ଓଡ଼ିଶାରେ ଖୁବ୍ ଜୋରରେ ଆଗେଇ ଚାଲିଛି ‘ଯବାନ’, ଟ୍ୱିଟ କରି ଧନ୍ୟବାଦ ସହ ଲଭ ୟୁ କହିଲେ ଶାହରୁଖ ଖାନ
ଭୁବନେଶ୍ୱର: ଶାହରୁଖ ଖାନଙ୍କ ଯବାନ ଫିଲ୍ମର କ୍ରେଜ୍ ସାରା ଦୁନିଆରେ ଚାଲିଥିବା ବେଳେ ଓଡ଼ିଶାରେ ମଧ୍ୟ ଦେଖିବାକୁ ମିଳିଛି । ପ୍ରଥମ ଦିନରେ ଯବାନ ୱାର୍ଲଡୱାଇଡ୍ ୧୨୯ କୋଟି କଲେକ୍ସନ କରିଥିଲା । ସିନେମାଘରେ ମୁକ୍ତିଲାଭ କରିବା ପରେ ଓଡ଼ିଶାରେ ଥିବା ଶାହରୁଖ ଖାନଙ୍କ ଫ୍ୟାନ କ୍ଲବ ଯବାନ ଫିଲ୍ମକୁ ନେଇ ଅନେକ ଉତ୍ସାହର ସହ ସେଲିବ୍ରେସନ କରୁଛନ୍ତି । ଅନେକ ସ୍ଥାନରେ କେକ୍ ମଧ୍ୟ କାଟୁଛନ୍ତି ।
ସାରା ଦୁନିଆରେ ଯେପରି ଶାହରୁଖ ଖାନଙ୍କ ଫିଲ୍ମ ଯବାନ ସିନେମା ଘରେ ଖୁବ ଜୋରରେ ରୋଜଗାର କରୁଛି ସେହିପରି ଓଡ଼ିଶାରେ ମଧ୍ୟ ସେହିଭଳି ରୋଜଗାର କରୁଛି । ଏହାରି ମଧ୍ୟରେ କଳାହାଣ୍ଡିରେ ଥିବା ଏସଆରକେ ଫ୍ୟାନ କ୍ଲବ ଯବାନର ପୋଷ୍ଟର ଧରି ଏବଂ କେକ୍ କାଟି ସେଲିବ୍ରେସନ କରୁଛନ୍ତି । ଏହି ସେଲିବ୍ରେସନର ସେମାନେ ଏକ ଭିଡିଓ ‘ଟିମ ଶାହରୁଖ ଖାନ ଫ୍ୟାନ କ୍ଲବ’ରେ ପୋଷ୍ଟ କରିଛନ୍ତି । ତେବେ ଶାହରୁଖ ଖାନ ଏହାକୁ ରିପ୍ଲାଏ କରି ଧନ୍ୟବାଦ ଜଣାଇଛନ୍ତି ।
Thank u Odisha!!! https://t.co/TC1cgjeDFT
— Shah Rukh Khan (@iamsrk) September 8, 2023
ଅନ୍ୟପଟେ ବାଲେଶ୍ୱରରେ ମଧ୍ୟ ଯବାନ ଫିଲ୍ମକୁ ନେଇ ଫ୍ୟାନମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ସେମାନେ ଯବାନର ବୋର୍ଡ, ବ୍ୟାନର ସହ ଫଟୋ ଉଠାଇ ଟ୍ୱିଟରରେ ସେୟାର କରିଛନ୍ତି । ଏଥିସହ କେକ୍ ସେଲିବ୍ରେସନ କରି ଶାହରୁଖ ଖାନ ୟୁନିର୍ଭସ ଫ୍ୟାନ କ୍ଲବରେ ସେୟାର କରିଛନ୍ତି । ଏଥିରେ ମଧ୍ୟ ଶାହରୁଖ ଖାନ ବାଲେଶ୍ୱର ବାସୀଙ୍କୁ ଧନ୍ୟବାଦ ଜଣାଇଛନ୍ତି । ଶାହରୁଖ ଖାନ ଲେଖିଛନ୍ତି ଯେ, ‘ଆପଣମାନେ ବହୁଦ ଭଲ ଏବଂ ସୁନ୍ଦର, ଅପଣମାନେ ନିଜ ପରିବାରକୁ ନେଇ ଏହି ଫିଲ୍ମ ଏବେ ଦେଖିବାକୁ ଯାଆନ୍ତୁ, ଲଭ ୟୁ’ ।
Thank u so Balasore. You are too kind and beautiful. Please take families now to watch the film. Love u https://t.co/f4N5DBGBPL
— Shah Rukh Khan (@iamsrk) September 8, 2023
