ମୋଦୀଙ୍କୁ ମନମୋହନଙ୍କ ଚିଠି, ପଢନ୍ତୁ ପୁରା ଖବର
ନୂଆଦିଲ୍ଲୀ, ୧୮ା୪ (ଓଡିଶା ଭାସ୍କର) : ବିଶ୍ୱରେ କରୋନା ମହାମାରୀ ସଂକ୍ରମଣ ଦ୍ରୁତ ଗତିରେ ବଢ଼ିବାରେ ଲାଗିଛି । ପ୍ରତିଦିନ ରେକର୍ଡ ସଂଖ୍ୟକ କରୋନା ସଂକ୍ରମଣ ମାମଲା ସାମ୍ନାକୁ ଆସୁଥିବା ବେଳେ ମୃତ୍ୟୁ ସଂଖ୍ୟାରେ ରୋକ୍ ଲଗାଯାଇପାରୁନି । ତେଣୁ ପୂର୍ବତନ ପ୍ରଧାନ ମନ୍ତ୍ରୀ ମନମୋହନ ସିଂ ମଧ୍ୟ ଦେଶରେ କରୋନା ମହାମାରୀର ଅବସ୍ଥା ଏଭଳି ପରିସ୍ଥିତିର ସମୀକ୍ଷା କରି ଚିନ୍ତା ପ୍ରକଟ କରିଛନ୍ତି । ଏହା ସହିତ ସେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ଏକ ଚିଠି ଲେଖିଛନ୍ତି । ଏଥିରେ ସେ କରୋନା ସହିତ ଲଢ଼ିବା ପାଇଁ ଗୁରୁତ୍ୱପୂର୍ଣ୍ଣ ପରାମର୍ଶ ଦେଇଛନ୍ତି । ସେ କହିଛନ୍ତି ଯେ କରୋନା ସହ ମୁକାବିଲା କରିବା ପାଇଁ ଦେଶରେ କରୋନା ଟୀକାକରଣ ବୃଦ୍ଧି କରିବାର ଆବଶ୍ୟକତା ରହିଛି ।
ଏହି ଚିଠିରେ ଡକ୍ଟର ମନମୋହନ ସିଂ ପ୍ରଧାନ ମନ୍ତ୍ରୀ ମୋଦୀଙ୍କୁ ଲେଖିଛନ୍ତି ଯେ, ଆସନ୍ତା ଛଅ ମାସ ପାଇଁ ଟିକା ଉତ୍ପାଦନକାରୀ କମ୍ପାନୀକୁ କେତେ ଅର୍ଡର ଦିଆଯାଇଛି । ତାଙ୍କ କହିବାର ଅର୍ଥ ହେଉଛି ଯଦି ଆମେ ଆଗାମୀ ଛଅ ମାସ ମଧ୍ୟରେ ଏକ ନିର୍ଦ୍ଦିଷ୍ଟ ସଂଖ୍ୟକ ଲୋକଙ୍କୁ ଟିକାକରଣ କରିବୁ । ତେବେ ଆମକୁ ଯଥେଷ୍ଟ ମାତ୍ରାରେ ଟିକା ଅର୍ଡର କରିବାକୁ ପଡିବ । ଯାହାଫଳରେ ସେମାନେ ଆମ ପାଇଁ ଠିକ ସମୟରେ ଟିକା ଉପଲବ୍ଧ କରାଇପାରିବେ । ଏଥିସହିତ ସରକାର ପ୍ରକାଶ କରିବା ଉଚିତ୍ ଯେ, କରୋନା ଟିକାର ରାଜ୍ୟମାନଙ୍କୁ କେତେ ମାତ୍ରାରେ ସ୍ୱଚ୍ଛ ବଣ୍ଟନ କରାଯିବ ।
Former PM Dr Manmohan Singh writes PM Narendra Modi, "The key to our fight against COVID19 must be ramping up the vaccination effort. We must resist the temptation to look at the absolute numbers being vaccinated, and focus instead on the percentage of the population vaccinated" pic.twitter.com/OiDXnngIJ8
