ବିଦ୍ୟୁତ ତାରରେ ଲାଗି ଛଟପଟ ହେଉଥିଲା ଗୋଟିଏ ଗାଈ, ଯୁବକଙ୍କ ଉପସ୍ଥିତି ବୁଦ୍ଧି ଯୋଗୁଁ ବଞ୍ଚିଗଲା ଗୋଟିଏ ଜୀବନ, ଦେଖନ୍ତୁ Video
ନୂଆଦିଲ୍ଲୀ: ଆଜିକାଲି ଅନେକ ଘଟଣା ସୋସିଆଲ ମିଡ଼ିଆରେ ଭାଇରାଲ ହେଉଛି । ତେବେ ଗୋଟିଏ ଗାଈକୁ ମୃତ୍ୟୁମୁଖରୁ ବଞ୍ଚାଇଛନ୍ତି ଜଣେ ସାହସୀ ଯୁବକ । ଏଥିପାଇଁ ସମସ୍ତେ ଉକ୍ତ ଯୁବକୀଙ୍କୁ ପ୍ରଶଂସା କରୁଛନ୍ତି । ଯୁବକଙ୍କ ଉପସ୍ଥିତି ବୁଦ୍ଧି ଯୋଗୁଁ ଆଜି ଗୋଟିଏ ଗାଈର ଜୀବନ ବଞ୍ଚି ପାରିଛି । ଏହି ଘଟଣାର ଭିଡିଓ ଟ୍ୱିଟରରେ ଶେୟାର କରାଯାଇଛି ।
ଭିଡିଓରେ ଦେଖାଯାଉଛି, ଏକ ଜଳମଗ୍ନ ରାସ୍ତାକଡ଼ରେ ଗାଈଟିଏ ଯାଉଥିଲା । ହଠାତ୍ ଗାଈଟି ଏକ ବିଦ୍ୟୁତ ଖୁଣ୍ଟରେ ହଠାତ୍ ଲାଗିଯାଇ ତଳେ ପଡ଼ିଯାଇଥିଲା । ଗାଈଟି ଦେହରେ ଏତେମାତ୍ରାରେ ବିଦ୍ୟୁତ କରେଣ୍ଟ ଲାଗିଥିଲା ଯେ ସେ ତଳେ ପଡ଼ି ଖାଲି ଛଟପଟ ହେବାରେ ଲାଗିଥିଲା ।
ତେବେ ଏହି ସମୟରେ ଜଣେ ଯୁବକ ନିଜର ଜୀବନକୁ ଭୟ ନକରି ଉପସ୍ଥିତି ବୁଦ୍ଧି ପ୍ରୟୋଗ କରିଥିଲେ । ସେ ଏକ ଶୁଖିଲା କପଡ଼ାରେ ତଳେ ପଡ଼ିଥିବା ଗାଈର ଗୋଡ଼କୁ ଧରି ଭିଡ଼ିବାରେ ଲାଗିଥିଲେ । ଏହି ସମୟରେ ଆଉ କିଛି ଲୋକ ଉକ୍ତ ଯୁବକଙ୍କୁ ମଧ୍ୟ ସହାୟତା କରିଥିଲେ ।
ଶେଷରେ ସମସ୍ତଙ୍କର ଉଦ୍ୟମ ସଫଳ ହୋଇଥିଲା ଓ ଗାଈଟି ବିଦ୍ୟୁତ କରେଣ୍ଟରୁ ମୁକ୍ତି ପାଇଥିଲା । ଏହାପରେ ଗାଈଟି ସୁସ୍ଥ ହୋଇ ଚଲାବୁଲା କରୁଥିବାର ଦେଖାଯାଇଥିଲା । ତେବେ ରାସ୍ତା ସାରା ପାଣି ଭର୍ତ୍ତି ହୋଇଥିବାରୁ ବିଦ୍ୟୁତ ସଂଯୋଗ ହେବାର ଆଶଙ୍କା ରହିଥିଲା । ମାତ୍ର ଏହାକୁ ତିଳେମାତ୍ର ଖାତିର ନକରି ଗାଈକୁ ରକ୍ଷା କରିବାକୁ ଆଗେଇ ଆସିଥିବା ଯୁବକଙ୍କୁ ଏବେ ସମସ୍ତେ ପ୍ରଶଂସା କରୁଥିବାର ଦେଖାଯାଉଛି ।
VIDEO: मानसा में एक गाय को बिजली के पोल से करंट लग गया और वो तड़पने लग गई, तब ही एक दुकानदानर कपड़े से गाय को खींच लेता है जिससे गाय की जान बच जाती है. pic.twitter.com/HTidDNDFI1
— Sandeep Panwar (@tweet_sandeep) July 2, 2022
