ବଡ଼ ଖବର; ମାଟ୍ରିକ ପିଲାଙ୍କ ଗଣିତ ପେପର୍ ଲିକ୍! ସୋସିଆଲ ମିଡିଆରେ ଭାଇରାଲ ହେଉଛି ପ୍ରଶ୍ନପତ୍ର …

କେନ୍ଦୁଝର: ମାଟ୍ରିକ ପିଲାଙ୍କ ପରୀକ୍ଷାକୁ ନେଇ ପୁଣି ଉଠିଛି ପ୍ରଶ୍ନବାଚୀ । ଦଶମ ଶ୍ରେଣୀର ଛାତ୍ରଛାତ୍ରୀମାନଙ୍କ ପ୍ରଶ୍ନପତ୍ର ଲିକ୍ ହୋଇଥିବା ନେଇ ଅଭିଯୋଗ ହୋଇଛି । ଗଣିତ ପ୍ରଶ୍ନପତ୍ର ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ନେଇ ଆସିଛି ସଙ୍ଗୀନ ଅଭିଯୋଗ । ଏହାପୂର୍ବରୁ ଇଂରାଜୀ ପ୍ରଶ୍ନପତ୍ର ଲିକ୍ ହେବା ନେଇ ଅଭିଯୋଗ ହୋଇଥିବା ବେଳେ ଗଣିତ ପ୍ରଶ୍ନପତ୍ର ମଧ ଚୋରି ହୋଇଥିବା ଅଭିଯୋଗ ଆସିଛି । ତେବେ ଇଂରାଜୀ ପ୍ରଶ୍ନପତ୍ର ଲିକ୍ ନେଇ ହୋଇଥିବା ଅଭିଯୋଗ ବୋର୍ଡ ଖଣ୍ଡନ କରିଥିଲା । ଏହାପରେ ବର୍ତ୍ତମାନ ପୁଣିଥରେ ପିଲାଙ୍କ ଗଣିତ ପରୀକ୍ଷା ପ୍ରଶ୍ନପତ୍ର ଲିକ୍ ହେବା ନେଇ ଅଭିଯୋଗ ହୋଇଛି । ତେବେ ଏ ପର୍ଯ୍ୟନ୍ତ ଏହି ମାମଲାରେ ବୋର୍ଡ ତରଫରୁ କୌଣସି ପ୍ରତିକ୍ରିୟା ମିଳିନାହିଁ ।