ପର୍ତ୍ତୁଗୀଜ୍ ଫ୍ଲାଗ୍ ଥିବା କାର୍ଗୋ ଜାହାଜର କ୍ରୁମାନଙ୍କୁ ମୁକ୍ତ କଲା ଇରାନ: ୧୬ ଜଣ ଭାରତୀୟ ମଧ୍ୟ ହେଲେ ମୁକ୍ତ

ନୂଆଦିଲ୍ଲୀ: ପର୍ତ୍ତୁଗୀଜ୍ ଫ୍ଲାଗ୍ ଥିବା କାର୍ଗୋ ଜାହାଜ ଏମଏସସି ଏରିଜର ସମସ୍ତ କ୍ରୁମାନଙ୍କୁୁ ମୁକ୍ତ କରିଛି ଇରାନ । ଗଣମାଧ୍ୟମ ରିପୋର୍ଟ ଅନୁଯାୟୀ, ଇରାନର ବୈଦେଶିକ ମନ୍ତ୍ରୀ ଆମୀର ଅବଦୁଲ୍ଲାହାନ ଶୁକ୍ରବାର ଦିନ ଇଷ୍ଟୋନିଆର ବୈଦେଶିକ ମନ୍ତ୍ରୀ ମାରଗସ ତାହକାନାଙ୍କ ସହ ଫୋନରେ କଥା ହୋଇଥିଲେ ଏବଂ ଏହି ସମୟ ମଧ୍ୟରେ ସେ କ୍ରୁମାନଙ୍କ ମୁକ୍ତି ବିଷୟରେ ସୂଚନା ଦେଇଥିଲେ । ଏହା ବ୍ୟତୀତ ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ ପରାମର୍ଶ ଦେଇଛି ଯେ, ଯଦି ଇସ୍ରାଏଲ ଏବଂ ଇରାନ ଯାତ୍ରା କରନ୍ତି ତେବେ ସତର୍କତା ଅବଲମ୍ବନ କରନ୍ତୁ ଏବଂ ଭାରତୀୟ ଦୂତାବାସ ସହିତ ଯୋଗାଯୋଗରେ ରୁହନ୍ତୁ ।
ଗଣମାଧ୍ୟମ ରିପୋର୍ଟ ଅନୁଯାୟୀ, କ୍ରୁମାନଙ୍କ ଦଳରେ ୨୫ ଜଣ ସଦସ୍ୟ ଥିଲେ, ଯେଉଁମାନଙ୍କ ମଧ୍ୟରେ ୧୭ ଜଣ ଭାରତୀୟ । ତେବେ ଭାରତୀୟ କ୍ରୁ ସଦସ୍ୟଙ୍କ ମଧ୍ୟରେ ଥିବା ଏକମାତ୍ର ମହିଳା କ୍ୟାଡେଟ୍ ଆନ୍ ଟେସା ଜୋସେଫଙ୍କୁ ଇରାନ ସେନାମାନେ ପ୍ରଥମରୁ ମୁକ୍ତ କରିସାରିଥିଲେ । ହ୍ୱାଇଟ ହାଉସର ଜାତୀୟ ସୁରକ୍ଷା ପରିଷଦ ମୁଖପାତ୍ର ଆଡ୍ରିଏନ ୱାଟସନ କହିଛନ୍ତି ଯେ, ଏହି କ୍ରୁରେ ଭାରତୀୟ, ଫିଲିପିନୋ, ପାକିସ୍ତାନୀ, ଋଷ ଏବଂ ଇଷ୍ଟୋନିଆ ନାଗରିକ ସାମିଲ ଥିଲେ ।

ନ୍ୟାୟିକ ନିୟମ ଅନୁଯାୟୀ ଗିରଫ କରାଯାଇଥିଲା :-
ଇରାନର ଇସଲାମିକ୍ ରିପବ୍ଲିକ୍ ର ଆଞ୍ଚଳିକ ଜଳରେ ଜବତ ହୋଇଥିବା ପର୍ତ୍ତୁଗୀଜ୍ ଜାହାଜ ବିଷୟରେ ଅମିରାବଡୋଲ୍ଲାହାନ୍ ବାର୍ତ୍ତାଳାପରେ କହିଛନ୍ତି ଯେ ଜାହାଜଟି ଆମ ଜଳରେ ରାଡାର ବନ୍ଦ କରିଦେଇଛି । ସେମାନେ ନାଭିଗେସନ୍ ସୁରକ୍ଷା ପ୍ରତି ବିପଦ ସୃଷ୍ଟି କରିଥିଲେ । ତେଣୁ ତାଙ୍କୁ ନ୍ୟାୟିକ ନିୟମ ଅନୁଯାୟୀ ଗିରଫ କରାଯାଇଥିଲା । ବାର୍ତ୍ତାଳାପ ସମୟରେ ଅମିରାବଡୋଲ୍ଲାହାନ କହିଛନ୍ତି ଯେ, ଇରାନ ମାନବିକତା କାରଣରୁ ଜାହାଜର ସମସ୍ତ କର୍ମଚାରୀଙ୍କୁ ମୁକ୍ତ କରିସାରିଛି ।