ଲୋକଙ୍କ ଆଗରେ ଅଭିନେତ୍ରୀଙ୍କ ଅଣ୍ଟାରେ ହାତ ମାରିଲେ ଅଭିନେତା, ଲୋକଲଜ୍ଜାରେ ଇଣ୍ଡଷ୍ଟ୍ରି ଛାଡ଼ିଦେଲେ ହିରୋଇନ୍
ଗୀତ ରିଲିଜ ଇଭେଣ୍ଟରେ ଅଭିନେତାଙ୍କ ଅଶ୍ଲୀଳ ହରକତ୍।
ମୁମ୍ବାଇ: ଗୀତ ରିଲିଜ ଇଭେଣ୍ଟରେ ଅଭିନେତାଙ୍କ ଅଶ୍ଲୀଳ ହରକତ୍। ହିରୋଇନ୍ ଗୀତ ପ୍ରମୋସନ ଇଭେଣ୍ଟରେ ଜନତାଙ୍କ ସହ କଥା ହେବା ବେଳେ ଅଭିନେତା ବାରମ୍ବାର କରିଥିଲେ ଅଶ୍ଳୀଳ ହରକତ୍। ଆଉ ଘଟଣା ହାଟରେ ପଡ଼ି ଘାଟରେ ଗଡ଼ିବା ପରେ ଏବେ ଭୋଜପୁରୀ ଇଣ୍ଡଷ୍ଟ୍ରିରୁ ସନ୍ନ୍ୟାସ ନେଲେ ଅଭିନେତ୍ରୀ।
ଭୋଜପୁରୀ ସୁପରଷ୍ଟାର ପବନ ସିଂହ ନିଜ କାମ ବ୍ୟତୀତ ଅଲଗା କାରଣ ପାଇଁ ବେଶ ଚର୍ଚ୍ଚାରେ ରୁହନ୍ତି। ବିଭିନ୍ନ ପ୍ରସଙ୍ଗକୁ ନେଇ ପବନ ସିଂ ବିବାଦ ଘେରରେ ଥାଆନ୍ତି। ଏବେ ତାଙ୍କ ନାମ ସହିତ ପୁଣି ଆଉ ଏକ ବିବାଦ ଯୋଡ଼ି ହୋଇଯାଇଛି।
ଭୋଜପୁରୀ ଷ୍ଟାର ପବନ ସିଂ ଅଭିନେତ୍ରୀ ଅଞ୍ଜଲି ରାଘବଙ୍କୁ ଭୁଲ ଉର୍ଦ୍ଦେଶରେ ଭୁଲ ସ୍ଥାନରେ ହାତ ମାରିଛନ୍ତି। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଏବେ ଏହି ଭିଡିଓକୁ ନେଇ ମୁହଁ ଖୋଲିଛନ୍ତି ଅଭିନେତ୍ରୀ। ପବନ ସିଂହଙ୍କ ଏଭଳି କାମକୁ ନେଇ ସୋସିଆଲ ମିଡିଆରେ ପ୍ରତିକ୍ରିୟା ରଖିଛନ୍ତି ଅଭିନେତ୍ରୀ ଅଞ୍ଜଲି।
କିଛି ଦିନ ପୂର୍ବରୁ ସୋସିଆଲ ମିଡିଆରେ ଏକ ଭିଡିଓ ବହୁତ ଜୋରରେ ଭାଇରାଲ ହେଉଥିଲା। ଏହି ଭିଡିଓ ପବନ ସିଂହ ଏବଂ ଅଞ୍ଜଲି ରାଘବଙ୍କ ଇଭେଣ୍ଟର ଥିଲା। ଅଞ୍ଜଲି ଫ୍ୟାନ୍ସଙ୍କ ସହ କଥା ହେବା ବେଳେ ଅଞ୍ଜଲିଙ୍କ ଅଣ୍ଟାରେ ବାରମ୍ବାର ହାତ ମାରୁଥିଲେ ପବନ।
ପବନ ସିଂହଙ୍କ ଏଭଳି କାର୍ଯ୍ୟ ସୋସିଆଲ ମିଡିଆରେ ଭାଇରାଲ ହେଉଛି। ୟୁଜର ଅଭିନେତାଙ୍କୁ ନାନା କଥା କହୁଥିବା ବେଳେ ଅଭିନେତ୍ରୀଙ୍କ ମଧ୍ୟ କହିଛନ୍ତି। ଯେଉଁଥି ପାଇଁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏନେଇ ମୁହଁ ଖୋଲିଛନ୍ତି ଅଞ୍ଜଲି।
ଭିଡିଓରେ ଅଞ୍ଜଳି କହିଛନ୍ତି ମୁଁ ଏଭଳି ଭିଡିଓ ଦେଖି ଦୁଇ ଦିନ ହେବ ବହୁତ ଚିନ୍ତାରେ ଅଛି। ମୋତେ ଲାଗିଥିଲା ଲକ୍ଷ୍ନୌ ଇଭେଣ୍ଟରେ ହୋଇଥିବା ଘଟଣା ଦୁଇ ତିନି ଦି ଭିତରେ ଠିକ୍ ହୋଇଯିବ। ଅନେକ ଲୋକ ମଧ୍ୟ ପ୍ରଶ୍ନ କରୁଛନ୍ତି ମଧ୍ୟ କାହିଁକି ଏଭଳି ଘଟଣାରେ ମୁଁ ମୁହଁ ଖୋଲିଲିନି ସେଠି କିଛି କହିଲିିନି।
ନିଜ ଭିଡିଓରେ ଅଞ୍ଜଲି କହିଛନ୍ତି ଯେତେବେଳେ ଇଭେଣ୍ଟ ଶେଷ ହେଲା ଆମେ ଡିନର ସାରି ଘରକୁ ଆସିଯାଇଥିଲୁ। ଘରେ ପହଞ୍ଚିବା ପରେ ଜାଣିବାକୁ ପାଇଲି ଘଟଣା ବହୁତ ବଢ଼ିଗଲାଣି।
ଏ ବିଷୟରେ ମୁଁ କଥା ହେବାକୁ ଚାହିଁଥିଲି ହେଲେ ମୋତେ କୁହାଯାଇଥିଲା ପବନ ସିଂହଙ୍କ ପିଆର ବହୁତ ଷ୍ଟଙ୍ଗ। କିଛି ମେସେଜ କି ପୋଷ୍ଟ କରନି। ସେମାନେ କିଛି ଓଲଟା ଲେଖିଦେବେ। ପରିସ୍ଥି ଅଧିକ ଖରାପ ହୋଇଯିବ। ଦୁଇ ଦିନ ଭିତରେ ମାମଲା ଠିକ୍ ହୋଇଯିବ।
ହେଲେ ଘଟଣା ଠିକ୍ ହେବା ପରିବର୍ତ୍ତେ ଅଧିକ ଖରାପ ହେଉଛି। ଲୋକେ ମୋ କ୍ୟାରେକ୍ଟରକୁ ନେଇ ପ୍ରଶ୍ନ କରୁଛନ୍ତି। ଅଭିନେତ୍ରୀ କହିଛନ୍ତି ଅନେକ ଥର ଏନେଇ କଥା ହେବାକୁ ଚାହିଁଥିଲେ। ହେଲେ ଯୋଗାଯୋଗ ହୋଇପାରିନି।
ଏଭଳି ଘଟଣାକୁ ଅଭିନେତ୍ରୀ ବିରୋଧ କରିବା ସହ ସେ ଭୋଜପୁରୀରେ କାମ ଆଉ କେବେ କରିବେ ନାହିଁ ବୋଲି କହିଛନ୍ତି।