JEE Main ପରୀକ୍ଷା ଆଜିଠୁ ଆରମ୍ଭ, ଜାଣନ୍ତୁ ଜିନ୍ସ ଏବଂ ଟଏଲେଟ ବ୍ରେକ୍ ସମ୍ବନ୍ଧୀୟ ନିୟମ
ଆଜିଠୁ ଜେଇଇ ମେନ ପରୀକ୍ଷା ଆରମ୍ଭ
ନୂଆଦିଲ୍ଲୀ: ଜେଇଇ ମେନ ୨୦୨୫ର ଦ୍ୱିତୀୟ ସେସନ ପାଇଁ ଆଜିଠୁ ପରୀକ୍ଷା ଆରମ୍ଭ ହୋଇଛି । ଲକ୍ଷ ଲକ୍ଷ ପ୍ରାର୍ଥୀ ଆଜି ପରୀକ୍ଷା କେନ୍ଦ୍ରରେ ନିଜର ପରୀକ୍ଷା ଦେବେ । ଏହି ପରୀକ୍ଷା ଆଜି ଅର୍ଥାତ ୨ ଏପ୍ରିଲରୁ ୯ ଏପ୍ରିଲ ପର୍ଯ୍ୟନ୍ତ ଅନେକ ସିଫ୍ଟରେ ଆୟୋଜନ କରାଯିବ ।
ଏନଟିଏନ ମୁତାବକ, ବିଇ ଏବଂ ବିଟେକର ପେପର ୨,୩,୪,୭ ଏବଂ ୮ ଏପ୍ରିଲରେ ଆୟୋଜିତ ହେବ । ବି. ଆର୍କ ଏବଂ ବି.ପ୍ଲାନିଂର ପେପରର ପରୀକ୍ଷା ପାଇଁ ଆଡମିଟ କାର୍ଡ ଜାରି କରାଯାଇଛି । ଏଥିରେ ପରୀକ୍ଷା ସେଣ୍ଟରରେ ପହଞ୍ଚିବା ପୂର୍ବରୁ ଛାତ୍ରଛାତ୍ରୀଙ୍କୁ ପରୀକ୍ଷାର କିଛି ନିୟମ ଅବଶ୍ୟ ଜାଣିବା ଆବଶ୍ୟକ ।
ଜିନ୍ସ ପିନ୍ଧିବାକୁ ନେଇ ନିୟମ: କିଛି ପରୀକ୍ଷା ଅଛି ଯେଉଁଥିରେ ଜିନ୍ସ ପିନ୍ଧିକି ଯିବାକୁ ମନାକରାଯାଇଛି । କିନ୍ତୁ ଜେଇଇ ପରୀକ୍ଷାର୍ଥୀଙ୍କ ପାଇଁ ଜିନ୍ସର କୌଣସି ନିୟମ ନାହିଁ । କିନ୍ତୁ ଏନଟିଏ ଛାତ୍ର-ଛାତ୍ରୀଙ୍କୁ ହାଲୁକା ଏବଂ ଆରାମଦାୟକ ବସ୍ତ୍ର ପିନ୍ଧିକି ଯିବାକୁ କହିଛି ।
ଟଏଲେଟ ବ୍ରେକ୍ର ନିୟମ: ଏନଟିଏ ଟଏଲେଟ ବ୍ରେକକୁ ନେଇ ଶକ୍ତ ନିୟମ ପ୍ରସ୍ତୁତ କରିଛି । ଯଦି କୌଣସି ଛାତ୍ର-ଛାତ୍ରୀଙ୍କ ମଧ୍ୟରେ ଟଏଲେଟ ବ୍ରେକ ନେଉଛନ୍ତି ତେବେ ସେମାନଙ୍କୁ ପୁଣି ଥରେ ଚେକିଂ କରାଯିବ ଏବଂ ସେମାନଙ୍କର ବାୟୋମେଟ୍ରିକ ଆଟେଡାନ୍ସ ନିଆଯିବ । ଆଡମିଟ କାର୍ଡରେ ଏହାକୁ ସ୍ପଷ୍ଟଭାବେ ଲେଖାଯାଇଛି ।