Jioର ନୂଆ କମାଲ, ଫୋନରେ ହିଁ ମିଳିବ UPI ପେମେଣ୍ଟର ଅଡିଓ ଅଲର୍ଟ, Paytm-PhonePeର ବଢିଲା ଟେନସନ

ନୂଆଦିଲ୍ଲୀ: ରିଲାଏନ୍ସ ଜିଓ ହେଉଛି ଦେଶର ସବୁଠାରୁ ବଡ ଟେଲିକମ୍ କମ୍ପାନୀ। ଜିଓ ନିଜର ଲକ୍ଷ ଲକ୍ଷ ଗ୍ରାହକଙ୍କୁ ଅନେକ ପ୍ରକାରର ସେବା ପ୍ରଦାନ କରୁଛି। ବର୍ତ୍ତମାନ କମ୍ପାନୀ ଆଉ ଏକ ନୂତନ ସେବା ପ୍ରଦାନ କରିଛି।

ଜିଓର ନୂତନ ସେବା ଫୋନ୍ ପେ ଏବଂ ପେଟିଏମ୍ ର ଚିନ୍ତା ବୃଦ୍ଧି କରିଛି। ଜିଓ ଦ୍ୱାରା ଏପରି ସେବା ଆରମ୍ଭ କରାଯାଇଛି, ଯାହା UPI ମାଧ୍ୟମରେ ପେମେଣ୍ଟ କରିବା ପରେ ଗ୍ରାହକମାନେ ନିଜେ ଫୋନରେ ଅଡିଓ ଆଲର୍ଟ ପାଇବେ।

ରିଲାଏନ୍ସ ଜିଓ ଛୋଟ ବ୍ୟବସାୟୀଙ୍କୁ ଧ୍ୟାନରେ ରଖି Jio Sound Pay ସର୍ଭିସ ଆରମ୍ଭ କରିଛି। ଏହି ସେବାରେ, ଉପଭୋକ୍ତାମାନେ ଅନଲାଇନ୍ ପେମେଣ୍ଟ ପାଇବା ପରେ ନିଜ ଫୋନରେ ଅଡିଓ ଆଲର୍ଟ ପାଇବେ। ଜିଓର ଏହି ସେବା ପେଟିଏମ୍ ର ସାଉଣ୍ଡ ବକ୍ସ ପରି କାମ କରିବ।

କମ୍ପାନୀ ଏହାକୁ ବ୍ୟବସାୟୀ, ଗ୍ରୋସରୀ ଷ୍ଟୋର୍ ବ୍ୟବସାୟୀ, ଫୁଟପାଥରେ ଷ୍ଟଲ୍ କରିଥିବା ଅନେକ ଲୋକଙ୍କୁ ସୁବିଧା ଯୋଗାଇବ।

ବ୍ୟବସାୟୀ ହେବେ ଲାଭବାନ: ଜିଓ ସାଉଣ୍ଡ ସର୍ଭିସର ସପୋର୍ଟ ଜିଓ ଭାରତ ଫୋନରେ ଦେଇଛି। ଜିଓ ମୁତାବକ, ବ୍ୟବସାୟୀ ସାଉଣ୍ଡ ବକ୍ସ ପାଇଁ ପ୍ରତି ମାସରେ ୧୨୫ ଟଙ୍କାର ପେମେଣ୍ଟ କରୁଛନ୍ତି, ବର୍ତ୍ତମାନ ଜିଓ ସାଉଣ୍ଡ ପେ ଆସିବା ପରେ ଏହି ଖର୍ଚ୍ଚ ବଞ୍ଚିବାକୁ ଯାଉଛି।

ଏଥିରେ ବ୍ୟବସାୟୀ ବାର୍ଷିକ ୧୫୦୦ ଟଙ୍କା ସଞ୍ଚୟ କରିପାରିବେ। ଜିଓର ଏହି ସର୍ଭିସ ପଏଟିଏମ ଏବଂ ଫୋନପେର ଚିନ୍ତା ବଢାଇଦେଇଛି।