ହଟିଲା ଅନ୍ଧାର: ପଳାଶୁଣି ଛକରୁ ଲିଙ୍ଗିପୁର ଛକ ଆଲୋକୀକରଣ
ଭୁବନେଶ୍ୱର,୩ ।୨(ଓଡିଶା ଭାସ୍କର): କଟକ -ପୁରୀ ବାଇପାସ୍ ରାସ୍ତାରୁ ହଟିଲା ଅନ୍ଧାର । ପଳାଶୁଣି ଛକରୁ ଲିଙ୍ଗିପୁର ଛକ ଯାଏ ୧୨ କିମି ରାସ୍ତାରୁ ଅନ୍ଧାର ହଟିଛି । ଏହି ଆଲୋକୀକରଣ ବ୍ୟବସ୍ଥାର ଆଜି ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୨ କିମି ରାସ୍ତାର ୩୮୭ଟି ବତିଖୁଣ୍ଟରେ ୭୭୪ଟି ଏଲଇଡି ଷ୍ଟ୍ରିଟ ଲାଇଟ୍ ଲାଗିଛି । ଏହା ସହିତ ୩ଟି ପ୍ରମୁଖ ଛକରେ ହାଇମାଷ୍ଟ ଆଲୋକୀକରଣ ବ୍ୟବସ୍ଥା ହୋଇଛି । ହାଇଟେକ, କେଶୁରା, ସାଇ ମନ୍ଦିର ଓ ଲିଙ୍ଗିପୁର ଛକରେ ହାଇମାଷ୍ଟ ଲାଇଟ ଲାଗିଛି ।
୭ ଟ୍ରାନ୍ସଫର୍ମର ବିଶିଷ୍ଟ ପ୍ରକଳ୍ପରେ ମୋଟ୍ ୨.୮୫ କୋଟି ଟଙ୍କା ଖର୍ଚ୍ଚ ହୋଇଛି । ଆଲୋକୀକରଣ ବ୍ୟବସ୍ଥା ଦ୍ଵାରା ଏକାମ୍ର, ମଧ୍ୟ, ଉତ୍ତର ଓ ଜୟଦେବ ଭୁବନେଶ୍ୱର ବାସିନ୍ଦା ଉପକୃତ ହେବେ । ବିଦ୍ୟୁତ ନିୟନ୍ତ୍ରଣ ପାଇଁ ୪ଟି ଟ୍ରାନ୍ସଫର୍ମର ବ୍ୟବସ୍ଥା କରାଯାଇଛି । ୨୦୧୭ ମସିହାରେ ଏହି ପ୍ରକଳ୍ପକୁ ମଞ୍ଜୁରୀ ମିଳିଥିଲା ।
