IND vs ENG 3rd Test: କପିଲ ଦେବଙ୍କ ରେକର୍ଡ ଭାଙ୍ଗିଲେ ବୁମରା, ଇଂଲଣ୍ଡ ଖେଳାଳି ହେଲେ ଛାନିଆ

ଇଂଲଣ୍ଡ: ଲର୍ଡସ୍ ଟେଷ୍ଟରେ ଭାରତୀୟ ଦ୍ରୁତ ବୋଲର ଜସପ୍ରିତ ବୁମରା ବେଶ ଭଲ ପଦର୍ଶନ କରିଛନ୍ତି । ବ୍ୟକ୍ତିଗତ କାର୍ଯ୍ୟ ଯୋଗୁଁ ଦ୍ୱିତୀୟ ଟେଷ୍ଟ ଖେଲିପରି ନଥିବା ବୁମରା ତୃତୀୟ ଟେଷ୍ଟର ଦ୍ୱିତୀୟ ଦିନରେ ବଲ୍ ଧରିବା ମାତ୍ରେ ଇଂଲଣ୍ଡ ବ୍ୟାଟସମ୍ୟାନଙ୍କ ଉପରେ ଭାରି ପଡିଥିଲେ।

ସେ କେବଳ 5 ୱିକେଟ୍ ନେଇଥିଲେ ନାହିଁ, ବରଂ କପିଲ ଦେବଙ୍କ ଏକ ବଡ଼ ରେକର୍ଡ ମଧ୍ୟ ଭାଙ୍ଗିଥିଲେ।

କପିଲ ଦେବଙ୍କ ରେକର୍ଡ

ଜସପ୍ରିତ ବୁମରା ଲର୍ଡସ୍ ଟେଷ୍ଟର ପ୍ରଥମ ଇନିଂସରେ 5 ୱିକେଟ୍ ନେଇଥିଲେ ଏବଂ ତାଙ୍କ କ୍ୟାରିୟରର 15ତମ ପାଞ୍ଚ ୱିକେଟ୍ ହାସଲ କରିଥିଲେ। ବିଶେଷ କଥା ହେଉଛି ଏହା ବିଦେଶ ମାଟିରେ ତାଙ୍କର 13ତମ 5 ୱିକେଟ୍ ଅକ୍ତିଆର ଥିଲା, ଯାହା ଯୋଗୁଁ ସେ କପିଲ ଦେବଙ୍କୁ ପଛରେ ପକାଇ ଦେଇଛନ୍ତି।

କପିଲ ଦେବଙ୍କ ପାଖରେ 12 ଥର 5 ୱିକେଟ୍ ଅକ୍ତିଆର କରିବାର ରେକର୍ଡ ଥିଲା, କିନ୍ତୁ ବର୍ତ୍ତମାନ ବୁମରା ବିଦେଶୀ ମାଟିରେ ସର୍ବାଧିକ ଏକ ଇନିଂସରେ 5 ୱିକେଟ୍ ଅକ୍ତିଆର କରିଥିବା ଭାରତୀୟ ବୋଲର ହୋଇଛନ୍ତି।

ଭାରତ ପାଇଁ ବିଦେଶୀ ମାଟିରେ ସର୍ବାଧିକ 5 ୱିକେଟ୍

ଜସପ୍ରିତ ବୁମରାହ- 13*

କପିଲ ଦେବ- 12

ଅନିଲ କୁମ୍ବଲେ- 10

ଇଶାନ୍ତ ଶର୍ମା- 9

ଲର୍ଡସର “ଅନର୍ସ ବୋର୍ଡ”ରେ ନିଜ ନାମ ପଞ୍ଜିକୃତ କରିବା ପ୍ରତ୍ୟେକ କ୍ରିକେଟରଙ୍କ ସ୍ୱପ୍ନ, କିନ୍ତୁ ଏହି ମାଇଲଖୁଣ୍ଟ ହାସଲ କରିବା ପରେ ମଧ୍ୟ ବୁମରାହ ଶାନ୍ତ ଦେଖାଯାଉଥିଲେ। ଶୁକ୍ରବାର ଇଂଲଣ୍ଡ ଇନିଂସ ସମୟରେ ତାଙ୍କ ସ୍ପେଲରେ ଜୋଫ୍ରା ଆର୍ଚରଙ୍କୁ ଆଉଟ୍ କରି ସେ ପାଞ୍ଚ ୱିକେଟ୍ ପୂରଣ କରିଥିଲେ।

ଏହା ବୁମରାହଙ୍କ ସକାଳର ଚତୁର୍ଥ ୱିକେଟ୍ ଥିଲା ଏବଂ ଭାରତ ତାଙ୍କ ଘାତକ ବୋଲିଂ ଆଧାରରେ ଇଂଲଣ୍ଡକୁ 387 ରନ୍ ରେ ଅଲ୍ ଆଉଟ୍ କରିଥିଲା।

ଇଂଲଣ୍ଡ ଦ୍ୱିତୀୟ ଦିନ 4 ୱିକେଟ୍ ରେ 251 ରନରୁ ଆରମ୍ଭ କରିଥିଲା। ଜେମି ସ୍ମିଥ୍ ଏବଂ ବ୍ରାଇଡନ୍ କାର୍ସେଙ୍କ ଅର୍ଦ୍ଧଶତକ ବ୍ୟତୀତ, ସମଗ୍ର ଇଂଲଣ୍ଡ ଦଳ ଭାରତୀୟ ବୋଲରଙ୍କ ବିରୁଦ୍ଧରେ ସଂଘର୍ଷ କରୁଥିବା ଦେଖାଯାଇଥିଲା।

ଭାରତର ଆରମ୍ଭ ଏପରି ଥିଲା

ଭାରତର ଆରମ୍ଭ ଭଲ ନଥିଲା। ଯଶସ୍ୱୀ ଜୟସ୍ୱାଲ ୧୩ ରନ କରି ଜୋଫ୍ରା ଆର୍ଚରଙ୍କ ଶିକାର ହୋଇଥିଲେ। ଏହା ପରେ କରୁଣ ନାୟାର ଭଲ ଆରମ୍ଭ କରିଥିଲେ, କିନ୍ତୁ ୪୦ ରନ କରି ଅଧିନାୟକ ବେନ୍ ଷ୍ଟୋକ୍ସଙ୍କ ଦ୍ୱାରା ଆଉଟ ହୋଇଥିଲେ। ଶୁଭମନ ଗିଲ୍ ଏଥର ବଡ଼ ଇନିଂସ ଖେଳିପାରି ନଥିଲେ ଏବଂ ୨୮ ରନ କରି କ୍ରିସ୍ ୱକ୍ସଙ୍କ ଦ୍ୱାରା ଆଉଟ ହୋଇଥିଲେ।

ଦିନର ଖେଳ ଶେଷରେ, କେଏଲ ରାହୁଲ ୫୩ ରନ କରି ଅପରାଜିତ ଅଛନ୍ତି ଏବଂ ରିଷଭ ପନ୍ତ ୧୯ ରନ କରି ତାଙ୍କ ସହିତ ଠିଆ ହୋଇଛନ୍ତି। ଭାରତ ଏବେ ବି ଇଂଲଣ୍ଡଠାରୁ ୨୪୨ ରନ ପଛରେ ଅଛି ଏବଂ ପ୍ରଥମ ଇନିଂସରେ ବଡ଼ ସ୍କୋର କରିବାର ଚ୍ୟାଲେଞ୍ଜ ସେମାନଙ୍କ ସମ୍ମୁଖରେ ରହିଛି।