ରାସ୍ତାରୁ ହଟିବ ୧୫ ବର୍ଷରୁ ଉର୍ଦ୍ଧ୍ବ ପୁରୁଣା ଗାଡ଼ି
ଭୁବନେଶ୍ୱର(ଓଡ଼ିଶା ଭାସ୍କର): ରାସ୍ତାରୁ ହଟିବାକୁ ଯାଉଛି ୧୫ ବର୍ଷରୁ ଉର୍ଦ୍ଧ୍ବ ପୁରୁଣା ଗାଡ଼ି । ଓଡ଼ିଶାରେ ପୁରୁଣା ଗାଡ଼ି ଚିହ୍ନଟ ହୋଇସାରିଥିବା କହିଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା । ମନ୍ତ୍ରୀଙ୍କ କହିବା ମୁତାବକ, ‘ପରିବହନ ବିଭାଗ ଏନେଇ ପ୍ରକ୍ରିୟା ଆରମ୍ଭ କରି ସାରିଛି । ରାଜ୍ୟରେ ଲକ୍ଷାଧିକ ୧୫ ବର୍ଷର ପୁରୁଣା ଗାଡ଼ି ଅଛି । କେନ୍ଦ୍ରର ନୂଆ ସ୍କ୍ରାପ୍ ପଲିସି ଅନୁସାରେ ରାଜ୍ୟ କାର୍ଯ୍ୟକାରୀ କରିବ ବୋଲି ସୂଚନା ଦେଇଛନ୍ତି ମନ୍ତ୍ରୀ ପଦ୍ମନାଭ ବେହେରା ।
ତେବେ ଏହା ପୂର୍ବରୁ ରାସ୍ତାରେ ପୁରୁଣା କାର୍ ଚଳାଇଲେ ଫାଇନ୍ ଲାଗିବ ବୋଲି ଦିଲ୍ଲୀ ସରକାର ଘୋଷଣା କରିଥିଲେ । ଯଦି ୧୦ ବର୍ଷରୁ ଅଧିକ ପୁରୁଣା ଡିଜେଲ କାର ଓ ୧୫ ବର୍ଷରୁ ଅଧିକ ପୁରୁଣା ପେଟ୍ରୋଲ କାର ରାସ୍ତାରେ ଚଳାଇବେ ତେବେ ଆପଣଙ୍କୁ ତଣ୍ଡ ଗଣିବାକୁ ପଡ଼ିବ। ୫୦୦ କି ୧୦୦୦ ନୁହେଁ ଏକା ଥରକେ ୧୦ ହଜାର ଜୋରିମାନା ଦେବେ ଗାଡ଼ି ଚାଳକ।
