ପୃଥିବୀପୃଷ୍ଠରୁ ଚିହ୍ନଟ ହେଲା ରହସ୍ୟମୟ ଫଙ୍ଗସ୍ ,ବୈଜ୍ଞାନିକ କହିଲେ ଏହା ଅନ୍ୟ ଦୁନିଆରୁ ଆସିଛି !
ଆଜି ବି ପୃଥିବୀ ପୃଷ୍ଠରେ ଲୁଚି ରହିଥିବା ଅନେକ ରହସ୍ୟ ପ୍ରକାଶ କରାଯାଇ ନାହିଁ। ଆଜି ଆମେ ଏପରି ଏକ ରହସ୍ୟ ବିଷୟରେ କହିବାକୁ ଯାଉଛୁ, ଯାହା ଦେଖିବା ପରେ ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଆନ୍ତି । ବହୁ ବର୍ଷର ଅନୁସନ୍ଧାନ ପରେ ମଧ୍ୟ ବୈଜ୍ଞାନିକମାନେ ଏହାର କୌଣସି ସଠିକ୍ ଉତ୍ତର ଖୋଜି ପାଇ ନାହାଁନ୍ତି।
ଅନୁସନ୍ଧାନକାରୀମାନେ ପୃଥିବୀରେ ଏକ ନିଆରା ପ୍ରଜାତିର ଫଙ୍ଗସ୍ ପାଇଛନ୍ତି, ଯାହା ଦେଖି ବୈଜ୍ଞାନିକମାନେ ଏହା ବିଷୟରେ ଜାଣିବାକୁ ଚେଷ୍ଟା କରିଥିଲେ।ଏହି ରହସ୍ୟମୟ କବକକୁ ପୃଥିବୀ ଜିଭ ନାମରେ ନାମିତ କରାଯାଇଛି । ଏହି କଳା ରଙ୍ଗର ଫଙ୍ଗସ୍ ଦେଖିବା ପରେ ଲାଗୁଛି ଯେ ସେମାନେ ଅନ୍ୟ କିଛି ଜଗତରୁ ଆସିଛନ୍ତି ।
ଅଲବର୍ଟା ୟୁନିଭରସିଟି ମାଇକୋଲୋଜିଷ୍ଟ ଟୋବି ସ୍ପ୍ରିବାଇଲ କହିଛନ୍ତି ଯେ ଏହା ଫଙ୍ଗସ୍ ଜଗତର ପ୍ଲାଟିପସ୍ ଏବଂ ଇଚିଡନା ଅଟେ। ସାଧାରଣତଃ ଦେଖାଯାଏ ଯେ ଫଙ୍ଗସ୍ ଏଲଗୀ କିମ୍ବା ସିଆନୋବ୍ୟାକ୍ଟେରିଆ ସହିତ ବଞ୍ଚିବା ଦ୍ୱାରା ସେମାନେ ଲାଇଚେନର ଗଠନ କରନ୍ତି। ଏହାକୁ ସହଜିବୀ କୁହାଯାଏ ।
ତେବେପୃଥିବୀ ଜିଭ କବକ ପୃଥିବୀର ଉପର ପୃଷ୍ଠରେ ଜନ୍ମଗ୍ରହଣ କରେ ଏବଂ ଏହାର ଜିଭ ପରି ଗଠନକୁ ବାୟୁରେ ବଢ଼େଇଥାଏ ଏବଂ ସେଠାରୁ ଅମ୍ଳଜାନ ନେଇଥାଏ।କିଛି କବକ ନିଜ ଜୀବନକୁ ଗଛରେ ବିତାଇଥାଏ, କିନ୍ତୁ ଅନୁସନ୍ଧାନରୁ ଜଣାପଡିଛି ଯେ ଜିନୋମ ବ୍ୟତୀତ ସେମାନଙ୍କ ଭିତରେ କୌଣସି ଫଙ୍ଗସ୍ ଭଳି କିଛି ମିଳୁନାହିଁ।ଏହାର ଆଚରଣ ସଂପୂର୍ଣ୍ଣ ଅଲଗା।
ବୈଜ୍ଞାନିକମାନେ ସେମାନଙ୍କର ଅନୁସନ୍ଧାନ ସମୟରେ ବିଶ୍ବ ର ୯ ଟି ଦେଶରୁ ୩୦ ଟି କବକର ଜିନୋମ ଅଧ୍ୟୟନ କରିଥିଲେ ଏବଂ ଏଥିରୁ ଜାଣିବାକୁ ପାଇଲେ ଯେ ଏହି ପ୍ରଜାତି ୩୦୦ ନିୟୁତ ବର୍ଷ ପୂର୍ବେ ବାକି ଫଙ୍ଗସ୍ ଠାରୁ ନିଜକୁ ପୃଥକ କରିଛି। କୁହାଯାଉଛି ଯେ ବର୍ତ୍ତମାନ ବୈଜ୍ଞାନିକମାନେ ଏହାର ଶ୍ରେଣୀକରଣ ପାଇଁ ଏକ ପୃଥକ ଜେନେଟିକ୍ ଶାଖା ସୃଷ୍ଟି କରିବାକୁ କାର୍ଯ୍ୟ କରୁଛନ୍ତି।