— ANI (@ANI) April 18, 2021
ମନମୋହନ ସିଂ ଆହୁରି ମଧ୍ୟ କହିଛନ୍ତି ଯେ, କେତେ ଲୋକଙ୍କୁ ଟୀକାକରଣ କରାଯାଇଛି ତାହା ଦେଖିବା ପରିବର୍ତ୍ତେ କେତେ ପ୍ରତିଶତ ଜନସଂଖ୍ୟା ଟୀକାକରଣ କରାଯାଇଛି ସେଥିପ୍ରତି ଧ୍ୟାନ ଦେବା ଉଚିତ୍ । ସେ କହିଛନ୍ତି ଯେ ସରକାରଙ୍କୁ ଫ୍ରଣ୍ଟଲାଇନ କର୍ମଚାରୀଙ୍କ ବର୍ଗ ଠିକ୍ କରିବାକୁ ସରକାର ଅନୁମତି ଦିଆଯାଉ । ଯାହାଦ୍ୱାରା ଅତ୍ୟାବଶ୍ୟକ ସେବାରେ ନିୟୋଜିତ ସେହି ଫ୍ରଣ୍ଟଲାଇନ କର୍ମଚାରୀମାନଙ୍କୁ ମଧ୍ୟ ଟୀକାକରଣ କରାଯାଇପାରିବ । ଯେଉଁମାନେ ୪୫ ବର୍ଷରୁ କମ୍ ଓ ରାଜ୍ୟ ସରକାରଙ୍କ ଦ୍ୱାରା ଫ୍ରଣ୍ଟଲାଇନ କର୍ମଚାରୀଙ୍କ ବର୍ଗରେ ସ୍ଥାନିତ ହୋଇଛନ୍ତି ସେମାନଙ୍କ ଟିକାକରଣ ପ୍ରତି ମଧ୍ୟ ଗୁରୁତ୍ୱାରୋପ କରିବାକୁ ପଡିବ ।
ଭାରତ ବିଶ୍ୱର ସବୁଠାରୁ ବଡ ଟିକା ଉତ୍ପାଦନକାରୀ ଭାବରେ ଉଭା ହୋଇଛି । ମୁଁ ଏହାକୁ ପ୍ରଶଂସା କରିବି ଟିକା ଉତ୍ପାଦନକାରୀ କମ୍ପାନୀମାନଙ୍କୁ ସରକାର ଆବଶ୍ୟକ ପାଣ୍ଠି ଓ ଅନ୍ୟାନ୍ୟ ସହାୟତା ଯୋଗାଇବା ଉଚିତ୍ ଯାହାଦ୍ୱାରା ଟିକା ଉତ୍ପାଦନ ବହୁ ସଂଖ୍ୟାରେ ଚାଲିବ । ସେ କହିଛନ୍ତି ଯେ ଏହି ସମୟରେ ଆଇନ ଆବଶ୍ୟକୀୟ ଲାଇସେନ୍ସ ବ୍ୟବସ୍ଥା ଆଣିବା ଉଚିତ ଯାହା ଦ୍ୱାରା ଅଧିକରୁ ଅଧିକ କମ୍ପାନୀ ଲାଇସେନ୍ସ ଅଧୀନରେ ଟିକା ଉତ୍ପାଦନ କରିପାରିବେ ବୋଲି ସେ ଚିଠିରେ କହିଛନ୍ତି ।
ମନମୋହନ ସିଂ ଶେଷ ପରାମର୍ଶରେ କହିଛନ୍ତି, “ବର୍ତ୍ତମାନ ଦେଶରେ ଟିକା ଯୋଗାଣ ସୀମିତ ଅଛି । ଏପରି ପରିସ୍ଥିତିରେ ଯଦି କୌଣସି ଟିକା ବିଶ୍ୱର କୌଣସି ନିର୍ଭରଯୋଗ୍ୟ ପ୍ରାଧିକରଣ ଦ୍ୱାରା ଅନୁମୋଦିତ ହୁଏ । ତେବେ ଆମେ ମଧ୍ୟ ଏହାକୁ ଆମଦାନୀ କରିବା ଉଚିତ୍ । ଭାରତରେ ବିନା ପରୀକ୍ଷଣରେ ଆମେ ଏହା କରିପାରିବା । ଏହି ସମୟରେ ଭାରତରେ ଜରୁରୀକାଳୀନ ପରିସ୍ଥିତି ଦେଖାଦେଇଛି ” ।
