ସାମ୍ନାକୁ ଆସିଲା ରାମ ମନ୍ଦିର ନିର୍ମାଣର ଫଟୋ ; ଜାଣନ୍ତୁ କେତେ ପ୍ରସ୍ତୁତ ହେଲାଣି ମନ୍ଦିର
ରାମଙ୍କ ନଗରୀ ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି । ମନ୍ଦିର ବର୍ତ୍ତମାନ ଆକାର ନେବା ଆରମ୍ଭ କରିଛି । ରାମ ମନ୍ଦିର ନିର୍ମାଣର ଉଚ୍ଚତା ଦିନକୁ ଦିନ ବଢୁଥିବାର ଆଉ ଏକ ନୂଆ ଫଟୋ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ ଜାରି କରିଛନ୍ତି । ବର୍ତ୍ତମାନ ରାମ ମନ୍ଦିର ନିର୍ମାଣରେ ସ୍ତମ୍ଭ ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ରାମ ମନ୍ଦିରର ପ୍ରଥମ ମହଲାରେ ୧୬୬ ସ୍ତମ୍ଭ ସ୍ଥାପନ କରାଯିବ । ଏହି ସ୍ତମ୍ଭଗୁଡ଼ିକ ୨୦-୨୦ ଫୁଟ ଉଚ୍ଚ ରହିବ । ଗର୍ଭଗୃହ ସମେତ ସମଗ୍ର ତଳ ମହଲାରେ ଛାତ ପଡ଼ିବ ।
ସୂଚନା ଅନୁଯାୟୀ, ଡିସେମ୍ବର ୨୦୨୩ ସୁଦ୍ଧା ପ୍ରଭୁ ଶ୍ରୀରାମଙ୍କ ମନ୍ଦିରର ତଳ ମହଲା ନିର୍ମାଣ କାର୍ଯ୍ୟ ଶେଷ ହେବ । ଡିସେମ୍ବର ୬ ତାରିଖ ଦିନ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟଙ୍କ ଦ୍ୱାରା ଫଟୋଟି ଜାରି ହୋଇଛି । ରାମ ମନ୍ଦିରର ଭବ୍ୟତା ଏବଂ ନିର୍ମାଣ କାର୍ଯ୍ୟ ବିଷୟରେ ଟ୍ରଷ୍ଟ ଦ୍ୱାରା ସମୟ ସମୟରେ ଫଟୋ ଏବଂ ଭିଡିଓ ଜାରି କରାଯାଇଥାଏ । ସେଥିରେ ନିର୍ମାଣ କେଉଁ ପର୍ଯ୍ୟାୟରେ ପହଞ୍ଚିଛି ତାହା କୁହାଯାଇଛି ।
ରାମ ମନ୍ଦିରର ଭବ୍ୟତା ପାଇଁ ଏହାର ଚାରିପାଖରେ ପାଚେରୀ ମଧ୍ୟ ନିର୍ମାଣ କରାଯିବ । ଟ୍ରଷ୍ଟ ଅନୁଯାୟୀ ଏହି ପାଚେରୀ ୧୪ ଫୁଟ ଚଉଡା ହେବ । ଏହା ସହିତ ଏହା ଚାରୋଟି ଦିଗରେ ଆୟତାକାର ହେବ ଯାହା ଦ୍ୱାରା ଶ୍ରୀରାମଙ୍କ ଭକ୍ତମାନେ ସହଜରେ ବୁଲାବୁଲି କରିପାରିବେ । ଏହି ପାଚେରୀ ଚାରୋଟି କୋଣରେ ମନ୍ଦିର ନିର୍ମାଣ କରିବାକୁ ମଧ୍ୟ ପ୍ରସ୍ତାବ ଦିଆଯାଇଛି । ପ୍ରଭୁ ଶ୍ରୀରାମଙ୍କ ସହ ଜଡିତ ଫୋଟ ଗୁଡ଼ିକ ମଧ୍ୟ ଏହି ପାଚେରୀର କାନ୍ଥରେ ପ୍ରଦର୍ଶିତ ହେବ । କାନ୍ଥର ମୋଟ ଲମ୍ବ ୮୦୦ ମିଟର ହେବ । ପାଚେରୀ କାନ୍ଥରେ ପ୍ରାୟ ୧୫୦ ଚିତ୍ର ତିଆରି ହେବ ।
ତେବେ ରାମ ମନ୍ଦିର ନିର୍ମାଣକୁ ନେଇ ସାରା ଦେଶରେ ଭକ୍ତଙ୍କ ମଧ୍ୟରେ କୌତୁହଳ ରହିଛି । ସମସ୍ତେ ଜାଣିବାକୁ ଚାହାଁନ୍ତି ଯେ ଶ୍ରରାମଙ୍କ ମନ୍ଦିର କେତେ ନିର୍ମିତ ହୋଇଛି ଏବଂ ଏହା କେବେ ଶେଷ ହେବ । ରାଜସ୍ଥାନର ପ୍ରସିଦ୍ଧ ପଥରଗୁଡିକ ମଧ୍ୟ ରାମ ମନ୍ଦିର ନିର୍ମାଣରେ ବ୍ୟବହୃତ ହେଉଛି । ରାଜସ୍ଥାନରେ ମନ୍ଦିର ନିର୍ମାଣ ସହ ଜଡିତ ଅନେକ କାର୍ଯ୍ୟ କରାଯାଇଛି । ରାଜସ୍ଥାନରେ ମନ୍ଦିରରେ ସ୍ଥାପନ ହେବାକୁ ଥିବା ଅନେକ ସ୍ତମ୍ଭ ନିର୍ମାଣ କରାଯାଇଛି । ରାମ ମନ୍ଦିରକୁ ମହାନ କରିବା ପାଇଁ ସମସ୍ତ ପ୍ରୟାସ ମଧ୍ୟ କରାଯାଉଛି । ଏହାର ଉତ୍ପାଦନ ପ୍ରକ୍ରିୟାରେ ଅତ୍ୟାଧୁନିକ ଜ୍ଞାନ କୌଶଳ ବ୍ୟବହାର କରାଯାଉଛି ।
