ପ୍ରେମ ପାଇଁ ପାକିସ୍ତାନରେ ସ୍ୱାମୀଙ୍କୁ ଛାଡ଼ି ଚାଲି ଆସିଥିଲେ ଭାରତ, PUBG ଖେଳରୁ ଆରମ୍ଭ ହୋଇଥିଲା ସଚିନଙ୍କ ପ୍ରେମ

ନୋଏଡା: ସୀମା ହାଇଦର ଓରଫ୍ ପ୍ରୀତି । ହୁଏତ କାହାରିକୁ ଏ ନାଁ ଅଜଣା ଲାଗୁ ନ ଥିବ! କାରଣ କିଛିଦିନ ତଳେ ତ ସୀମା ହାଇଦରକୁ ନେଇ ଗଣମାଧ୍ୟମରେ ଖବର ପ୍ରସାରଣ ହେବାରେ ଲାଗିଥିଲା । ଜାତୀୟ ଗଣମାଧ୍ୟମଠାରୁ ଆରମ୍ଭ କରି ଆଞ୍ଚଳିକ ସବୁ ମିଡିଆ ତାଙ୍କ ବାଇଟ୍ ନେବାରେ ବ୍ୟସ୍ତ ଥିଲେ । ବତ୍ତର୍ମାନ ସୀମାଙ୍କୁ ନେଇ ଏକ ଖୁସି ଖବର ଆସିଛି । ସୀମା ଓ ସଚିନଙ୍କର ପିଲା ହେବାକୁ ଯାଉଛି । ଏ ନେଇ ସୀମା ସୋସିଆଲ ମିଡିଆରେ ଏକ ପୋଷ୍ଟ ଶେୟାର କରିଛନ୍ତି । ବର୍ତ୍ତମାନ ସେ ୭ ମାସର ଗର୍ଭବତୀ । ସମାନ ଖବର ପୂର୍ବରୁ ଅନେକ ଥର ଉଠିଛି ହେଲେ, ସୀମା ତା ସମ୍ପର୍କରେ କୌଣସି ଆଲୋଚନା କରି ନ ଥିଲେ ।

ଅନଲାଇନ୍ ଗେମ୍ ପବଜି ଖେଳରୁ ପାକିସ୍ତାନର ସୀମା ଓ ନୋଏଡାର ସଚିନ ମିଣାଙ୍କ ଭେଟ ହୋଇଥିଲା । ଖେଳୁ ଖେଳୁ ଦୁହେଁ ପ୍ରେମରେ ପଡ଼ିଯାଇଥିଲେ । ଗତବର୍ଷ ମେ’ରେ ସୀମା ନେପାଳ ବର୍ଡର ଦେଇ ୪ ଛୁଆଁଙ୍କ ସାଥୀରେ ଧରି ସଚିନଙ୍କ ପାଖକୁ ଚାଲିଆସିଥିଲେ । ସୀମା ପୂର୍ବରୁ ବିବାହିତ । ପ୍ରଥମ ସ୍ୱାମୀ ତରଫରୁ ତାଙ୍କର ୪ଟି ପିଲା । ଆଉ ଏବେ ପୁଣିଥରେ ମା’ ହେବାକୁ ଯାଉଛନ୍ତି ସୀମା ।