ହୋଲି ପୂର୍ବରୁ ଡାଉନ ହେଲା IRCTC ! ହୋଇପାରୁନି ତତକାଲ୍ ଟିକେଟ୍, ଜବାବ ଦେଲା ରେଲଓ୍ବେ

ନୂଆଦିଲ୍ଲୀ: ହୋଲି ଅବସରରେ ଟ୍ରେନ୍ ଟିକେଟ୍ ବୁକ୍ କରୁଥିବା ଯାତ୍ରୀମାନଙ୍କୁ ଏକ ବଡ଼ ଝଟକା ଲାଗିଛି । ଅନେକ ଉପଭୋକ୍ତା ଅଭିଯୋଗ କରିଛନ୍ତି ଯେ, IRCTC ୱେବସାଇଟ୍ ଡାଉନ୍ ଅଛି ଏବଂ ସେମାନେ ତତ୍କାଳ ଟିକେଟ୍ ବୁକ୍ କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି ।

X ରେ ଥିବା ଅନେକ ଲୋକ ରିପୋର୍ଟ କରିଛନ୍ତି ଯେ ଆପ୍ ଏବଂ ୱେବସାଇଟ୍ ଡାଉନ୍ ରହିଛି । କିନ୍ତୁ IRCTC କୌଣସି ସମସ୍ୟାକୁ ଅସ୍ୱୀକାର କରିଛି । IRCTC ତାର ଅଫିସିଆଲ୍ ହ୍ୟାଣ୍ଡେଲରୁ ଉତ୍ତର ଦେଇଥିଲା ଯେ ୱେବସାଇଟ୍ ଠିକ୍ ଭାବରେ କାମ କରୁଛି ଏବଂ ବୁକିଂରେ କୌଣସି ସମସ୍ୟା ନାହିଁ ।

ଅନେକ ସ୍ଥାନରୁ ଆସିଛି ଅଭିଯୋଗ- ଆଉଟେଜ୍ ଟ୍ରାକିଂ ୱେବସାଇଟ୍ ଡାଉନଡିଟେକ୍ଟର ଅନୁଯାୟୀ, ସକାଳ 8ଟାରୁ IRCTC ସେବାରେ ବ୍ୟାଘାତ ସମ୍ପର୍କରେ ଅଭିଯୋଗ ଆସିବା ଆରମ୍ଭ ହୋଇଥିଲା ଏବଂ ସକାଳ 8.20 ରେ ଅନେକ ଲୋକ ଅଭିଯୋଗ କରିଥିଲେ ।

ଏଠାରେ ଅଭିଯୋଗ କରିଥିବା ଅଧିକାଂଶ ଉପଭୋକ୍ତା କହିଛନ୍ତି ଯେ, ସେମାନେ ଆପ୍ ସହିତ ସମସ୍ୟାର ସମ୍ମୁଖୀନ ହେଉଛନ୍ତି । ୱେବସାଇଟ୍ ଡାଉନ୍ ରହିଥିବା ସମସ୍ତେ ଅଭିଯୋଗ କରିଥିଲେ ।

ଭାରତୀୟ ରେଳବାଇର ତତକାଳ ବୁକିଂ ସକାଳ 10 ଟାରୁ ଆରମ୍ଭ ହୁଏ । ଏପରି ପରିସ୍ଥିତିରେ ସର୍ଭର ପୂର୍ବରୁ ଡାଉନ୍ ହେବା ଯୋଗୁଁ ଲୋକଙ୍କ ସମସ୍ୟା ବୃଦ୍ଧି ପାଇଛି । ରିପୋର୍ଟ ଅନୁସାରେ, ଦେଶର ଅନେକ ସ୍ଥାନରୁ IRCTC ସର୍ଭର ଡାଉନ୍ ହେବାର ଅଭିଯୋଗ ଆସିଥିଲା। ଏଥିରେ ଦିଲ୍ଲୀ, ମୁମ୍ବାଇ, କୋଲକାତା, ପୁଣେ ଏବଂ ଚେନ୍ନାଇ ଇତ୍ୟାଦି ଅନ୍ତର୍ଭୁକ୍ତ ।

ଜଣେ ୟୁଜର୍ସଙ୍କ ଅଭିଯୋଗ ଉପରେ ଆଇଆରସିଟିସି ପ୍ରତିଉତ୍ତର ଦେଇଛି । ଓ୍ବେବସାଇଟ୍ ଠିକ ଭାବେ ଚାଲୁଛି ଏବଂ ସେଥିରେ କୌଣସି ସମସ୍ୟା ନଥିବା କଥା କୁହାଯାଇଛି ।