ଅଲୋଡ଼ା ମେଘନାଦ ପାଚେରୀ ମଗରମୁଖ, ଭକ୍ତଙ୍କ ମହଲରେ ତୀବ୍ର ନିନ୍ଦା
ମରାମତି ନାଁରେ ମେଘନାଦ ପାଚେରୀ ଭାଙ୍ଗିଲେ । ଦୋଷୀଙ୍କ ବିରୋଧରେ ନିଆଯିବ କଡ଼ା କାର୍ଯ୍ୟାନୁଷ୍ଠାନ ।
ପୁରୀ: ଶ୍ରୀମନ୍ଦିର ନାଳ ମରାମତି ପାଇଁ ମେଘନାଦ ପାଚେରୀ ମଗରମୁଖକୁ ଭାଙ୍ଗିଦିଆଯାଇଛି । ମଗରମୁଖକୁ ଭାଙ୍ଗିବା ସହ ତାକୁ ଫିଙ୍ଗିଦିଆଯାଇଛି । ଯାହାକୁ ନେଇ ଭକ୍ତଙ୍କ ଗହଣରେ ତୀବ୍ର ନିନ୍ଦା କରାଯାଇଛି ।
ମେଘନାଦ ପାଚେରୀ ଭାଙ୍ଗିବାକୁ ନିନ୍ଦା କରାଯିବା ପରେ ଏହା ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଏଏସଆଇ ଅଧୀକ୍ଷକ ଡା. ଡି.ବି. ଗଡ଼ନାୟମ କହିଛନ୍ତି । ସେ କହିଛନ୍ତି, କର୍ତ୍ତୃପକ୍ଷ ଏପରି କରି ବହୁତ ବଡ଼ ଭୁଲ୍ କରିଛନ୍ତି । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।
ମେଘନାଦ ପାଚେରୀ ପୁରୁଣା ହେବା କାରଣରୁ ପାଚେରୀ ସ୍ଥିତି ଦୁର୍ବଳ ହୋଇଯାଇଛି । ପୂର୍ବରୁ ନାଳ ଓ ବର୍ଷା ପାଣି ନିଷ୍କାସନ ପାଇଁ ପାଚେରୀରେ ମଗରମୁଖ ଲଗାଯାଇଥିଲା । ମନ୍ଦିରର ସବୁ ପାଖରେ ମଗରମୁଖ ଲଗାଯାଇଥିବାବେଳେ ଶ୍ରୀମନ୍ଦିର ନିର୍ମାଣ ବିଭାଗ ନାଳ ମରାମତି ବେଳେ ଏହି ମଗରମୁଖକୁ ଭାଙ୍ଗିଦିଆଯାଇଛି ।