(Video) ଘର କାନ୍ଥରେ ଉଭା ହେଲେ କାଳିଆ ସାଆନ୍ତ, ଖୁସିରେ ଆତ୍ମହରା ହେଲା ଭକ୍ତ

ଘର କାନ୍ଥରେ ଉଭା ହେଲେ କୋଟି କୋଟି ଓଡ଼ିଆଙ୍କ ମଉଡ଼ମଣି ପ୍ରଭୁ ଶ୍ରୀ ଜଗନ୍ନାଥ… ଭକ୍ତଙ୍କୁ ଦେଲେ ଦର୍ଶନ… ଆଉ ଭଗବାନଙ୍କୁ ନିଜ ଘରେ ପାଇ କୋଉ ଭକ୍ତ ଅବା ଖୁସି ନହେବ । ଘଣ୍ଟଘଣ୍ଟି, ପୂଜାର୍ଚ୍ଚନା ସହ ଭାବବିହ୍ୱଳିତ ପରିବେଶ ମଧ୍ୟରେ ଶୁଭୁଛୁ ଜୟ ଜଗନ୍ନାଥ ଧ୍ୱନି । ଆଖିରେ ଦେଖି ବି ସହଜେ ବିଶ୍ୱାସ କରିପାରୁନଥିଲେ କେହି, ଏଭଳି ଏକ ଅବାସ୍ତବ ପୂର୍ଣ୍ଣ ପ୍ରଭୁଙ୍କ ଲୀଳାକୁ । ସମସ୍ତଙ୍କ ମନ ଆଜି ନାଚି ଉଠୁଛି, ମହାପ୍ରଭୁ ଆସିଛନ୍ତି ।

ଭକ୍ତ ଭାବରେ ବନ୍ଧା ଭାବ ବିନୋଦିଆ ଠାକୁର ସବୁବେଳେ ଭକ୍ତ ପାଇଁ ବ୍ୟାକୁଳ ଥାଆନ୍ତି । ଭାବ ଭକ୍ତି ଶ୍ରଦ୍ଧାରେ ଯିଏ ତାଙ୍କୁ ଥରୁଟିଏ ଡାକିଥାଏ, ଦୌଡୁ ଆସିଥାନ୍ତି ପ୍ରଭୁ । କାହଁକି ନା ସେ ପରା ଭକ୍ତ ରଙ୍କା । ଯୁଗ ଯୁଗରୁ ଭକ୍ତ ତାଙ୍କର ପ୍ରାଣ । ଭକ୍ତଙ୍କ ପାଇଁ ମାନି ନଥାନ୍ତି କିଛି ବିଧାନ । ଆଉ ଏବେ ପୁଣି ଥରେ ମଉଡମଣି ଏମିତି ଘରର କାନ୍ଥରେ ଆବିର୍ଭୁତ ହୋଇଛନ୍ତି । ପ୍ରଭୁ ସବୁବେଳେ ବିଭିନ୍ନ ରୂପରେ ଭକ୍ତଙ୍କୁ ଦେଖାଦେଇଥାନ୍ତି । ଦେଖିନ୍ତୁ କିପରି କାନ୍ଥରେ ଦର୍ଶନ ଦେଲେ ଜଗତର ନାଥ ପ୍ରଭୁ ଜଗନ୍ନାଥ ।

ଏଭଳି ଏକ ଚମକ୍ରାର ପୂର୍ଣ୍ଣ ଦୃଶ୍ୟ ଦେଖିବାକୁ ମିଳିଥିଲା, ଖୋର୍ଦ୍ଧା ବଣିଆଟାଙ୍ଗି ଗାଁର ନାରାୟଣ ସାହୁଙ୍କ ଘରେ । ଘରର କାନ୍ଥରେ ସ୍ୱୟଂ କାଳିଆ ସାଆନ୍ତ ଆର୍ବିଭାବ ହୋଇଛନ୍ତି । ନାରାୟଣ ସାହୁଙ୍କ ଘରେ ପିଲାମାନେ ପାଠ ପଢୁଥିବା ସମୟରେ ହଠାତ ତାଙ୍କ ଝିଅ ଦେଖିବାକୁ ପାଇଥିଲେ କାଳିଆ ଠାକୁରଙ୍କର ସେହି ଅପରୂପ । ଠାକୁର ତାଙ୍କ ଘରେ ଆର୍ବିଭାବ ହୋଇଗଲେ ଓ ଦର୍ଶନ ଦେଲେ ଘଟଣା ଜାଣିବା ପରେ ପାଖ ସାହିପଡିଶା ଲୋକମାନେ ଆସି ମଧ୍ୟ ଏହି ରୁପକୁ ଦର୍ଶନ କରୁଛନ୍ତି । ଏହି କଥା ଏବେ ଉକ୍ତ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି  । ଦେଖନ୍ତୁ ଭିଡିଓ…