CWC ପକ୍ଷରୁ ନିଯୁକ୍ତି: JTA, ଆକାଉଣ୍ଟାଣ୍ଟ ପଦ ପୂରଣ ପାଇଁ ଓଡ଼ିଶାରେ ହେବ ପରୀକ୍ଷା, ଆବେଦନ ଆରମ୍ଭ
ଭୁବନେଶ୍ୱର(ଓଡ଼ିଶା ଭାସ୍କର): ସେଣ୍ଟ୍ରାଲ ୱେୟାରହାଉସିଂ କର୍ପୋରେସନ (ସିଡବ୍ଲ୍ୟୁସି) ତରଫରୁ ଅନେକ ପଦ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଜୁନିୟର ଟେକ୍ନିକାଲ ଆସିଷ୍ଟାଣ୍ଟ (ଜେଟିଏ), ଆସିଷ୍ଟାଣ୍ଟ ଇଞ୍ଜିନିୟର, ସୁପରିଟେଣ୍ଡେଣ୍ଟ, ଆକାଉଣ୍ଟାଣ୍ଟ, ମ୍ୟାନେଜମେଣ୍ଟ ଟ୍ରେନିଂ ଆଦି ୬ ପ୍ରକାର ପଦ ପୂରଣ ହେବ । ଇଚ୍ଛୁକ ପ୍ରାର୍ଥୀମାନେ ତଳେ ଦିଆଯାଇଥିବା ନୋଟିଫିକେସନ ଲିଙ୍କକୁ ଯାଇ ସବିଶେଷ ତଥ୍ୟ ପାଇ ପାରିବେ । ତଳେ ଦିଆଯାଇଥିବା ଲିଙ୍କକୁ ଯାଇ ଆଶାୟୀମାନେ ଅନଲାଇନ୍ ମାଧ୍ୟମରେ ଆବେଦନ କରିପାରିବେ ।
ଅଣସଂରକ୍ଷିତ, ଇଡବ୍ଲ୍ୟୁଏସ, ଓବିସି ପ୍ରାର୍ଥୀଙ୍କ ପାଇଁ ୧୩୫୦ ଟଙ୍କା ଆବେଦନ ଫିସ୍ ରହିଥିବା ବେଳେ ଏସସି, ଏସଟି, ମହିଳା, ପିଡବ୍ଲ୍ୟୁବିଡି, ଏକ୍ସ-ସର୍ଭିସମେନଙ୍କ ପାଇଁ ୫୦୦ ଟଙ୍କା ରହିଛି । ପେମେଣ୍ଟ ଅନଲାଇନ୍ ମାଧ୍ୟମରେ ଗ୍ରହଣ କରାଯିବ । ଡିସେମ୍ବର ୧୪ ତାରିଖରୁ ଏଥିପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇସାରିଥିବା ବେଳେ ଜାନୁଆରୀ ୧୨ରେ ତାହା ସମାପ୍ତ ହେବ । ପରୀକ୍ଷାର ୧୦ ଦିନ ପୂର୍ବରୁ ଆଡମିଟ୍ କାର୍ଡ ଜାରି କରାଯିବ । ସମସ୍ତ ପଦ ପାଇଁ ଶିକ୍ଷାଗତ ଯୋଗ୍ୟତା ଓ ବୟସ ଯୋଗ୍ୟତା ଅଲଗା ଅଲଗା ରହିଛି । ଓଡ଼ିଶାର ବିଭିନ୍ନ ପରୀକ୍ଷା କେନ୍ଦ୍ରରେ ଏହି ସମସ୍ତ ପଦ ପାଇଁ ଅନଲାଇନ୍ ପରୀକ୍ଷା ହେବ । ତେଣୁ ରାଜ୍ୟର ସମସ୍ତ ଆଶାୟୀଙ୍କ ପାଇଁ ଏହା ଏକ ବଡ଼ ସୁଯୋଗ ।
ଆବେଦନ ଲିଙ୍କ: https://ibpsonline.ibps.in/cwcvpnov24/
ନୋଟିଫିକେସନ ଲିଙ୍କ: https://cwceportal.com/Careers/Guidelines/25/25_Advertisement_0e897865-a818-43d8-b002-936e2b919533.pdf
