ଜାପାନର ‘ସ୍ଲିମ୍’ ମୁନ୍ ମିଶନ୍: ସାମ୍ନାକୁ ଆସିଲା ‘ସ୍ଲିମ୍’ର ପ୍ରଥମ ଫଟୋ
ନୂଆଦିଲ୍ଲୀ: ଆଜି ଆମେରିକୀୟ ସ୍ପେସ୍ ଏଜେନ୍ସି ନାସାର ଏଲ୍ଆର୍ଓ ମହାକାଶଯାନ ଚନ୍ଦ୍ର (ସ୍ଲିମ୍) ପାଇଁ ଜାପାନର ଚନ୍ଦ୍ର ଲ୍ୟାଣ୍ଡର ସ୍ମାର୍ଟ ଲ୍ୟାଣ୍ଡରର ଚିତ୍ର କଏଦ କରିଛି। ଏନେଇ ପ୍ରଥମକରି ଏକ ଫଟୋ ମଧ୍ୟ ଜାରି କରାଯାଇଥିବା ଦେଖିବାକୁ ମିଳିଛି।
ସୂଚନା ଅନୁଯାୟୀ, ଜାପାନ ଏରୋସ୍ପେସ୍ ଏକ୍ସପ୍ଲୋରେଶନ ଏଜେନ୍ସି (ଜାକ୍ସା)ର ସ୍ଲିମ୍ ଟୋକିଓ ସମୟ ଅନୁଯାୟୀ ଶନିବାର ରାତି ୧୨.୨୦ରେ ଚନ୍ଦ୍ରପୃଷ୍ଠରେ ଅବତରଣ କରିଥିଲା। ପାଞ୍ଚ ଦିନ ପରେ ନାସାର ଏଆଲ୍ଆରଓ ମହାକାଶଯାନ ସେହି ସ୍ଥାନ ଦେଇ ଯାଇଥିଲା। ଯେଉଁଠାରେ ସ୍ଲିମ୍ ଏକ ନରମ ଅବତରଣ କରିଥିଲା। ଏହି ସମୟ ମଧ୍ୟରେ ଏଲଆର୍ଓ ସ୍ଲିମ୍ର ଫଟୋ ଉଠାଇ ଜାରି କରିଛି।
ଏଠାରେ କହି ରଖୁଛୁ ଯେ, ଜାପାନର ସ୍ଲିମ୍ ମୁନ୍ ମିଶନ୍ ସଫଳତାର ସହିତ ଜାନୁଆରୀ ୧୯ ଦିନ ଚନ୍ଦ୍ର ପୃଷ୍ଠରେ ଅବତରଣ କରିଥିଲା। ଏହା ସହ ବିଶ୍ୱର ପଞ୍ଚମ ଦେଶ ଭାବେ ଜାପାନ ଚନ୍ଦ୍ରରେ ନାମ ଲେଖାଇଥିଲା। ତେବେ ଗତ ୬ ସେପ୍ଟେମ୍ବର ୨୦୨୩ରେ ଜାପାନ ‘ସ୍ନାଇପର’କୁ ଚନ୍ଦ୍ରକୁ ପଠାଇଥିଲା। ଏହାପରେ ସ୍ନାଇପର ଡିସେମ୍ବର ୨୫ରେ ଚନ୍ଦ୍ରର କକ୍ଷପଥରେ ପହଞ୍ଚିଥିଲା ଏବଂ ସେବେଠାରୁ ଏହା କ୍ରମାଗତ ଭାବରେ ଚନ୍ଦ୍ର ଆଡ଼କୁ ଗତି କରୁଥିଲା। ଶେଷରେ ୨୦୨୪ ଜାନୁଆରୀ ୧୯ ତାରିଖରେ ଜାପାନ ନିଜର ଚନ୍ଦ୍ର ଅଭିଯାନରେ ସଫଳ ହୋଇଥିଲା । ଆଉ ୧୯୬୬ ପରେ ଚନ୍ଦ୍ରରେ ସଫଳ ଅବତରଣ କରି ବିଶ୍ୱର ପଞ୍ଚମ ଦେଶ ଭାବେ ସ୍ଥାନ ଅଧିଗ୍ରହଣ କରିଛି। କାରଣ ଏହା ପୂର୍ବରୁ ଭାରତ, ଋଷ, ଆମେରିକା ଏବଂ ଚାଇନା ଏହି ସଫଳତା ହାସଲ କରିଛନ୍ତି।
