ସିନ୍ଧୁ ଜଳ ରାଜିନାମା ସଂକ୍ରାନ୍ତରେ ଭାରତ ଏବଂ ପାକିସ୍ତାନକୁ ଏକ ନୋଟିସ୍ ଜାରି

ନୂଆଦିଲ୍ଲୀ: ସିନ୍ଧୁ ଜଳ ରାଜିନାମା ଲାଗୁ କରିବାରେ ମତ ପରିବର୍ତ୍ତନ ନାହିଁ ବୋଲି ଦାୟୀ ଭାବେ ଭାରତ ଏବଂ ପାକିସ୍ତାନକୁ ଏକ ନୋଟିସ୍ ଜାରି କରାଯାଇଛି । ସୂଚନା ଅନୁସାରେ, ନଅ ବର୍ଷ ଆଲୋଚନା ପରେ ୧୯୬୦ ମସିହା ସେପ୍ଟେମ୍ବର ମାସରେ ଭାରତ ଏବଂ ପାକିସ୍ତାନ ସିନ୍ଧୁ ଜଳ ଚୁକ୍ତି ସ୍ୱାକ୍ଷରିତ କରିଥିଲେ । ଏହି ଚୁକ୍ତିର ଅନ୍ୟ ସ୍ୱାକ୍ଷରକାରୀ ହେଉଛି ବିଶ୍ୱବ୍ୟାଙ୍କ । ଏକାଧିକ ନଦୀର ଜଳକୁ ବ୍ୟବହାର କରିବା ପାଇଁ ଉଭୟ ଦେଶକୁ ସହଯୋଗ ଏବଂ ସୂଚନା ବିନିମୟ ପାଇଁ ଇଣ୍ଡସ ଜଳ ଚୁକ୍ତି (ଆଇଡ଼ବ୍ଲୁଟିରେ)ରେ ଉଲ୍ଲେଖ ରହିଛି ।

ଏହି ଚୁକ୍ତିକୁ ନିଷ୍ଠାପରଭାବେ ପାଳନ କରିବାକୁ ଭାରତ ରାଜି ଥିବା ବେଳେ ପାକିସ୍ତାନ ଏହାକୁ ଉଲଘଂନ କରିଛି । ଏହିପରି ପାକିସ୍ତାନର କାର୍ଯ୍ୟକଳାପ ଚୁକ୍ତିନାମା ଉପରେ ପ୍ରତିକୂଳ ପ୍ରଭାବ ପକାଇଛି । ତେଣୁ ପାକିସ୍ତାନ ନିଜର ଭୁଲ୍ ସୁଧାରିବା ଲାଗି ବାଧ୍ୟ ହୋଇ ଭାରତ ଏହି ନୋଟିସ୍ ଜାରି କରିଛି ।

ଏହା ପରେ ଭାରତ କିଷେନ୍ଗଙ୍ଗା ଏବଂ ରାଟଲ୍ ଜଳ ବିଦ୍ୟୁତ୍ ପ୍ରକଳ୍ପ ଉପରେ କରିଥିବା ବୈଷୟିକ ଆପତ୍ତିକୁ ପରୀକ୍ଷା ପାଇଁ ପାକିସ୍ତାନ ବିଶ୍ୱ ବ୍ୟାଙ୍କଠାରୁ ନିରପେକ୍ଷ ବିଶେଷଜ୍ଞ ଲୋଡ଼ିଥିଲା । କିନ୍ତୁ ୧ ବର୍ଷ ପରେ ଏକ ତରଫା ପ୍ରତ୍ୟାହାର କରି “କୋର୍ଟ ଅଫ୍ ଆର୍ବିଟ୍ରେସନ୍’ ପାଇଁ ପ୍ରସ୍ତାବ ଦେଇଥିଲା । ପାକିସ୍ତାନର ଏଭଳି ନିଷ୍ପତ୍ତି “ଆଇଡ଼ବ୍ଲୁଟି’ର ବିରୁଦ୍ଧାଚରଣ କରୁଛି ବୋଲି ଭାରତ ଅଭିଯୋଗ କରିବା ସହିତ ପୃଥକ ନିରପେକ୍ଷ ବିଶେଷଜ୍ଞ କମିଟି ଗଠନ କରିବାକୁ କହିଥିଲା । ତେଣୁ ଉଭୟ ବୁଝାମଣା କରନ୍ତୁ ବୋଲି ବିଶ୍ୱବ୍ୟାଙ୍କ କହିଥିଲା ।