ରାଜସ୍ଥାନରେ କ୍ରାସ୍ ହେଲା ଭାରତୀୟ ବାୟୁସେନାର ବିମାନ, ଦୁର୍ଘଟଣା ଯୋଗୁଁ ଗ୍ରାମବାସୀ ଭୟଭୀତ

ନୂଆଦିଲ୍ଲୀ: ଭାରତୀୟ ବାୟୁସେନାର ୟୁଏଭି ବିମାନ ରାଜସ୍ଥାନର ଜୈସଲମେରରେ ଦୁର୍ଘଟଣାଗ୍ରସ୍ତ ହୋଇଛି । ଜିଲ୍ଲା ମୁଖ୍ୟାଳୟଠାରୁ ୩୦ କିଲୋମିଟର ଦୂରରେ ଥିବା ରୋଜାନିଆର ଢ଼ାନି ଜିଜିଆ ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଜିଲ୍ଲା ପ୍ରଶାସନ ସହିତ ବାୟୁସେନା ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ । ଦୁର୍ଘଟଣା ପରେ ବିମାନରେ ନିଆଁ ଲାଗିଯାଇଥିଲା ଏବଂ ଅଗ୍ନିଶମ ବାହିନୀ ଏହାକୁ ଲିଭାଇବା ପାଇଁ ଘଟଣାସ୍ଥଳରେ ପହଞ୍ଚିଥିଲେ । ବିମାନରେ ଲାଗିଥିବାର ନିଆଁକୁ ଆୟତ୍ତ କରାଯାଇଛି ।

ଅଗ୍ନିକାଣ୍ଡ ହେତୁ ବିମାନଟି ସମ୍ପୂର୍ଣ୍ଣ ଜଳି ପାଉଁଶ ହୋଇଯାଇଛି । ଏହି ଦୁର୍ଘଟଣାରେ କୌଣସି ମୃତାହତର ଖବର ନାହିଁ । ବାୟୁସେନା ଅଧିକାରୀଙ୍କ ସହ ସ୍ଥାନୀୟ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି । ଦୁର୍ଘଟଣାର ସ୍ଥାନକୁ ସିଲ୍ କରାଯାଇଛି । ଦୁର୍ଘଟଣାର ତଦନ୍ତ କରାଯାଉଛି ।
ଦୁର୍ଘଟଣା ଯୋଗୁଁ ଗ୍ରାମବାସୀ ଭୟଭୀତ :-
ଆଜି ସକାଳେ ଏହି ଘଟଣା ଘଟିଛି । ସ୍ଥାନୀୟ ଗ୍ରାମବାସୀ କହିଛନ୍ତି ଯେ ବିମାନଟି ଆକାଶରୁ ଉଚ୍ଚ ବେଗରେ ତଳେ ପଡିଯାଇଥିଲା । ବିମାନଟି ଖସିପଡିବାରୁ ଜୋରରେ ବିସ୍ଫୋରଣ ହୋଇଥିଲା । ସକାଳ ବିସ୍ଫୋରଣ ହେତୁ ଲୋକମାନେ ଭୟଭୀତ ହୋଇଥିଲେ । ବିମାନଟି ପଡ଼ିଥିବା ସ୍ଥାନରେ ନିଆଁ ବାହାରୁଥିଲା । ଭୟ ହେତୁ ଘଟଣାସ୍ଥଳରେ କେହି ଯାଉନଥିଲେ । ବାୟୁସେନା ଅଧିକାରୀମାନେ ଏହି ଘଟଣା ବିଷୟରେ ଜାଣିବାକୁ ପାଇଥିଲେ ।

ପୋଡିଯାଇଥିବା ବିମାନ :-
ଘଟଣାର ଖବର ପାଇବା ପରେ ବାୟୁସେନା ଅଧିକାରୀ ଏବଂ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିଥିଲେ । ଅଗ୍ନିଶମ ବାହିନୀ ସହାୟତାରେ ନିଆଁ ଲିଭାଯାଇଥିଲା । ବିମାନର ଭଗ୍ନାବଶେଷ ଘଟଣାସ୍ଥଳରେ ଛିନ୍ନଭିନ୍ନ ହୋଇଛି, ଯାହା ସମ୍ପୂର୍ଣ୍ଣ ଭାବେ ପାଉଁଶ ହୋଇଯାଇଛି । ଦୁର୍ଘଟଣାର ତଦନ୍ତ କରାଯାଉଛି । କାହାକୁ ଘଟଣାସ୍ଥଳକୁ ଯିବାକୁ ଦିଆଯାଉ ନାହିଁ । ବର୍ତ୍ତମାନ ବାୟୁସେନା ଏବଂ ପୋଲିସ ପକ୍ଷରୁ କୌଣସି ସୂଚନା ଦିଆଯାଇନାହିଁ ।