(video)ଜେଲ୍ରୁ ଦେଶବାସୀଙ୍କ ଉଦ୍ଦେଶ୍ୟରେ ଏପରି ଭିଡିଓ ବାର୍ତ୍ତା ପଠାଇଲେ କେଜ୍ରିୱାଲ, ପଢିବା ବେଳେ ପତ୍ନୀ ସୁନୀତା ହୋଇପଡିଲେ ଭାବୁକ
ନୂଆଦିଲ୍ଲୀ:ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତା କେଜ୍ରିୱାଲ ସାମ୍ବାଦିକ ସମ୍ମିଳନୀର ଆୟୋଜନ କରି ଜେଲ୍ରୁ କେଜ୍ରିୱାଲ ପଠାଇଥିବା ବାର୍ତ୍ତା ପଢି ଶୁଣାଇଛନ୍ତି । ଜେଲ୍ରୁ କେଜ୍ରିୱାଲ ଲେଖିଛନ୍ତି, ମୋ ପ୍ରିୟ ଦେଶବାସୀ, ମୋତେ ଗିରଫ କରିନିଆଯାଇଛି । ମୁଁ ଭିତରେ ରୁହେ କି ବାହାରେ ପ୍ରତି ମୁହୂର୍ତ୍ତରେ କିନ୍ତୁ ଦେଶସେବା କରିବି । ମୋ ଜୀବନର ଗୋଟିଏ ଗୋଟିଏ ମୁହୂର୍ତ୍ତ ଦେଶପାଇଁ ସମର୍ପିତ ।
#WATCH | Delhi CM Arvind Kejriwal's wife Sunita Kejriwal issues a video statement and reads out the CM's message from jail.
She says, "…There are several forces within and outside India that are weakening the country. We have to be alert, identify these forces and defeat… pic.twitter.com/jqlHpguugP
— ANI (@ANI) March 23, 2024
ସଂଘର୍ଷ ପାଇଁ ହିଁ ଏହି ପୃଥିବୀ ପୃଷ୍ଠରେ ମୋର ଜନ୍ମ ହୋଇଛି । ତେଣୁ ଏହି ଗିରଫଦାରୀ ମୋତେ କିଛି ଚକିତ କରିନାହିଁ । ପୂର୍ବ ଜନ୍ମରେ ମୁଁ ନିଶ୍ଚିତ କିଛି ପୁଣ୍ୟ କରିଛି ଯଦ୍ୱାରା ମୁଁ ଭାରତରେ ଜନ୍ମ ହୋଇଛି । ଆମେ ପୁଣି ମିଳିମିଶି ଭାରତକୁ ମହାନ୍ କରି ଗଢି ତୋଳିବା । ଦେଶ ମଧ୍ୟରେ ଓ ବାହାରେ ଏପରି ବହୁ ଶକ୍ତି ରହିଛନ୍ତି ଯାହା ଭାରତକୁ ଦୂର୍ବଳ କରି ଦେଉଛନ୍ତି । ତେବେ ଆମେ ସମସ୍ତେ ସଚେତ ରହି ଏପରି ଶକ୍ତିକୁ ଚିହ୍ନିବା ଓ ସେମାନଙ୍କୁ ହରାଇବା । ଭାରତ ମଧ୍ୟରେ ବହୁତ ଶକ୍ତି ରହିଛି ଓ ବହୁ ଦେଶଭକ୍ତ ରହିଛନ୍ତି ଯେଉଁମାନେ ଭାରତକୁ ଆଗକୁ ନେବାକୁ ଚାହୁଁଛନ୍ତି । ଏହି ଶକ୍ତିଙ୍କ ସହ ଜଡିତ ରହି ଦେଶକୁ ମଜଭୁତ କରିବା ଆମ ସମସ୍ତଙ୍କ କର୍ତ୍ତବ୍ୟ ।
ମୁଖ୍ୟମନ୍ତ୍ରୀ କେଜ୍ରିୱାଲ ଆହୁରି କହିଛନ୍ତି କି, ଦିଲ୍ଲୀର ମା’ ଭଉଣୀମାନେ ଭାବୁଥିବେ ମୁଁ ଜେଲ୍ରେ ରହିବା ଫଳରେ ସେମାନଙ୍କୁ ମିଳୁଥିବା ୧୦୦୦ଟଙ୍କା ଆଉ ମିଳିବ ନାହିଁ ବୋଲି । ସେ କହିଛନ୍ତି ଆଜିଯାଏ ଏପରି ବନ୍ଦୀ ଗୃହ ତିଆରି ହୋଇନାହିଁ ଯାହା ଆପଣମାନଙ୍କ ଭାଇ ଓ ପୁଅକୁ ଜେଲ୍ ଭିତରେ କଏଦ କରି ରଖିଦେବ । ମୁଁ ଖୁବ୍ ଶୀଘ୍ର ବାହାରକୁ ଆସିବି ଓ ମୋ ପ୍ରତିଶ୍ରୁତି ପୂରଣ କରିବି । ଆପଣଙ୍କ ଭାଇ ଓ ପୁଅ ଲୁହାରେ ତିଆରି । ଆପଣ ସମସ୍ତଙ୍କୁ ମୋର ବିନତୀ ମନ୍ଦିର ଯାଇ ଭଗବାନଙ୍କୁ ମୋ ପାଇଁ ଆଶୀର୍ବାଦ ମାଗନ୍ତୁ ।
