ଏଭରେଷ୍ଟ ଶିଖର ଛୁଇଁଲା କରୋନା, ଅନେକ ପର୍ବତାରୋହୀ କରୋନା ସଂକ୍ରମିତ
ନୂଆଦିଲ୍ଲୀ, ୭/୫(ଓଡିଶା ଭାସ୍କର) : ମହାମାରୀ କରୋନା ସାରା ଦୁନିଆରେ କାୟା ମେଲାଇଛି । ବିଶ୍ୱର କୋଣ ଅନୁକୋଣରେ ବ୍ୟାପିଛି ଏହି ଘାତକ ମହାମାରୀ । ବର୍ତ୍ତମାନ ଦୁନିଆର ସର୍ବୋଚ୍ଚ ଶିଖରରେ ମଧ୍ୟ ପହଞ୍ଚିଯାଇଛି କରୋନା । ବିଭିନ୍ନ ପର୍ବତାରୋହୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହି ଭୂତାଣୁ ପୃଥିବୀର ସପ୍ତମ ସର୍ବୋଚ୍ଚ ଶିଖର – ଧାଉଲାଗିରି – ଏଭରେଷ୍ଟର ୩୪୫ କିଲୋମିଟର ୨୧୪ ମାଇଲ ଅତିକ୍ରମ କରି ପଶ୍ଚିମ ପର୍ବତାରୋହୀଙ୍କ ନିକଟରେ ବ୍ୟାପିଯାଇଛି । ଏନେଇ ଟୁର୍ ଅପରେଟର ସେଭେନ୍ ସମିଟ୍ ଟ୍ରେକ୍ ମିଙ୍ଗମା ଶେର୍ପାଙ୍କ ଅଧ୍ୟକ୍ଷ ସୁଚନା ଦେଇଛନ୍ତି । ତେବେ ସେଠାରେ ୭ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ନେପାଳ ସରକାର ଏହାକୁ ଲୁଚାଇଥିବା କୁହାଯାଇଥିଲା । ଏହି ପରିପ୍ରେକ୍ଷୀରେ ନେପାଳ ପର୍ବତାରୋହୀ ଆସୋସିଏସନ୍ ପକ୍ଷରୁ କୁହାଯାଇଥିଲା ଯେ, ମାତ୍ର ୪ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।
ସୁଚନା ଅନୁସାରେ, ପାର୍ବତ୍ୟ ଶିବିରରୁ ଅତି କମରେ ୧୯ ଜଣଙ୍କୁ ସ୍ଥାନାନ୍ତର କରାଯାଇଥିବା ବେଳେ ସେମାନଙ୍କ ମଧ୍ୟରୁ ୭ଜଣ କରୋନା ପଜିଟିଭ୍ ବୋଲି ଜଣାପଡିଛି । ଅନ୍ୟ ୧୨ ଜଣଙ୍କଠାରେ କରୋନା ଲକ୍ଷଣ ଦେଖା ଦେଇଥିବାରୁ ସେମାନଙ୍କୁ ଏବେ ଅଲଗା ରଖାଯାଇ ଚିକିତ୍ସା କରାଯାଉଛି । ପୋଲାଣ୍ଡର ପର୍ବତାରୋହୀ ପାଭେଲ ମାଇକେଲସ୍କିଙ୍କ ଫେସବୁକ ପୋଷ୍ଟ ଅନୁଯାୟୀ, କରୋନା ପଜିଟିଭ୍ ମିଳିବା ପରେ ଏଭରେଷ୍ଟର ବେସ କ୍ୟାମ୍ପରୁ ୩୦ ଜଣଙ୍କୁ ଉଦ୍ଧାର କରାଯାଇଥିଲା ।
ଅନ୍ୟ ପକ୍ଷରେ ତେବେ ନେପାଳ ପର୍ୟ୍ୟଟନ କ୍ଷେତ୍ରରୁ ଏହାର ଆୟର ଏକ ବଡ଼ ଅଂଶ ସୃଷ୍ଟି କରେ । ଅନେକ ନେପାଳୀ ଜୀବିକା ପାଇଁ ଆରୋହଣ ଉପରେ ନିର୍ଭର କରୁଥିବା ବେଳେ ମହାମାରୀ କରୋନା କାରଣରୁ ଗତ ବର୍ଷ ହୋଇଥିବା ଲକଡାଉନ୍ ସେମାନଙ୍କ ଜୀବିକା ଉପରେ ପ୍ରଭାବ ପକାଇଥିଲା । ଚଳିତ ବର୍ଷ ୪୦୮ ଜଣ ପର୍ବତାରୋହୀଙ୍କୁ ଆରୋହଣ ପାଇଁ ଅନୁମତି ଦେଇଥିଲା ।
