(Video) ନିଆରା ପ୍ରେମ… ଛାତ୍ରୀଙ୍କୁ Hug କରି ମାଙ୍କଡ଼ ଦେଖାଇଲା ଭଲପାଇବା, ପରେ ମଥାରେ Kiss: କ୍ଲାସ ଭିତରେ ପଡ଼ିଛି ଚହଳ
ନୂଆଦିଲ୍ଲୀ: ବର୍ତ୍ତମାନ ସୋସିଆଲ ମିଡିଆ ପ୍ଲାଟଫର୍ମ ଖୁବ ଆକ୍ଟିଭ ରହିଛି । ଯେକୌଣସି ମୁହୂର୍ତ୍ତର ଯେକୌଣସି ଭିଡିଓ କିମ୍ବା ଫଟୋ ଖୁବ କମ୍ ସମୟ ଭିତରେ ଖୁବ ଭାଇରାଲ ହେଉଛି । ଯାହା ଫଳରେ ସାରା ବିଶ୍ୱର ପ୍ରତିଟି ଘଟଣା ଉପରେ ଲୋକଙ୍କ ନଜର ରହିପାରୁଛି । ବର୍ତ୍ତମାନ ଏଭଳି ଏକ ଭିଡିଓ ଭାିରାଲ ହେଉଛି, ଯାହା ସମସ୍ତଙ୍କ ମୁହଁରେ ହସ ଭରିଦେଇଛି । କ୍ଲାସ ଭିତରେ ପଶି ଜଣେ ଛାତ୍ରୀଙ୍କ ସହ ମାଙ୍କଡ଼ କରିଥିବା କାରନାମାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ମାଙ୍କଡ଼ଟି ପ୍ରଥମେ ଛାତ୍ରୀଙ୍କୁ ହଗ୍ କରି ପରେ ତାଙ୍କ ମଥାରେ ଚୁମ୍ବନ ଦେଇଥିବା ଦେଖାଯାଇଛି ।
ମଧ୍ୟପ୍ରଦେଶ ଛତରପୁରରୁ ଏଭଳି ଏକ ଘଟଣା ସାମନାକୁ ଆସିଛି । ମହାରାଜା ଛତ୍ରସାଲ ବୁନ୍ଦେଲଖଣ୍ଡ ୟୁନିଭର୍ସିଟିରେ ଏକ କ୍ଲାସରେ ଅଚାନକଗୋଟିଏ ମାଙ୍କଡ଼ ପଶି ଆସିଥିଲା । ଏହାପରେ ସାରା କ୍ଲାସରୁମରେ ଏବଂ ଛାତ୍ରଛାତ୍ରୀଙ୍କ ମଧ୍ୟରେ ଚାଞ୍ଚଲ୍ୟ ସୃଷ୍ଟି କରିଥିଲା । ମାଙ୍ଖଡ଼କୁ ଦେଖି କ୍ଲାସରେ ଥିବା ଛାତ୍ରଛାତ୍ରୀ ଖୁବ ଭୟଭୀତ ହୋଇ ଯାଇଥିଲେ । କ୍ଲାସରୁମରେ ଥିବା ବେଞ୍ଚ୍ ଉପରେ ଡିଆଁକୁଦ କରିବା ଆରମ୍ଭ କରି ଦେଇଥିଲା । ଏହାପରେ କ୍ଲାସରୁମ ଭିତରେ ଜଣେ ଛାତ୍ରୀଙ୍କୁ ମାଙ୍କଡ଼ ଜାବୁଡ଼ି ଧରିଥିଲା ଏବଂ ପରେ ଛାତ୍ରୀଙ୍କୁ ଆଲିଙ୍ଗନ କରିଥିଲା ମାଙ୍କଡ଼ । କିଛି ସମୟ ପର୍ଯ୍ୟନ୍ତ ମାଙ୍କଡ଼ ଛାତ୍ରୀଙ୍କ ସହ ଖେଳୁଥିଲା ଏବଂ ପରେ ଛାତ୍ରୀଙ୍କ ମଥାରେ ଚୁମ୍ବନ ଦେଇଥିବା ମଧ୍ୟ ଭିଡିଓରେ ଦେଖାଯାଇଛି । ଏହା ଭିତରେ ପିଲାମାନଙ୍କ ଖାତା ଏବଂ ବହି ଚିରି ଦେଇଥିଲା ଏହି ମାଙ୍କଡ଼ ।
छतरपुर जिले में एक यूनिवर्सिटी में उस वक्त हड़कंप मच गया जब क्लासरूम में एक बंदर घुस गया। बंदर ने क्लास के अंदर बैठी एक छात्रा को गले लगा लिया। उससे लिपट कर खेलता रहा। उसने क्लास में जमकर उत्पात मचाया। pic.twitter.com/Mc3dpHH2W1
— Rakesh kumar patel (@NanheRakesh) September 26, 2024
ତେବେ ମାଙ୍କଡ଼ଟି କୌରସି ପିଲାଙ୍କର କ୍ଷତି କରିନାହିଁ । ମାଙ୍କଡ଼ଟି ଖୁବ ଚଞ୍ଚଳ ଥିଲା, କିନ୍ତୁ କାହାକୁ କୌଣସି କ୍ଷତି କରିନାହିଁ ବୋଲି ଛାତ୍ରଛାତ୍ରୀମାନେ କହିଛନ୍ତି । ତେବେ କିଛି ସମୟ କ୍ଲାସରୁମରେ ମସ୍ତି କରିବା ପରେ ମାଙ୍କଡ଼ଟି ବାହାରକୁ ଚାଲିଗଲା । ଅନେକ ସମୟ ପର୍ଯ୍ୟନ୍ତ ମାଙ୍କଡ଼ଟି ପିଲାମାନଙ୍କୁ ହଇରାଣ କରିଥିବା ସେମାନେ ପ୍ରକାଶ କରିଛନ୍ତି । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ୟୁଜର୍ସମାନେ ଏହି ଭିଡିଓକୁ ଖୁବ ପସନ୍ଦ କରିବା ସହ ମଜାଦାର କମେଣ୍ଟ କରୁଛନ୍ତି ।
