UPSC ପ୍ରକାଶ କଲା CSE ମେନ୍ ପରୀକ୍ଷାର ଫଳାଫଳ, ଏହି ଲିଙ୍କରେ କରନ୍ତୁ ଚେକ୍
ନୂଆଦିଲ୍ଲୀ: Union Public Service Commission (UPSC) ଶୁକ୍ରବାର ଦିନ ସିଭିଲ ସର୍ଭିସେସ୍ ମେନ ପରୀକ୍ଷା -୨୦୨୩ ର ଫଳାଫଳ ପ୍ରକାଶ କରିଛି। ପ୍ରାଥମିକ ପରୀକ୍ଷା ଯୋଗ୍ୟତା ହାସଲ କରିଥିବା ପ୍ରାର୍ଥୀଙ୍କ ପାଇଁ ୧୫ ରୁ ୨୪ ସେପ୍ଟେମ୍ବର ମଧ୍ୟରେ ମେନ ପରୀକ୍ଷା କରାଯାଇଥିଲା।
ସଫଳ ପ୍ରାର୍ଥୀଙ୍କ ରୋଲ୍ ନମ୍ବର ଆୟୋଗର ୱେବସାଇଟ୍ https://upsconline.nic.in/ ରେ ଅପଲୋଡ୍ ହୋଇଛି। ଏଥିରେ ସଫଳ ପ୍ରାର୍ଥୀମାନେ ଭାରତୀୟ ପ୍ରଶାସନିକ ସେବା, ଭାରତୀୟ ବୈଦେଶିକ ସେବା, ଭାରତୀୟ ପୋଲିସ ସେବା ଏବଂ ଅନ୍ୟାନ୍ୟ କେନ୍ଦ୍ରୀୟ ସେବା (ଗ୍ରୁପ୍ ଏ ଏବଂ ବି) ରେ ଚୟନ ହୋଇଥିବା ସାକ୍ଷାତକାରରେ ଉପସ୍ଥିତ ହେବେ।
ସାକ୍ଷାତକାର ତାରିଖ ୱେବସାଇଟ୍ ମାଧ୍ୟମରେ ଖୁବ ଶୀଘ୍ର ପ୍ରକାଶ ପାଇବ ବୋଲି ଆୟୋଗ ଏକ ବିଜ୍ଞପ୍ତି ଜାରି କରିଛି। କୋର୍ଟରେ ବିଚାରାଧୀନ ମାମଲା ହେତୁ ୨୮ ଜଣ ପ୍ରାର୍ଥୀଙ୍କ ଫଳାଫଳକୁ ଅଟକାଇ ଦିଆଯାଇଛି।
ସମସ୍ତ ଆବେଦନକାରୀଙ୍କ ଦ୍ୱାରା ବିସ୍ତୃତ ଆବେଦନ ଫର୍ମ (DAF-II) ଅନଲାଇନରେ ଦାଖଲ କରାଯିବ। ଏଥିପାଇଁ ଲିଙ୍କ୍ ୱେବସାଇଟରେ ୯ ରୁ ୧୫ ଡିସେମ୍ବର ମଧ୍ୟରେ ସନ୍ଧ୍ୟା ୬:୦୦ ରୁ ଉପଲବ୍ଧ ହେବ।
