LPG ଗ୍ୟାସ ସିଲିଣ୍ଡର ବ୍ୟବହାର କରୁଥିବା ଲୋକଙ୍କ ପାଇଁ ଖୁସିଖବର: ମୋବାଇଲରୁ ତୁରନ୍ତ ମିଳିବ ଏହି ସୁବିଧା
ନୂଆଦିଲ୍ଲୀ: ଏବେ ରୋଷେଇ ପାେଇଁ ସମସ୍ତ ଘରେ ଏଲପିଜି ଗ୍ୟାସର ବ୍ୟବହାର କରାଯାଉଛି । କେଉଁଠାରେ ଏଲପିଜି ଗ୍ୟାସ୍ ସିଲିଣ୍ଡରର ବ୍ୟବହାର କରାଯାଉଛି ତ’ ଆଉ କେଉଁଠାରେ ଏଲପିଜି ଗ୍ୟାସ ପାଇପଲାଇନ୍ ମାଧ୍ୟମରେ ଘରଗୁଡ଼ିକୁ ଗ୍ୟାସ୍ ପଠାଯାଉଛି । ଏହାରି ମଧ୍ୟରେ ଗ୍ୟାସ୍ ସିଲିଣ୍ଡର ବ୍ୟବହାର କରୁଥିବା ଲୋକଙ୍କ ପାଇଁ ଆସିଛି ଏକ ଖୁସିଖବର । ଏହା ସହ ଏଥିରେ ଲୋକଙ୍କୁ ଅନେକ ସୁବିଧା ମଧ୍ୟ ମିଳୁଛି । ଏହା ସହିତ ଏହା ଚୋରି ସହ ଜଡିତ ଘଟଣାକୁ ରୋକିବାରେ ମଧ୍ୟ ସାହାଯ୍ୟ ମିଳିପାରେ ।
QR କୋଡ୍:-
ନିକଟରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହାର୍ଦ୍ଦିକ ସିଂ ପୁରୀ କହିଛନ୍ତି ଯେ, ତରଳ ପେଟ୍ରୋଲିୟମ ଗ୍ୟାସ (ଏଲପିଜି) ସିଲିଣ୍ଡର ଖୁବ୍ ଶୀଘ୍ର QR କୋଡ୍ ସହିତ ଆସିବ, ଯାହା ଘରୋଇ ସିଲିଣ୍ଡର ନିୟନ୍ତ୍ରଣ କରିବାରେ ସହାୟକ ହେବ । କୋଡ୍-ଆଧାରିତ ଟ୍ରାକ୍ ଏବଂ ଟ୍ରେସ୍ କରିବା ପଦକ୍ଷେପ ଦ୍ୱାରା ଚୋରି ସମସ୍ୟାଗୁଡିକର ସମାଧାନ ହେବ ଓ ଏହା ସିଲିଣ୍ଡରର ଉନ୍ନତ ଭଣ୍ଡାର ପରିଚାଳନାକୁ ନିଶ୍ଚିତ କରିବ ।
QR କ’ଣ?
ତେବେ QR କୋଡ୍ ହେଉଛି ଏକ ଡିଜିଟାଲ୍ ସମାଧାନ । ଏଗୁଡ଼ିକ ହେଉଛି ମେସିନ୍-ପଠନୀୟ ଅପ୍ଟିକାଲ୍ ଲେବଲ୍ ଯାହା ବସ୍ତୁ ସହିତ ସଂଲଗ୍ନ ହୋଇଛି । ଏପରି ପରିସ୍ଥିତିରେ, ସିଲିଣ୍ଡର ସମ୍ବନ୍ଧୀୟ ସମସ୍ତ ସୂଚନା QR ସ୍କାନ କରି ମିଳିପାରିବ । ଏଭଳି ପରିସ୍ଥିତିରେ ଯେକୌଣସି ଠକେଇକୁ ମଧ୍ୟ ଏଡାଯାଇପାରିବ । ଆପଣଙ୍କ ମୋବାଇଲ୍ ସାହାଯ୍ୟରେ QR କୋଡ୍ ସ୍କାନ୍ କରାଯାଇପାରିବ ଏବଂ ସୂଚନା ତୁରନ୍ତ ମିଳିପାରିବ ।