Meta whistleblowerଙ୍କ ବଡ ଆଲର୍ଟ, କହିଲେ – ସୋସିଆଲ ମିଡିଆ ନସୁଧାରିଲେ ଲକ୍ଷ ଲକ୍ଷ ଲୋକଙ୍କର ହୋଇପାରେ ମୃତ୍ୟୁ
ନୂଆଦିଲ୍ଲୀ: ମେଟା ହ୍ୱିଷ୍ଟଲବ୍ଲୋରର ଫ୍ରାନ୍ସିସ୍ ହାଗେନ କହିଛନ୍ତି ଯେ, ଯଦି ସୋସିଆଲ ମିଡିଆରେ ସୁଧାର କରାନଗଲେ, ତେବେ ଆଗାମୀ ବର୍ଷରେ ଲକ୍ଷ ଲକ୍ଷ ଲୋକଙ୍କର (୧୦ ମିଲିୟନରୁ ଅଧିକ) ମୃତ୍ୟୁ ହୋଇପାରେ ।
ବିଜନେସ୍ ଇନସାଇଡର୍ ଇଣ୍ଡିଆର ଖବର ଅନୁଯାୟୀ, ହାଗେନ ସଣ୍ଡେ ଟାଇମ୍ସକୁ ଏହା କହିଛନ୍ତି । ହାଗେନ୍ ୨୦୨୧ ପର୍ଯ୍ୟନ୍ତ ଫେସବୁକରେ କାମ କରିଥିଲେ, ସେ ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ୍ ଦ୍ୱାରା ପ୍ରକାଶିତ ଦି ଫେସବୁକ୍ ଫାଇଲ୍ ନାମକ ଏକ ଡକ୍ୟୁମେଣ୍ଟ ଲିକ୍ କରିଥିଲେ । ଏଥିରେ ଗବେଷଣା ରିପୋର୍ଟ ଏବଂ କର୍ମଚାରୀଙ୍କ ମଧ୍ୟରେ ଆଲୋଚନା ମଧ୍ୟ ସାମିଲ ।
ଇନଷ୍ଟାଗ୍ରାମର ପ୍ରଭାବକୁ କମ୍ ମହତ୍ତ୍ୱ ଦେଇଛନ୍ତି :-
ରିପୋର୍ଟରେ ଉଦାହରଣ ଦେଇ ଜର୍ଣ୍ଣାଲ କହିଛନ୍ତି ଯେ, କିଶୋରମାନଙ୍କ ମାନସିକ ସ୍ୱାସ୍ଥ୍ୟ ଉପରେ ଇନଷ୍ଟାଗ୍ରାମର ପ୍ରଭାବକୁ ମେଟା କମ୍ ମହତ୍ତ୍ୱ ଦେଇଛି । ଫେସବୁକ ଭାରତରେ ଧାର୍ମିକ ଘୃଣା ବ୍ୟାପିବାରେ ସାହାଯ୍ୟ କରିଛି । ୱାଶିଂଟନ୍ ପୋଷ୍ଟ ରିପୋର୍ଟରେ କୁହାଯାଇଛି ଯେ ଫ୍ରାନ୍ସିସ୍ ହଗେନ୍ ଏକ ଆର୍ଟିକିଲ୍ ଲେଖିଛନ୍ତି ଯେଉଁଥିରେ ସେ କହିଛନ୍ତି ଯେ ପାରଦର୍ଶିତା ଅଭାବରୁ ସୋସିଆଲ ମିଡିଆ କ୍ଷତିଗ୍ରସ୍ତ ହେଉଛି । ସେ ଲେଖିଛନ୍ତି ଯେ, ଫେସବୁକ ଏବଂ ଇନଷ୍ଟାଗ୍ରାମର ସାର୍ବଜନୀନ କାହାଣୀ ଏବଂ ସତ୍ୟ ମଧ୍ୟରେ ପାର୍ଥକ୍ୟ କେତେ ବଡ଼ ତାହା କେହି ଜାଣନ୍ତି ନାହିଁ ।
ସୋସିଆଲ ମିଡିଆରେ ସୁଧାର ଆବଶ୍ୟକ :-
ହାଗେନ ବିଶ୍ୱାସ କରନ୍ତି ଯେ, ସୋସିଆଲ ମିଡିଆରେ ସୁଧାରର ଆବଶ୍ୟକତା ରହିଛି ଏବଂ ଏହା ସହିତ ଆମକୁ ସୋସିଆଲ ମିଡିଆକୁ ବୁଝିବାରେ ମଧ୍ୟ ସୁଧାର କରିବାକୁ ପଡିବ । ବାସ୍ତବତା ହେଉଛି ସଂସ୍କୃତି ବଦଳାଇବା ସହଜ ନୁହେଁ । ସେ ସଣ୍ଡେ ଟାଇମ୍ସକୁ କହିଛନ୍ତି ଯେ, ମୁଁ ଏହି ଲିଖିତ ଆକାଉଣ୍ଟକୁ ଦେଖୁଛି ଯେପରି ଆମେ ଏହା ଉପରେ କିପରି ସହମତ ହୋଇପାରିବା । ଯଦି ଆମେ ଏହି ସମସ୍ୟାର ସମାଧାନ ନକରିବା, ଆଗାମୀ ୨୦ ବର୍ଷରେ ଅନେକ ଲୋକ ମରିବେ ।
ରଏଟର୍ସ ରିପୋର୍ଟରେ କୁହାଯାଇଛି ଯେ, ୨୦୧୮ ମସିହାରେ ମିଳିତ ଜାତିସଂଘର ଅନୁସନ୍ଧାନକାରୀ କହିଛନ୍ତି ଯେ ମିଆଁମାରରେ ହୋଇଥିବା ନରସିଂହାର ପାଇଁ ଫେସବୁକ୍ ଅନେକ ମାତ୍ରାରେ ଯୋଗଦାନ ରଖିଛି । ଜଣେ ବ୍ରିଟିଶ ଯୁବକର ଆତ୍ମହତ୍ୟା ପାଇଁ ଦାୟୀ କରିବା ପରେ ଇନଷ୍ଟାଗ୍ରାମ ଅନେକ ନୀତି ପରିବର୍ତ୍ତନ କରିଥିଲା । ଏହିପରି ଅନେକ ମାମଲା ସମଗ୍ର ବିଶ୍ୱରେ ସାମ୍ନାକୁ ଆସିଥିଲା ଯେଉଁଥିରେ ସେହି ଘଟଣାର କାରଣ ସୋସିଆଲ ମିଡିଆ ଥିଲା ।
