି ହେବ
ଭାରତ ଜିଡିପି: ୨୦୨୭ ସୁଦ୍ଧା ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତି ହୋଇପାରେ । ଗ୍ଲୋବାଲ୍ ଦଲାଲ୍ ସଂସ୍ଥା ଜେଫେରୀ ଏହି ଦାବି କରିଛି । ଜେଫେରୀ ଏହାର ରିପୋର୍ଟରେ କହିଛି ଯେ, ଅର୍ଥନୈତିକ ଅଭିବୃଦ୍ଧି ହାରରେ ଲଗାତାର ବୃଦ୍ଧି, ଅନୁକୂଳ ଭୌଗୋଳିକ ପରିସ୍ଥିତି, ବଜାର ପୁଞ୍ଜିକରଣରେ ବୃଦ୍ଧି, ସଂସ୍କାର ତଥା ଦୃଢ଼ କର୍ପୋରେଟ୍ କଲ୍ଚର ଦିଗରେ ପଦକ୍ଷେପ ନିଆଯାଉଥିବାରୁ ୨୦୨୭ ସୁଦ୍ଧା ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତି ହେବ ।
ଖୁବ୍ ଶୀଘ୍ର ଜର୍ମାନୀ ଏବଂ ଜାପାନକୁ ପଛରେ ଛାଡିବ ଭାରତ :-
ଜେଫେରୀର ଇଣ୍ଡିଆ ଇକ୍ୱିଟି ଆନାଲିଷ୍ଟ ମହେଶ ନାନ୍ଦୁରକର ତାଙ୍କ ନୋଟରେ ଲେଖିଛନ୍ତି ଯେ, ଗତ ୧୦ ବର୍ଷ ମଧ୍ୟରେ ଭାରତ ବାର୍ଷିକ ୭% ଅଭିବୃଦ୍ଧିରେ ବୃଦ୍ଧି ପାଇଛି ଏବଂ ୩.୬ ଟ୍ରିଲିୟନ ଡଲାର ଅର୍ଥନୀତି ସହିତ ଭାରତୀୟ ଅର୍ଥନୀତି ଅଷ୍ଟମରୁ ପଞ୍ଚମ ଅର୍ଥନୀତିରେ ପହଞ୍ଚିଛି । ନୋଟ୍ ଅନୁଯାୟୀ, ଆସନ୍ତା ଚାରି ବର୍ଷ ମଧ୍ୟରେ ଭାରତୀୟ ଅର୍ଥନୀତି ୫ ଟ୍ରିଲିୟନ୍ ଡଲାର ହେବ ଏବଂ ଜର୍ମାନୀ ଏବଂ ଜାପାନକୁ ଛାଡି ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେବ ।
