ଭାଇରାଲ ହେଉଛି କୁନି ଆଲିଆଙ୍କ ଭିଡିଓ: ଗଙ୍ଗୁବାଇ ଲୁକରେ ଜବରଦସ୍ତ ଏକ୍ସପ୍ରେସନ ଦେଉଛନ୍ତି କୁନି କୁନି ଝିଅ
ମୁମ୍ବାଇ: ଆସନ୍ତା ୨୫ ଫେବୃୟାରୀରେ ରିଲିଜ ହେବାକୁ ଯାଉଛି ଆଲିଆ ଭଟ୍ଟଙ୍କ ନୂଆ ଚଳଚ୍ଚିତ୍ର ‘ଗଙ୍ଗୁବାଇ କାଠିଆୱାଡି’ । ଗୋଟିଏ ପାଶ୍ୱର୍ରେ ଫିଲ୍ମର ପ୍ରମୋସନକୁ ନେଇ ସମସ୍ତେ ବ୍ୟସ୍ତ ଥିବା ବେଳେ ଏହାର ଡାଏଲଗରେ ସୋଶଲ ମିଡିଆରେ ଭାଇରାଲ ହେଉଛି ଗୋଟିଏ ପରେ ଗୋଟିଏ ରିଲ । ଛୋଟ ଛୋଟ ପିଲା ଆଲିଆଙ୍କ ଚରିତ୍ରରେ ଅଭିନୟ କରି ଖୁବ ପ୍ରଶଂସା ସାଉଣ୍ଟି ଚାଲିଛନ୍ତି । ଆଲିଆଙ୍କ ଚରିତ୍ରକୁ ଅବିକଳ କରିବାରେ କୌଣସି ଗୁଣରେ ବି କମ କରି ନାହାନ୍ତି ଏହି ଛୋଟ ଛୋଟ ପିଲା । ଧଳା ଶାଢୀ ସାଙ୍ଗକୁ ଲମ୍ବା ଚୁଟି ରଖି ଆଲିଆଙ୍କ ଡାଇଲଗରେ ସମସ୍ତଙ୍କୁ ଚମକାଇ ଦେଇଛନ୍ତି କିୁନି ପିଲା ।
https://www.instagram.com/reel/CZ4pxmwJEWv/?utm_source=ig_web_copy_link
ଗଙ୍ଗୁବାଇ ଲୁକରେ କିଆରା ଖାନ୍ନା ନାମକ ଜଣେ କୁନି ଝିଅ ସହିତ ଆଉ ଏକ କୁନି ଟାଲେଣ୍ଟ ସୋଶଲ ମିଡିଆରେ ପୋଷ୍ଟ କରିଛନ୍ତି ତାଙ୍କ ମା । ଫିଲ୍ମର ଟ୍ରେଲର ଦେଖାଯାଇଥିବା ସିନକୁ ଅବିକଳ କପି କରି ନେଇଥିବା ଦେଖିବାକୁ ମିଳିଛି । ଆଲିଆଭ୍କ ଲୁକ ସହିତ ସେମାନଙ୍କର ଏକ୍ସପ୍ରେସନରେ ସମସ୍ତଙ୍କୁ ଦିୱାନା ବନାଇ ସାରିଛନ୍ତି । ଭିଡିଓଟିକୁ ବହୁତ ଲୋକ ପସନ୍ଦ କରୁଥିବା ବେଳେ ନିଜେ ଆଲିଆ ମଧ୍ୟ ଦେଖିଲେ ପ୍ରଶଂସା ନ କରି ରହି ପାରିବେନି ବୋଲି କୁହାଯାଉଛି ।
https://www.instagram.com/reel/CZutISjhy06/?utm_source=ig_web_copy_link
ତେବେ ଏହା ଭିତରେ ଆସି ଯାଇଛି ଫିଲ୍ମର ରିଲିଜ ତାରିଖ । କରୋନା କଟକଣା ପାଇଁ ଫିଲ୍ମର ରିଲିଜ ତାରିଖ ଘୁଞ୍ଚାଇ ଦେଇଥିଳେ ନିର୍ଦ୍ଦେଶକ ସଞ୍ଜୟ ଲୀଳା ବଂଶାଲୀ । ବାସ୍ତବିକ ଘଟଣା ଉପରେ ଆଧାରିତ ଏହି ଚଳଚ୍ଚିତ୍ର ବକ୍ସ ଅଫିସରେ ଖୁବ ଧୂମ ମଚାଇବ ବୋଲି ଆଶା କରାଯାଉଛି ।
