ମାସକର ଛୁଆକୁ ପିଟିବା ସହିତ ତଣ୍ଟି ଚିପୁଥିଲା ମା’: ଭିଡିଓ ଭାଇରାଲ ହେବା ପରେ ଗିରଫ କଲା ପୋଲିସ

ନୂଆଦିଲ୍ଲୀ: ମାସକର ଛୁଆକୁ ଅକଥନୀୟ ନିର୍ଯାତନା । ଜମ୍ମୁ କାଶ୍ମୀରରୁ ଏମିତି ଏକ ଘଟଣା ସାମ୍ନାକୁ ଆସିଛି । ଭିଡିଓଟି ଭାଇରାଲ ହେବା ପରେ ମା’କୁ ପୋଲିସ ଗିରଫ କରିଥିବା ଜଣାପଡିଛି । ସୋସିଆଲ ମିଡିଆରେ ଏହି ଭିଡିଓଟି ଭାଇରାଲ ହୋଇଥିବା ବେଳେ ପୋଲିସ ଭିଡିଓକୁ ଟ୍ରେସ କରିଥିଲା ।

ଜାମ୍ମୁ କାଶ୍ମୀରରେ ଘଟିଥିବା ଏହି ଘଟଣାଟି ସମସ୍ତଙ୍କୁ ଆଶ୍ଚର୍ଯ୍ୟ କରିଦେବା ଭଳି ରହିଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ଜଣେ ମହିଳା ନିଜ କୋଳରେ ଶିଶୁଟିକୁ ଧରି ବସିଥିବାର ଦେଖିବାକୁ ମିଳିଛି । ଏହା ସହିତ କାହା ସହିତ ଯୁକ୍ତି ତର୍କ ମଧ୍ୟ କରୁଥିବା ଜଣାପଡିଛି । ଯୁକ୍ତି ତର୍କ ମଧ୍ୟରେ ଶିଶୁଟି କାନ୍ଦି ଉଠିବାରୁ ମହିଳା ଜଣଙ୍କ ଚାପୁଡା ମାରିବା ସହିତ ତଣ୍ଟି ଚିପିବାକୁ ଚେଷ୍ଟା କରିଥିଲେ । ଏହାପରେ ମାସକର ଶିଶୁଟିକୁ ଖଟ ଉପରେ କଚାଡି ଦେଇଥିଲେ ମହିଳା ଜଣଙ୍କ ।

ଭିଡିଓଟି ଭାଇରାଲ ହେବା ପରେ ଜାମ୍ମୁ କାଶ୍ମୀର ପୋଲିସ୍ ପକ୍ଷରୁ ତଦନ୍ତ ଆରମ୍ଭ କରାଯାଇଥିଲା । ଜମ୍ମୁ ଅନ୍ତର୍ଗତ ସାମ୍ବା ଜିଲ୍ଲାରେ ଏହି ଘଟଣା ଘଟିଥିଲା । ପୋଲିସ ପକ୍ଷରୁ ମହିଳା ଜଣଙ୍କୁ ଗିରଫ କରାଯାଇଥିବା ବେଳେ ଶିଶୁଟିକୁ ଚାଇଲ୍ଡ ହେଲ୍ପଲାଇନ ସେଣ୍ଟରରେ ରଖାଯାଇଛି ।