ଟର୍ଣ୍ଣ କରିବା ବେଳେ ଓଲଟିପଡିଲା ଯାତ୍ରୀବାହୀ ବସ୍, ଏକାସଙ୍ଗେ ଚାଲିଗଲେ 7
ନୂଆଦିଲ୍ଲୀ: ଗୁରୁବାରରେ ଲିଭିଗଲା ଜୀବନ ଦୀପ । ଟର୍ଣ୍ଣ ବୁଲାଉଥିବା ବେଳେ ଭୀଷଣ ଦୁର୍ଘଟଣା । ଓଲଟିପଡିଲା ଯାତ୍ରୀବାହୀ ବସ୍ । ଭୟଙ୍କର ଦୁର୍ଘଟଣାରେ 7ଜଣଙ୍କ ମୃତ୍ୟ ହୋଇଥିବା ସୂଚନା ମିଳିଛି । ଝାଡଖଣ୍ଡର ହଜାରିବାଗ ଜିଲ୍ଲାରେ ଘଟିଛି ଏହି ଦୁର୍ଘଟଣା । ଅନ୍ୟପଟେ 5ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।
ସୂଚନା ଅନୁସାରେ, ଆଜି ସକାଳ 6ଟାରେ ଏହି ଦୁର୍ଘଟଣା ଘଟିଛି । ଗୋରହର ପୋଲିସ ଥାନା ନିକଟରେ ଟର୍ଣ୍ଣ କରୁଥିବା ବେଳେ ବସଟି ଓଲଟି ପଡିଥିଲା । ତେବେ ସେହି ସମୟରେ ବସରେ ପାଖାପାଖି 50 ଜଣ ଯାତ୍ରୀ ରହିଥିଲେ । କୋଲକାତାରୁ ପାଟନା ଯାଉଥିବା ବେଳେ ଦୁର୍ଘଟଣା ହୋଇଛି । ତେବେ ଦୁର୍ଘଟଣାର ଖବର ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଛଅଲେନ ରୋଡ କାର୍ଯ୍ୟ ପାଇଁ ଦୁର୍ଘଟଣା ହୋଇଥିବା ବରାହି ଏସଡିପିଓ ସୂଚନା ଦେଇଛନ୍ତି । ତେବେ ଦୁର୍ଘଟଣା ଏତେ ଭୟଙ୍କର ଥିଲା ଥିଲା ଯେ, ଘଟଣାସ୍ଥଳରେ ହିଁ 7ଜଣ ପ୍ରାଣ ହରାଇଥିଲେ । ତେବେ ଟର୍ଣ୍ଣ କରୁଥିବା ବେଳେ ବସଟି ଭାରସାମ୍ୟ ହରାଇ ବସିଥିବା ନେଇ ସ୍ଥାନୀୟ ଲୋକେ କହିଛନ୍ତି । ତେବେ ଅନେକ ଯାତ୍ରୀଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ କିଛି ଗୁରୁତର ରହିଥିବା ବେଳେ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି ।
