(Video) ରାସ୍ତା ଉପରେ ଶୋଇ ଆରାମ କଲେ ସିଂହ, ପର୍ଯ୍ୟଟକ ହେଲେ ହଟହଟା, ଦେଖନ୍ତୁ ଭାଇରାଲ ଭିଡିଓ…
ଜଙ୍ଗଲ ସଫାରୀରେ ଯିବାକୁ ଅନେକ ଲୋକ ଭୟ କରିଥାନ୍ତି କାରଣ ସଫାରୀରେ ହୁଏତ ବାଘ ହେଉ କି ସିଂହ ପାଖକୁ ଆସିବାର ଭୟ ରହିଥାଏ । କିନ୍ତୁ ଯଦି ସାମ୍ନାରେ ୩-୩ ଟି ସିଂହ ଆସିଯାଆନ୍ତି ତା’ହେଲେ ତ’ କଥା ସରିଲା । କିଛି ଏଭଳି ଘଟଣା ଦେଖିବାକୁ ମିଳିଛି ତାଞ୍ଜାନିଆର ସଫାରୀରେ । ଯେତେବେଳେ ସେମାନଙ୍କ ରାସ୍ତାକୁ ୩ ଟି ସିଂହ ବନ୍ଦ କରିଦେଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସଫାରୀରେ ଯାଇଥିବା ଲୋକେ ସବୁବେଳେ ଏହାକୁ ନେଇ ଉତ୍ସାହିତ ଥା’ନ୍ତି ଯେ ତାଙ୍କୁ ଏହି ହିଂସ୍ର ଜନ୍ତୁ ଦେଖିବାକୁ ମିଳୁ । ଆଉ ତାଞ୍ଜାନିଆରର ସଫାରୀକୁ ବୁଲିବାକୁ ଯାଇଥିବା ପର୍ଯ୍ୟଟକ ହୁଏତ ବହୁତ୍ ଭାଗ୍ୟଶାଳୀ ଯେ ସେମାନଙ୍କୁ ଏକାସାଙ୍ଗରେ ୩-୩ ଟି ସିଂହ ଦେଖିବାକୁ ମିଳିଥିଲା, ସବୁଠୁ ମଜାଦାର କଥା ହେଉଛି ତିନିଟି ଯାକ ସିଂହ ପୂରା ଆରାମ ମୁଡ୍ ରେ ରହିଥିଲେ । ଆଉ ସେମାନେ ପର୍ଯ୍ୟଟକଙ୍କୁ ଆଗକୁ ଯିବାକୁ ଦେଇନଥିଲେ । ଯାହାକୁ ଦେଖିବା ଛଡ଼ା ପର୍ଯ୍ୟଟକଙ୍କ ପାଖରେ ଆଉ କୌଣସି ଚାରା ନଥିଲା ।
ଭାଇରାଲ ହେଉଥିବା ଭିଡିଓରେ ଆପଣ ଦେଖିପାରୁଥିବେ କିପରି ସିଂହ ତିନିଟି ପୂରା ଆରାମ ମୁଡ ରେ ଅଛନ୍ତି, ଆଉ ରାସ୍ତା ଉପରେ ଆରାମରେ ଶୋଇ ମଜାନେଉଛନ୍ତି । କିନ୍ତୁ ପଛକୁ ପଛ ପର୍ଯ୍ୟଟକ ବସିଥିବା ସଫାରୀ ଗାଡ଼ି ଲାଇନ ଲାଗିଲାଣି । ସିଂହମାନେ ସେମାନଙ୍କୁ ରାସ୍ତା ହିଁ ଛାଡ଼ୁନାହାଁନ୍ତି । ଲୋକମାନେ ଏହାକୁ ଦେଖି ଖୁସି ହେବା ସହ ଭୟ ମଧ୍ୟ କରିଥିଲେ । ଆଉ କ’ଣ କରିବେ ଭାବି ଗାଡ଼ିରେ ବସିରହିଥିଲେ । ଆଉ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Roadblock in Tanzania.. pic.twitter.com/2XUbGLSKha
— Buitengebieden (@buitengebieden) May 8, 2022
