ଚୀନରେ ଭୟଙ୍କର ଭୂକମ୍ପ: ୧ ମୃତ, ୨୨ ଆହତ

ବେଜିଂ: ଚୀନର ଦୁଟି ସ୍ଥାନରେ ଭୟଙ୍କର ଭୂକମ୍ପ ସଂଘଟିତ ହୋଇଛି । ଏହି ଭୂକମ୍ପରେ ଜଣଙ୍କର ମୃତ୍ୟୁ ଘଟିବା ସହ ୨୨ ଜଣ ଆହତ ହୋଇଛନ୍ତି । ଉତ୍ତର-ପଶ୍ଚିମ ଓ ଦକ୍ଷିଣ-ପଶ୍ଚିମ ଚୀନରେ ଏହି ଭୂକମ୍ପ ନିଜର ପରାକ୍ରମ ଦେଖାଇଥିଲା । ପ୍ରଥମେ ସଂଘଟିତ ହୋଇଥିବା ଭୂକମ୍ପର ତୀବ୍ରତା ୬.୧ ଓ ପରେ ସଂଘଟିତ ହୋଇଥିବା ଭୂକମ୍ପର ତୀବ୍ରତା ୭.୩ ରହିଥିବା ଜଣାପଡ଼ିଛି । ମୃତ ଓ ଆହତମାନେ ପାହାଡ଼ିଆ ଅଞ୍ଚଳର ବୋଲି ସୂଚନା ମିଳିଛି । ତେବେ ଭୂକମ୍ପର କ୍ଷୟକ୍ଷତି ହୋଇ କୌଣସି ସଠିକ ଖବର ହସ୍ତଗତ ହୋଇନାହିଁ । ଘଟଣାସ୍ଥଳକୁ ଜରୁରୀକାଳୀନ ଓ ବିପର୍ଯ୍ୟୟ ଟିମଙ୍କୁ ପଠାଯାଇଥିବା ଜଣାପଡ଼ିଛି ।