ଡ୍ରେସିଙ୍ଗ ରୁମରେ ରୋହିତଙ୍କ ସହ Mystery Girl: କିଏ ଏ ସୁନ୍ଦରୀ? Team Indiaରେ ତୁଲାଉଛନ୍ତି ପ୍ରମୁଖ ଦାୟିତ୍ୱ

ନୂଆଦିଲ୍ଲୀ: ସିଡନୀ ଟେଷ୍ଟରେ ନିଜକୁ ପ୍ଲେଇଙ୍ଗ-୧୧ରୁ ବାଦ୍ ଦେଇଛନ୍ତି ଅଧିନାୟକ ରୋହିତ ଶର୍ମା । ଉପ-ଅଧିନାୟକ ଜଶପ୍ରୀତ ବୁମରାହ ଦଳର ନେତୃତ୍ୱ ନେଇଥିବା ବେଳେ ଭାରତର ବିଜୟ ଆଶା ଉଜ୍ଜୀବିତ ରହିଛି । କିନ୍ତୁ ଡ୍ରେସିଙ୍ଗ ରୁମରେ ରୋହିତଙ୍କୁ ଜଣେ ସୁନ୍ଦରୀଙ୍କ ସହ ଦେଖିବାକୁ ମିଳିଛି ।

ସିଡନୀ ଟେଷ୍ଟ ଖେଳୁ ନଥିବା ବେଳେ ରୋହିତଙ୍କୁ ଏବେ ଏହି ସୁନ୍ଦରୀଙ୍କ ସହ କ୍ୟାମେରାରେ ରେକର୍ଡ କରାଯାଇଛି । ରୋହିତଙ୍କ ସହ ଥିବା ଏହି ସୁନ୍ଦରୀଙ୍କୁ ଭାରତୀୟ ଦଳରେ ଏକ ବଡ଼ ଦାୟିତ୍ୱ ପ୍ରଦାନ କରାଯାଇଛି । ଅନେକ ଥର ତାଙ୍କୁ ଭାରତୀୟ ଖେଳାଳିଙ୍କ ସହ ଦେଖାଯାଇଛି ।

ସିଡନୀ ଟେଷ୍ଟ ସମୟରେ ଅଫିସିଆଲ ବ୍ରଡକାଷ୍ଟର ସହ ଇଣ୍ଟରଭ୍ୟୁ ଦେଇଥିଲେ ରୋହିତ ଶର୍ମା । ଷ୍ଟାର ସ୍ପୋର୍ଟସ ସହ ରୋହିତଙ୍କ ଇଣ୍ଟରଭ୍ୟୁ କରାଇଥିଲେ ରଜଲ ଆରୋରା । ଏହି ଇଣ୍ଟରଭ୍ୟୁରେ ରୋହିତ ନିଜ ଅବସର ଗୁଜବକୁ ଖାରଜ କରିଛନ୍ତି ।

କିଏ ରଜଲ ଆରୋରା?

ରଜଲ ଆରୋରା ବା ରାଜଲକ୍ଷ୍ମୀ ଆରୋରା ଭାରତୀୟ ଦଳର ସପୋର୍ଟ ଷ୍ଟାଫରେ ଏକ ପ୍ରମୁଖ ପଦବୀ ତୁଲାଉଛନ୍ତି । ସାରା ଭାରତୀୟ ପୁରୁଷ କ୍ରିକେଟରେ ଏହି ଜଣେ ମହିଳାହିଁ ରହିଛନ୍ତି । ରାଜଲକ୍ଷ୍ମୀ ହେଉଛନ୍ତି ଭାରତୀୟ କ୍ରିକେଟ ସୋସିଆଲ ମିଡିଆ ଟିମର ମୁଖ୍ୟ । ଆପଣ ମାନେ ଯେଉଁ ସବୁ ଭିଡିଓ କିମ୍ବା ଫଟୋ ଦେଖୁଛନ୍ତି କି ଖେଳାଳି ମାନଙ୍କର ଇଣ୍ଟରଭ୍ୟୁ ଦେଖୁଛନ୍ତି ସବୁ କିଛି ରାଜଲକ୍ଷ୍ମୀଙ୍କ ଦେଖା ରେଖାରେ ହୋଇଥାଏ ।

ରାଜଲକ୍ଷ୍ମୀଙ୍କ ବିନା ଅନୁମତିରେ ଖେଳାଳି ମାନଙ୍କ ଅଫିସିଆଲ ଫଟୋ କିମ୍ବା ଭିଡିଓ ସୋସିଆଲ ମିଡ଼ିଆରେ ଅପଲୋଡ ଯାଇପାରିବ ନାହିଁ । ସେଥିପାଇଁ ଟିମ ଯୁଆଡ଼େ ବି ଯାଏ ତାଙ୍କ ସହ ରାଜଲ ଯିବା ସୁନିଶ୍ଚିତ ।

ଟି ୨୦ ବିଶ୍ୱକପରେ ମଧ୍ୟ ରାଜଲ ଗସ୍ତ କରିଥିଲେ । ଖେଳାଳି ମାନଙ୍କର ସହ ବହୁତ ଖୁସିର ମୁହୂର୍ତ୍ତ ମଧ୍ୟ ସେୟାର କରିଥିବା ଦେଖିବାକୁ ମିଳିଛି । ରାଜଲକ୍ଷ୍ମୀ ଭାରତୀୟ ଟିମ ସୋସିଆଲ ମିଡିଆର ମୁଖ୍ୟ ହୋଇ ରହିଛନ୍ତି ।