NEET-UG କାଉନସେଲିଂ ସ୍ଥଗିତ ହେବାକୁ ନେଇ ମୁହଁ ଖୋଲିଲେ ଜୟରାମ ରମେଶ, କହିଲେ ଏହି କଥା
ନୂଆଦିଲ୍ଲୀ: ନୀଟ ୟୁଜି ପରୀକ୍ଷା ସହ ଜଡିତ ଏକ ବଡ ଅପଡେଟ ଆସିଛି । ସ୍ନାତକ ମେଡିକାଲ ପାଠ୍ୟକ୍ରମରେ ପ୍ରବେଶ ପାଇଁ ନୀଟ ୟୁଜି କାଉନସେଲିଂକୁ ସ୍ଥଗିତ କରିବାର ନିଷ୍ପତ୍ତି ନିଆଯାଇଛି । ସମାଚାର ଏଜେନ୍ସି ଏଏନଆଇ ଅଫିସିଆଲ ପକ୍ଷରୁ ଏହି ସୂଚନା ଦିଆଯାଇଛି ।
ଶନିବାର ଦିନ ହେବାକୁ ଥିବା ନେସନାଲ ଏଲିଜିବିଲିଟୀ କମ ଏଣ୍ଟ୍ରାନ୍ସ ଟେଷ୍ଟ-ଅଣ୍ଡରଗ୍ରାଉଣ୍ଡ କାଉନସେଲିଂକୁ ନେସନାଲ ଟେଷ୍ଟିଙ୍ଗ ଏଜେନ୍ସି ସ୍ଥଗିତ କରିଛନ୍ତି । ଶିକ୍ଷାମନ୍ତ୍ରାଳୟ ଖୁବଶିଘ୍ର ତାରିଖର ଘୋଷଣା କରିବ ।
ଏହାରି ମଧ୍ୟରେ କଂଗ୍ରେସ ନେତା ଜୟରାମ ରମେଶ ନୀଟ ୟୁଜି କାଉନସେଲିଂ ସ୍ଥଗିତ ହେବାରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ସେ ସୋସିଆଲ ମିଡିଆ ଏକ୍ସରେ ଲେଖିଛନ୍ତି ଯେ, ସମସ୍ତ ନୀଟ-ୟୁଜି ମାମଲା ପ୍ରତି ଦିନ ବଢିବାରେ ଲାଗିଛି । ଏଥିରୁ ସ୍ପଷ୍ଟ ହେଉଛି ଯେ, ପ୍ରଧାନମନ୍ତ୍ରୀ ଏବଂ ଶିକ୍ଷା ମନ୍ତ୍ରୀ ଏହି ମାମଲାରେ କେତେ ଅକ୍ଷମ ଏବଂ ଅସମ୍ବେଦନଶୀଳ ଅଟନ୍ତି । ଆମର ଲକ୍ଷ ଲକ୍ଷ ଯୁବକମାନଙ୍କ ଭବିଷ୍ୟତ ତାଙ୍କ ହାତରେ ଆଦୌ ସୁରକ୍ଷିତ ନୁହେଁ ।
The whole NEET-UG issue is getting worse by the day. The non-biological PM and his biological Education Minister are adding further proof to their demonstrated incompetence and insensitivity. The future of lakhs of our youth is simply unsafe in their hands pic.twitter.com/SIBcvZO4J7
— Jairam Ramesh (@Jairam_Ramesh) July 6, 2024
