ଜାମ୍ମୁ କାଶ୍ମୀର ପୁଞ୍ଚରେ ସେନା କ୍ୟାମ୍ପ ଉପରେ ଆତଙ୍କବାଦୀ ଆକ୍ରମଣ, IAFର ୫ ଯବାନ ଆହତ, ଚାଲିଛି ସର୍ଚ୍ଚ ଅପରେସନ

ନୂଆଦିଲ୍ଲୀ: ଜାମ୍ମୁ କାଶ୍ମୀରର ପୁଞ୍ଚ ଜିଲ୍ଲାର ସୁରନକୋଟରେ ଆତଙ୍କବାଦୀମାନେ ଭାରତୀୟ ବାୟୁସେନା କ୍ୟାମ୍ପ ଉପରେ ଆକ୍ରମଣ କରିଛନ୍ତି । ଯେଉଁଥିରେ ପାଞ୍ଚଜଣ ଯବାନ ଆହତ ହୋଇଛନ୍ତି । ସ୍ଥାନୀୟ ରାଷ୍ଟ୍ରିୟ ରାଇଫଲ୍ସ ୟୁନିଟ୍ ଏହି ଅଞ୍ଚଳରେ ଘେରାବନ୍ଦୀ ଏବଂ ସର୍ଚ୍ଚ ଅପରେସନ୍ ଆରମ୍ଭ କରିଛି । ଶାହସିତାର ନିକଟ ସାଧାରଣ ଅଞ୍ଚଳରେ ଥିବା ଏୟାର ବେସ୍ ଭିତରେ ଏହି ଯାନଗୁଡିକ ସୁରକ୍ଷିତ କରାଯାଇଛି । ବର୍ତ୍ତମାନ ସେନା ଏହି ଅଞ୍ଚଳକୁ ଘେରି ରହିଛି ।

ଏହି ପ୍ରସଙ୍ଗରେ ଏନଡିଟିଭି ସୂତ୍ରରୁ ପ୍ରକାଶ ଯେ, ଏହି ଆକ୍ରମଣରେ ୪ ବାୟୁସେନା ଯବାନ ମଧ୍ୟ ଆହତ ହୋଇଛନ୍ତି । ଆତଙ୍କବାଦୀମାନେ ସେନା ଗାଡି ଉପରେ ଆଖିବୁଜା ଗୁଳି ଚଳାଇଥିଲେ । ଏହା ପରେ ଏହି ଅଞ୍ଚଳକୁ ଅତିରିକ୍ତ ବାହିନୀ ପଠାଯାଇଛି ଏବଂ ଆତଙ୍କବାଦୀ ବିରୋଧୀ କାର୍ଯ୍ୟ ଚାଲିଛି ।

ଗତ ବର୍ଷ ସେନା ଉପରେ ଅନେକ ଆତଙ୍କବାଦୀ ଆକ୍ରମଣର ସାକ୍ଷୀ ରହିଥିବା ଅଞ୍ଚଳରେ ଚଳିତ ବର୍ଷ ସଶସ୍ତ୍ର ବାହିନୀ ଉପରେ ଏହା ହେଉଛି ପ୍ରଥମ ବଡ଼ ଆକ୍ରମଣ । ଆକ୍ରମଣ ପରେ ଯେଉଁ ଫଟୋଗୁଡ଼ିକ ସାମ୍ନାକୁ ଆସିଛି, ସେଥିରେ ଗାଡିର ୱିଣ୍ଡସ୍କ୍ରିନରେ ଅତି କମରେ ଏକ ଡଜନ ବୁଲେଟ୍ କଣା ହୋଇଥିବା ଦେଖିବାକୁ ମିଳୁଛି ।